Noiz sortua: 2020-02-24 17:18:14

Osasun larrialdia

Nafarroan zazpi koronabirus kasu baztertu dituzte

Nafarroak koronabirusaren aurkako protokoloa aktibatu du, eta Osasunaren Munduko Erakundeak "balizko pandemia" kasu baterako prestatzeko eskatu du. Koronabirusaren heriotza tasa %2 eta %4 artekoa da Wuhanen, eta %0,7koa, berriz, handik kanpo.

Gizon bat Hagan (Herbehereak) maskarilla bat erosten.
Gizon bat Hagan (Herbehereak) maskarilla bat erosten. Phil Nihjuis/EFE Tamaina handiagoan ikusi

Berria -

2020ko otsailak 24

Nafarroako Gobernuko Osasun sailak zazpi koronabirus kasu baztertu ditu, eta beste bi pertsonaren emaitzak bihar jakinaraziko ditu. Oraindik indarrean jarraituko du Osasun Sailak koronabirusaren aurka aktibatu duen protokoloak. Horrenbestez, kontrolak egiten jarraituko dute gaixotasunaren sintomak  dituzten eta Italiako Lonbardia edo Veneto eskualdeetan egon diren herritarrei. Probak egin dizkieten herritarrek etxean edo Nafarroako Ospitale gunean bakartuta egon behar izan dute, eta orain bizimodu normala egiten jarraitu dezakete, baina bi astean euren buruari jarraipena egin beharko diote, sintoma gehiago agertzen ez zaizkiela edo oraingoak okerragora ez doazela ziurtatzeko.

Gaur piztu dira alarmak Nafarroan. Albiste agentziek zabaldu duenez, Nafarroako Ospitale Guneak koronabirusaren aurkako protokoloa aktibatu du, lau pazientek birusa izan zezaketelakoan. Lau ikasle artatzen ari direla esan dute, horietatik hiru italiarrak. Berriki izan dira Italian, eta sintomak dituztela-eta artatu dituzte.

Bizkaian, Barakaldoko Gurutzetako ospitalean ari dira artatzen ustezko koronabirus kasuak. Oraingoz, ordea, ez da kasurik baieztatu. Eusko Jaurlaritzak gainera, ez du daturik emanen positiborik ez dagoen bitartean. Gaur-gaurkoz ez dago baieztatutako kasurik.

Nazioartean kezka handia eragin du Txinako Wuhan hirian zabaltzen hasi zen birusak. Txinan jadanik 1.770 dira birusaren ondorioz hildakoak, eta 77.150 kutsatuak. Osasunaren Mundu Erakundeko lehendakari Tedros Adhanom Ghebreyesusek gaur adierazi du mundua “balizko pandemia” baterako prestatu behar dela. Osasunaren Mundu Erakundekoek, gainera, nabarmendu dute ez dela errealista mundua “gelditu” eta estatuen arteko transmisioa etetea. Birusa azkar zabaltzen ari den arren, heriotza tasa %2 eta %4 artekoa da Wuhanen, %0,7koa handik kanpo.

Txinaz harago, birusaren agerraldia nabarmena da Ipar Korean, Iranen eta Italian. Italia iparraldean, sei dira hildakoak, eta 229 pertsona daude kutsatuak. Gehienak adinekoak dira, aurretik ere gaixorik zeudenak. Egoera hori ikusirik, hamar bat herri bakartu zituzten herenegun —50.000 lagun inguru—, eta Veneziako inauteriak bertan behera utzi behar izan dituzte; Milanen eta Turinen, eskolak, museoak eta tabernak itxi behar izan dituzte. Veneto, Lombardia, Piemonte eta Emilia-Romagna probintzietan atzeman dituzte kasu ia guztiak. Italiako Gobernuak oraindik ez du aurkitu zein den kutsaduren iturria, baina Lombardiako Lodira eta Venetoko Vo'Euganeora mugatu dute.

Iranen, azken bi asteetan gutxienez 50 lagun hil dira koronabirusagatik, denak erdialdeko Qom hirian, ILNA berri agentziak jakinarazi duenez; 250 herritar berrogeialdian daude.

Eragina ekonomian

Brexit-az geroztiko jaitsierarik handiena gertatzen ari da Europako merkatuetan. Indize nagusiak %3tik behera amiltzen ari dira, eta jaitsiera %4ra heldu da Italiako burtsa nagusian, Milanen. Balio gehien galtzen ari direnen artean daude hegazkin konpainiak —Txinarako hegaldiak eten egin dira—, turismoari lotutakoak eta Txinako merkatuarekiko menpekotasunik handien dutenak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Koronabirusaren azken datuak

Koronabirusaren azken datuak

Berria

Euskal Herrian 12.944 gaixok eman dute positibo koronabirusaren proba eginda. 846 hil dira. COVID-19 gaitza izandako 4.601 pertsonari eman diete alta. Grafikoak, albiste barruan.

Erosketak egiteko ilarak Gasteizen. ©Jaizki Fontaneda / Foku

Osakidetza test azkarrak erabiltzen hasi da

Berria

Italiako Gobernuak herrialdean lehorreratzeko debekua ezarri die Mediterraneoan migratzaileak erreskatatzen dituzten ontziei. «Osasun larrialdiak irauten duen bitartean, ezin dira oinarrizko baldintzak bermatu», adierazi dute.

Herritarren ilada Ordiziako azokan, itxialdiaren hasieran. ©Jon Urbe/ Foku

Baserritarrak haserre, Jaurlaritzak azokak debekatu dituelako

Iker Aranburu

EHNEk uste du Jaurlaritzak ez duela eskumenik salmenta zuzeneko eremuak debekatzeko. "Erabaki tamalgarria», Enbaren ustez

Osasungintzako langileak txaloka Nafarroako ospitale gunean ©Idoia Zabaleta, FOKU

Koronabirusaren hedapena geldotzen ari da Nafarroan, baina ez Araban, Bizkaian eta Gipuzkoan

Ainhoa Larretxea Agirre

Lau hildako eta 112 kutsatu berri izan dira Nafarroan azken orduetan, eta hildakoak hamazazpi dira Araban, 25 Bizkaian eta hamar Gipuzkoan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna