Noiz sortua: 2020-02-17 09:29:05

Zabortegiko hainbat gai kutsagarri eta toxiko heldu dira erreketara

Disolbatzaile organikoak, hidrokarburoak, kadmioa, nikela eta selenioa atzeman ditu Ingurumen Sailaren Ura Agentziak Aixola eta Ego erreketan. Azken horretan uren saneamendua bukatu gabe dagoela eta beraz amonio maila altuagoak agertzea horrek eragin dezakeela adierazi du.

Ego ibaia, Ermua eta Eibar artean.
Ego ibaia, Ermua eta Eibar artean. Txo Tamaina handiagoan ikusi

Berria -

2020ko otsailak 17

Zaldibarren amilduriko zabortegiaren inguruko uren egoeraren txostena plazaratu berri du Eusko Jaurlaritzako Ingurumen Sailak, eta, ondorioztatu dutenez, hainbat gai kutsagarri eta toxiko heldu dira erreketara, besteak beste Ego ibaira. Mallabia, Zaldibar eta Ermua (Bizkaia) zeharkatzen ditu Egok, Eibar (Gipuzkoa) igarotzen du gero, eta hango Maltzaga auzoan egiten du bat Deba ibaiarekin, Elgoibartik pasatuta Deban itsasoratzeko.

Ingurumen Sailak esan duenez, astebetez ibili dira ur laginak hartzen, zazpi tokitan. Zaldibarko Zabortegiko lixibiatuak Aixola errekara eta Ego ibaira heldu direla ondorioztatu dute. Amonioa, etilbentzenoa, bentzenoa, toluenoa eta xilenoa topatu dituzte. Bentzenoak, toluenoak eta xilenoak kalte egiten diete animalien eta gizakien nerbio sistema zentralari. Txostenean idatzi dutenez, gaion kontzentrazioak «ez du esanguratsua ematen».

Txostenean adierazi dutenez, «kontrolen hasieratik atzeman da lixibiatuen emaria handitu dela». Une honetan erreketara heltzen den emari kutsatu hori segundoko hiru litrokoa dela kalkulatu dute. Txostenean adierazi dute «ez direla ingurumen kalitatearen arauen mugak gainditu azterturiko inongo parametrotan», kenduta Aixola errekan (zabortegitik beherago) eta Ego ibaian (Ermua eta Eibar artean).

Aldiz, amonioaren neurketak bai daude onargarriak diren mailen gainetik. Horrez gain, kadmioa, nikela eta selenioa topatu dituzte. Hirurak izan daitezke oso toxikoak animalientzat zein gizakientzat. Ez dute uretan HCH (lindanoa) arrastorik aurkitu. Otsailaren 11 arte (joan den asteartea— hartutako laginei egindako azterketen emaitzak dira gaur aurkeztu dituztenak.

Ura Agentziak erantzun du etxeko hondakin urak tratatu barik isurtzen badira ibaietan amonioa agertzen dela. Zehaztu du Ego ibaiaren arroan uren saneamendua bukatu gabe dagoela.

Albiste gehiago

Apirilaren 1ean eguneratua, 14:00etan. ©BERRIA

Koronabirusaren azken datuak

Berria

Euskal Herrian 9.358 gaixok eman dute positibo koronabirusaren proba eginda, administrazioen arabera. 501 hil dira. COVID-19 gaitza izandako 2.134 pertsonari eman diete alta. Grafikoak, albiste barruan.

Etxeetara elikagaiak eramateko taldeak antolatu dituzte Milanen. ©Matteo Corner / EFE

Izurriak 823.626 pertsona kutsatu eta 40.598 hil ditu munduan

Berria

Dagoeneko 501 pertsona hil ditu gaitzak. Hego Euskal Herrian 9.335 kasu diagnostikatu dituzte. Sindikatuek gutun bat bidali diote Denis Itxaso Madrilek EAEn duen ordezkariari, besteak beste zentralizazioa bertan behera uzteko eskatzeko, eta Maddalen Iriartek mahai bat eratu nahi du erabakiak hartzeko

1983ko abuztuan, Busturian, uholdeetan. ©BERRIA

Zer egin krisi bati aurre egiteko?

Enekoitz Esnaola

Jaurlaritzako eta Nafarroako lehendakariek, euskal gatazkako indarkeriaz gain, zenbait garai sozial gogor ere bizi izan dituzte 40 urteotan: uholdeak, sute eta istripu larriak, krisi ekonomikoak... Carlos Garaikoetxeak, Jose Antonio Ardanzak, Patxi Lopezek eta Uxue Barkosek lehendakari gisara bizi izan zituzten krisietan izandako esperientziak kontatu dizkiote BERRIAri. Garrantzia eman diote gertutasuna eta sentsibilitatea izateari, baita neurriak hartzeari ere.

Herrialdeka, Bizkaian aurkeztu dituzte dosier gehien. ©Marisol Ramirez / Foku

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna