MIGRAZIOA

Immigrazioa eta dibertsitatea «egiturazkoak eta betirakoak» dira, Eusko Jaurlaritzaren inkesta baten arabera

Sorterria atzerrian dutenen egoera sozioekonomikoak «hobera» egin duela dio txostenak, «baina gorabehera handiekin oraindik»

Etorkin Atzerritarrei buruzko Inkestaren aurkezpena.
Etorkin Atzerritarrei buruzko Inkestaren aurkezpena. Irekia Tamaina handiagoan ikusi

Ion Orzaiz -

2020ko otsailak 12

Araban, Bizkaian eta Gipuzkoan bizi diren etorkinei buruzko EABI 2018 inkesta aurkeztu dute gaur Beatriz Artolazabalek, Eusko Jaurlaritzako Enplegu eta Gizarte Politiketako sailburuak, eta Arkaitz Fullaondok, txostena ondu duen Ikuspegi immigrazioaren euskal behatokiko ikerlariak.

Biek ala biek nabarmendu dute immigrazioa eta dibertsitatea «egiturazkoak eta betirakoak» direla gizartean. Araban, Bizkaian eta Gipuzkoan, zehazki, jatorria atzerrian duten 211.208 migratzaile bizi dira: populazioaren %9,7. Horien artean, gainera, gora egin du emakumeen kopuruak, eta etorkinen %55,1 dira gaur egun.

Lau urtean behin jasotzen dira inkestako datuak: 2010ean eta 2014an egin zuten, eta 2018koak dira gaur aurkeztutako txostenaren oinarria. Horiei erreparatuta, migratzaileak duela lau urte baino egoera sozioekonomiko «hobean» daudela: «Kostata, baina egoera ekonomikoaren hobekuntza nabaritzen hasi dira etorkinak ere».

«Euren lan okupazioko maila —azpimarratu du Beatriz Artolazabalek— ia % 60 arte handitu da, eta diru sarrerarik ez duten etorkinak % 25etik baino gutxiago ere izan dira. Baliabide iturri nagusi gisa, DSB-EPO sistema dutenen ehunekoa erdira jaitsi da, % 7,6raino murriztuz».

Migratzaileen egoera administratibo orokorra ere «hobetu da», ikerketaren arabera: «Egoera irregularrean daudenak % 4,6 inguru dira gaur egun. Naziotasun agiria dute %36k; hortaz, etorkinen heren bat baino gehiago eskubide osoko hiritarrak dira, eta ez dute traba administratiborik», esan du Fullaondok.

Hala ere, «desoreka nabarmenak» ere jaso ditu inkestak, migratzaileen jatorriaren arabera. «Prekaritate eta zaurgarritasun arazoak ere agertu dira, batez ere, jatorri afrikarra dutenen artean eta, neurri txikiagoan, Latinoamerikako zenbait herrialdetakoen artean».

Txinatik etorritako migratzaileen errealitatea mintzagai izan du Artolazabalek, zehazki: «Kolektibo txinatarraren aurkako erreakzio xenofoboak azaleratzen hasi dira planetako hainbat puntutan. Azpimarratu behar da osasun arazoa koronabirusaren gaixotasunak eragiten duela, eta ez Txinako herritarrek». Inkestari dagokionez, gizarteratze mailarik apaleneko kolektiboa da txinatar jatorriko etorkinena.

Diskriminazio pertzepzio subjektiboari dagokionez ere, gorabehera handiak antzeman dituzte ikerlariek. Hala, Hego Amerikatik eta Europatik etorritakoek duten diskriminazio pertzepzioa oso txikia da, Afrikako eta Asiako immigranteek dutenarekin alderatuta. Txinatarren kasuan, %40,5ek uste dute «gutxi» integratu direla. Argentina, Txile eta Uruguaitik heldutako pertsonen artean, berriz, %7,1ek nabaritu dute gizarteratze eskasa.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©PEDRO PUENTE HOYOS / EFE

«'Pandemiaren urteak', esan nuen. Urteak izango direlakoan: urteak»

Arantxa Iraola

Aurrera urratsa egin, eta hedabideetan naro-naro dabilen zientzialarietako bat da Del Val; txertoa lortzeko prozesuak oso azkar doazela onartu du, baina uste du une aski zailak eragin ditzakeela oraino ere izurriak.

Osasun langile bat, PCR proba bat egiten Donostian. ©IDOIA ZABALETA / FOKU

Kutsatuen kopuruak gora egin du berriz Hegoaldean: 750 kasu atzeman dituzte

Edurne Begiristain

Positiboek gora egin dute Gipuzkoan ez beste lurraldeetan. Agerraldi berriak atzeman dituzte Azkoiengo eta Elizondoko zahar etxeetan

Protesta bat Gasteizen. ©E.PORTILLO/ FOKU

Arabako zahar etxeak ere, grebara

Erredakzioa

Hiru lanuzte egingo ditute, ELAk, LABek, UGTk eta CCOOk deituta, «prekarizazioa» salatzeko

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna