Noiz sortua: 2020-02-11 13:40:28

Laneko legeria

Kaferako eta erretzeko denbora lanalditik kentzeko oniritzia eman dio Auzitegi Nazionalak enpresa bati

Espainiako Auzitegi Gorenak izango du azken hitza, CCOOk helegitea aurkezten badu. Lanaldiaren erregistroa ezartzerakoan hasi zen Galp Energia kaferako eta erretzeko tarteak lanalditik kanpo kontatzen, eta horiek ez zeuden lan itunean hitzartuta. Auzitegi Nazionalaren ustez, Galp Energiaren kasuan, tarte horiek ez dira eskuratutako eskubideak.

Erretzaile bat, zigarreta eskuan
Erretzaile bat, zigarreta eskuan Andoni Canellada / Foku Tamaina handiagoan ikusi

Irune Lasa -

2020ko otsailak 11

Hizpide aproposa izan daitekeena lankide arteko kafe eta zigarretetarako: Espainiako Auzitegi Nazionalak arrazoia eman dio Galp Energia enpresari, legezko iritzi baitio langileei fitxaraztea kaferako eta erretzeko hartzen dituzten tarteengatik. Lanaldiaren derrigorrezko erregistroa ezarri zenean, Madrilgo Galp Energiak mezu elektroniko bidez jakinarazi zien langileei fitxatu egin behar zutela kafe bat hartu edo zigarreta bat erretzeko jarduna erretzen zuten aldiro, eta tarte horiek lanalditik kanpokotzat jotzen zituela.

CCOO sindikatuak auzibidera jo zuen enpresaren erabakiaren kontra, argudiatuta tarte horiek lanaldiaren parte zirela, «langileen onurarako» jada eskuratutako eskubideak ziren heinean, eta enpresak, alde bakarrez, langileen lan baldintzak okertzen zituen aldaketa bat egin zuela. Baina, Auzitegi Nazionalaren arabera, Galp Energiaren kasuan, erregistro berriarekin enpresak egindako moldaketa horiek ez dira «lan baldintzen funtsezko aldaketa» bat, eta, beraz, ez dira zertan negoziatu behar langileen ordezkariekin.

Tarte horiei buruzkoak negoziatu beharreko aldaketak izateko, epaiaren arabera, baldintza horiek aurretik existitu beharko lirateke langilearen kontratuan, enpresaren hitzarmenean edota aurretik enpresak hartutako aldebakarreko erabaki batean, eta Galp Energiaren kasuan ez dago halakorik. Ez da frogatu, gainera, erregistroaren aurretik enpresak kaferako eta erretzeko tarteak lanaldiaren barneko gisa ulertzen zituenik, eta, ondorioz, ez ditu tarte horiek eskuratutako eskubide gisa aitortzen.

Auzitegi Nazionalaren epaiari helegitea aurkezteko aukera dute orain aldeek, eta, kasu horretan, azken hitza Espainiako Auzitegi Gorenak izango du.

 

 

 

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 26an eguneratua, 20:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, 11 positibo atzeman dituzte PCR probekin, eta lau gaixo ospitaleratu dituzte. Euskal Herrian 28.634 gaixok eman dute positibo guztira, koronabirusa atzemateko probaren bat eginda. Horietatik 2.027 hil dira. Grafikoak, albiste barruan.

Berra adinekoen egoitza. ©JON URBE / FOKU

Ekainaren 8tik egin ahalko dira bisitak Gipuzkoako zahar etxeetan

Berria

Egoiliar bakoitzeko senide bakarra joan ahal izango da bisitan, eta segurtasun neurriak zorroztuko dituzte. Gipuzkoako zahar etxeetan 167 pertsona hil dira izurria hasi zenetik; gaur egun 22 eri daude, bi egoitzatan.

Maiatzaren 11an igaro zen lehen fasera Hegoaldea ©Marisol Ramirez, Foku

Hegoaldea lehen fasera igaro izanaren arrazoiak eman ditu Espainiako Gobernuak

Ainhoa Larretxea Agirre

Espainiako Osasun Ministerioak zehaztu du egoera epidemiologiko «ona» izan dela Nafarroa pasatzeko arrazoia; Osakidetzak pazienteak artatzeko duen «gaitasun handia», berriz, Araba, Bizkaia eta Gipuzkoa igarotzekoa. Maiatzaren 11n aldatu zen lehen fasera Hegoaldea.

Txagorritxu ospitaleko laborategiko irudi bat. ©Gorka Rubio / Foku

Datuen peskizan (eguneko laburpena)

Pello Urzelai

Beste zazpi pertsona gehitu behar dira koronabirusarekin hildakoen zerrendara. Bost EAEn, bi Nafarroan. PCR bidezko 11 positibo berri agertu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna