KPI-a

Argindarra garestitu izanak %1,3ra igo du inflazioa

Iaz urtebetean %13,4 merkatu zen argindarra, eta %1,2 igo da abendutik urtarrilera. Urte hasieran ohi denez, gora egin dute, halaber, edari eta tabakoen eta garraioen prezioek, baina gutxiago, eta, oro har, behera egin dute, urte hasierako merkealdiaren eraginez.

Argindar gune bat, Gipuzkoan
Argindar gune bat, Gipuzkoan Gorka Rubio (Foku) Tamaina handiagoan ikusi

Jokin Sagarzazu -

2020ko otsailak 14

Aurreko azken seihilekoan hondoa jo ondoren, goranzko bidean da inflazioa, eta %1,3an kokatu da Hego Euskal Herrian. Bereziki etxebizitzetako argindarraren garestitzeak eragin du igoera, alor horretan 2019n izandako prezioen beheranzko joera etenda —urtebetean %13,4 merkatu zen Araba, Bizkai eta Gipuzkoan, eta %10 Nafarroan—.

Abendutik urtarrilera, %1,2 igo da etxeetarako energien prezioen indizea —bereziki, argindarraren garestitzearen eraginez—. Urteko garai berean ohi denez, gora egin dute, halaber, edari eta tabakoen eta garraioen prezioek, baina neurri txikiagoan.

Dena den, abenduko prezioekin alderatuta, oro har, -%1,1 merkatu da erosketa saskia. Modu nabarmenean, arropa eta oinetakoen prezioak (-%15) —merkealdia dela-eta—, eta neurri apalagoan, aisialdiarekin eta kulturarekin loturiko produktuak (-%2,3) eta hotel, jantoki, eta sendagaienak.

2019ko urtarrileko datuekin alderatuta, erosketa saskiaren prezioa garestitu egin da, baina gorabehera handirik gabe sektorerik gehienetan (%1,3, batez beste), etxeetako energiarenean izan ezik, eta, bereziki, Araban, Bizkaian eta Gipuzkoan: argindarra -%3,6 merkeagoa da iazko urtarrilean baino; Nafarroan, berriz, -%2,4. Aldiz, iazko prezioekin konparatuta, elikagai eta edari ez-alkoholdunak igo dira gehien: %2,8.

Erosteko ahalmena

Hego Euskal Herrian inflazioak urteak daramatza %2tik behera, EBZ Europako Banku Zentralak egokitzat jotzen duen mailatik behera. 2016an gerturatu zen (%1,6), baina, orduz gero, hortik beherako maila batean egonkortu da: %1,1ean 2017an eta 2018an, eta %1,2an iaz.

Erosteko ahalmenari dagokionez, berriz, oro har Hego Euskal Herriko herritar gehienek ez dute galerarik izan. Pentsioek KPIaren gaineko igoera izan dute (%1,6), eta langile publikoek, %2,5. Bestalde, indarrean dauden eta iaz berritu ziren lan itunek —langileen %49ri eragiten diete, EAEko Lan Harremanen Kontseiluaren arabera— inflaziotik gorako soldata igoera izan dituzte: %2,01 eta %2,31, hurrenez hurren.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Bi pertsona maskarak soinean daramatzatela, autobusean. ©JUAN CARLOS RUIZ / FOKU

Lau gako asintomatikotasunaz

Arantxa Iraola

Kutsatu guztiek ez dituzte izaten sintomak. Adituek diote COVID-19an positibo emandakoen erdiek-edo, birusa izan arren, ez dutela batere sintomarik. Horrek zaildu egiten du izurriaren kontrola.

Ikasgela huts bat, artxiboko irudi batean. ©Jon Urbe, FOKU

Beste hamabost ikasgela itxi ditu Jaurlaritzak

Uxue Rey Gorraiz

Eusko Jaurlaritzak esan du 280 ikasgela daudela bakartuta Arabako, Bizkaiko eta Gipuzkoako hezkuntza sisteman, pandemiarengatik.

Sindikatuek jantoki zerbitzua bermatzeko egindako elkarretaratze bat, artxiboko irudian ©luis jauregialtzo / foku

Hezkuntza Sailak 630 langile kontratatu ditu jantokietarako

Irati Urdalleta Lete

EHIGEren iritziz, ez da nahikoa Arabako, Bizkaiako eta Gipuzkoako eskola publikoetako jantokietarako 630 langile kontratatzea. Hezkuntza Sailak ez du jardunaldi jarraitua ezarriko Haur Hezkuntzako eta lehen Hezkuntzako ikasleentzat.

PCR probak, Urdulizko ospitalean. ©Aritz Loiola, FOKU

Positibo gutxiago atzeman dira

Uxue Rey Gorraiz

Beste 679 detektatu dituzte Hego Euskal Herrian, eta apaldu egin da ospitaleratuen kopurua: 42 lagun sartu dituzte erietxean azken egunean. 72 gaixo daude ZIUetan. Gizonezko bat hil da Nafarroan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna