Alaves 2-1 Athletic

Derbia Alavesentzat, azken unean

Rodrigo Ely atzelariak sartu du garaipenaren gola Alavesentzat, geldikako jokaldi batean, 91. minutuan. Etxeko taldeak emaitza irauli du. Athleticek hamargarren partida du irabazi gabe. Oso partida eskasa izan da.

FOKU Tamaina handiagoan ikusi

Aitor Manterola -

2020ko otsailak 23

Derbi itsusia jokatu dute Alavesek eta Athleticek Mendizorrotzan, berdindua, eta halakoak hausteko baliabide ona izaten dira geldikako jokaldiak. Horrela irabazi dio etxeko taldeak kanpokoari, Rodrigo Ely atzelariak 91. minutuan erabat behartuta egindako erremate batekin. Hiru puntu gozo dira Alavesentzat, 30. era heltzeko balio diotenak, eta jaitsiera zortzi puntura dauka orain. Athleticentzat, berriz, kezka eta zalantzak handitzea besterik ez du ekarriko gaurkoak, hamargarren partida baitu segidan irabazi gabe; azken laurak galdu egin ditu, gainera. 

Gaizka Garitanoren taldeak hartu du aurrea, hala ere. Raul Garciak gol ederra sartu du area ertzetik, ezkerretik, geldikako jokaldi baten segidan. Ordurako erakusten ari ziren bi taldeak erasoan gauza gutxiko partida izango zela. Ematen zuen aurretik jartzen zenak garaipena lortzeko aukera handiak izan zitzakeela, baina, Alavesen zorionerako, azkar lortu du berdintzea. Penaltiz izan da, kontraeraso bizi batean sorturiko jokaldian. Yerayk egin dio penaltia Aleix Vidali, eta Lucas Perezek sartu egin du. 28. minutuan izan da hori. 

Athletic hobeto ari zen Alavesen aldean, eroso antzean. Etxekoek ezin zuten Williams kate motzean lotu, erdiko hiru atzelarirekin baziren ere. Zelaiaren erdian ere, etxekoek lanak zituzten nagusitzeko. Kontua da gaur kanpotarrak zirenek ez dutela dohain handirik erakutsi alde izan duten partida ixteko. 

Bigarren zatia ere zatarra izan da, baina Alaves gero eta hobeto moldatuz joan da. Horretan eragin handia izan dute Asier Garitanoren erabakiek. Zelai erdia indartu du Joselu aurrelaria kenduz, eta hegaletan abiadura sartu du Burkerekin eta Mendezekin. Vidali askatasuna eman dio Lucas Perezen atzean mugitzeko. Erasoan ez ezik, entrenatzailearen erabakiek defentsan ere sendotasuna eman diote taldeari, moztu egin baitiote Athletici kontraeraso zitalen bidea. Fisikoki ere hobeto bukatu du etxeko taldeak, eta Athletici luze egin zaio partida, Espainiako Kopan eta ligan elkarren segidan jokatu behar izan zituen partidak erasanda, ziurrenik. 

Berdinketa usaina oso hedatua zegoenean heldu da etxekoentzat poza. Vesgak egin behar ez zuen falta bat egin du Alavesen eskuin hegaletik eta areatik gertu. Itxia izan da erdiraketa, eta Elyk, brasildarren berezko abileziarekin, eskuinarekin jo dio baloiari, oso behartuta eta erdi erorita. Zutoina jo, eta barrura joan da. Hiru puntu zoragarri Alavesentzat, eta beste kolpe bat Athleticentzat. 

FITXA

Alaves 2: Pacheco; Navarro, Laguardia, Ely, Duarte,
Agirregabiria (Edgar Mendez, 46. min.); Manu, Camarasa (Pons, 80. min.),
Vidal; Joselu (Burke, 71. min.) eta Lucas.

Athletic 1: Simon; Capa (Lekue, 77. min.), Nuñez, Yeray, Iñigo,
Yuri; Dani Garcia, Vesga, Muniain; Raul Garcia (Aduriz, 80. min.) eta
Williams (Larrazabal, 85. min.).

Golak: 0-1: Raul Garciak (17. min.). 1-1: Lucasek (penaltiz, 28. min.).  2-1: Elyk (91. min.).

Epailea: Mateu Lahoz. Txartel horiak: Alaveseko
Navarro, Agirregabiria, Ely eta Ponsi; eta Athleticeko Capa, Nuñez, Dani
Garcia eta Iñigori.

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Raiundo Berri taberan izan zirenak PCR proba egiteko zain, Okendu kultur etxean gaur goizean. ©Gorka Rubio/FOKU

500 positibotik gora atzeman dituzte Hego Euskal Herrian

Berria

Atzo baino 119 kasu gehiago izan dira. Ospitaleratzeak areagotu egin dira azken orduetan.

Lasarte-Oriako klasururako konbentua itxita, gaur. ©Javier Etxezarreta / EFE

Lasarte-Oriako klausurako komentu bateko moja guztiek positibo eman dute

Berria

Hamar izan dira positiboak guztira. Alkateak adierazi du agerraldia kontrolpean dagoela.

Kutsatze kopuruen azken datuek gora egin dutela ikusita zientzialariak gaineratu du gaitzak “arazo bat” izaten jarraitzen duela. ©Gorka Rubio / FOKU

Bengoak uste du egoera «larria» dela

Aloña Beraza Peña

Ikuskaritza independente bat eskatu dute gertatu dena ikertzeko, egin diren hutsegiteak berriz ere egin ez daitezen, eta aurrera begira ikasteko.

PCR proba egiten gaur, Donostiako Okendo kultur etxean. ©Gorka Rubio/FOKU

Gasteizko Kilimanjaro diskotekan eta Xixilu jatetxean, eta Galdakaoko Muguru tabernan egon zirenei proba egiteko eskatu die Jaurlaritzak

Berria

Gasteizko diskotekan uztailaren 17tik abuztuaren 6ra izan zirenek egin beharko dute testa, eta uztailaren 31tik abuztuaren 4ra jatetxean egondakoek. Galdakaon, tabernan uztailaren 27tik abuztuaren 4ra egon zirenek.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna