Albistea entzun

Ezbeharra

Gizon baten hilotza agertu da Gasteizko biokonpost planta batean

Gorpua gaur goizean topatu dute, Jundizko industrialdeko biokonpost plantan.

Jundiz industriaguneko biokonpost planta, gaur goizean.
Jundiz industriaguneko biokonpost planta, gaur goizean. David Aguilar / Efe Tamaina handiagoan ikusi

Berria -

2020ko otsailak 11 11:45

Eusko Jaurlaritzako Segurtasun sailak jakinarazi duenez, gizon baten hilotza agertu da gaur goizean Gasteizko Jundiz industrialdeko biokonpost plantan. Goizeko zortzietan topatu dute gizonaren gorpua. Hainbat iturriren arabera, 37 urteko gizonezko bat da hildakoa, eta baliteke gorpua edukiontziak biltzeko kamioiren batetik iritsi izana lantegira. Hango langileek eman diote abisua Udaltzaingoari, gorpua ikusi eta berehala.

Ertzaintza bertaratu egin da Jundizko lantokira, eta ikerketa bat abiatu du heriotzaren ingurukoak argitzeko. Polizia judiziala ari da ikerketa zuzentzen. Segurtasun Sailak jakinarazi du gorpuak ez duela kriminalitate zantzurik, eta Gasteizko Institutu Anatomiko Forentsera eraman dutela autopsia egiteko.

Ana Oregi Gasteizko Udaleko Lurralde gaietarako zinegotziak goizean goiz izan du ezbeharraren berri, udal batzorde batean parte hartzen ari zela. Batzordearen bilera bertan behera utzi dute, eta biokonpost lantegira bertaratu dira Oregi bera eta udal gobernuko hainbat zinegotzi. Lantegia itxi egin dute aldi baterako, eta barruan daude Polizia eta udal ordezkariak.

Gasteizko hiri hondakinak tratatzen dituzte Jundizko biokonpost plantan. Edukiontzi gris eta organikoetatik datozen hondakinak jasotzen dituzte bertan. Hondakin organikoak, inausketa hondarrak eta gainerakoen zatikiko zabor poltsak tratatzeaz arduratzen da planta hori, eta, gero, Gardelegiko zabortegira eramaten dira.

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Nafarroako Ospitaleko ZIUetako gela bat, artxiboko irudi batean. ©Jesus Diges, EFE

Urtarriletik koronabirusak jota jende gutxien hil den astea izan da aurrekoa Hegoaldean

Uxue Rey Gorraiz

90 pertsona hil dira koronabirusak jota azken astean Hegoaldean, iragan astean baino 33 lagun gutxiago. Urtarril hasieratik erregistratu den daturik apalena da heriotzei dagokienez. Beste 468 COVID-19 kasu detektatu dituzte Hego Euskal Herrian, ia 12.000 test eginda.

Osasun langile bat adineko pertsona bati txertoa jartzen kotxean, gaur, Donostiako ospitalean ©Gorka Rubio/ Foku

Hasi dira 100 urtetik gorakoak txertatzen Araban, Bizkaian eta Gipuzkoan

Edurne Begiristain

90 eta 100 urte bitartean daudenak izango dira txertoa jasotzen hurrengoak: 39.000 pertsona inguru. Gotzone Sagarduik jakinarazi du aurki txertatzen hasiko direla tutoretzapeko pisuetako eta etxebizitza komunitarioetako adineko pertsonak, eguneko zentroetako erabiltzaileak, eta etxean dauden menpekotasun handiko pertsonak eta desgaitasunen bat dutenak.

Emakundek eta Eusko Jaurlaritzak gaur aurkeztu dute Martxoaren 8ko kanpaina, Gasteizen. ©Jaizki Fontaneda / FOKU

Emakundek zaintza lanei buruz hausnartu nahi du Martxoaren 8ko kanpainaren bidez

Amaia Ramirez de Okariz Kortabarria

Nork zaintzen du? izango da aurtengo Martxoaren 8ko leloa, eta Eusko Jaurlaritzak eta Emakundek uste dute «beharrezkoa» dela agerian uztea lan horiek nork egiten dituen. Landaidak azpimarratu du egoera horiek «ikusarazi» egin behar direla.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna