Albistea entzun

Koronabirusa

Banku zentralen asmoak ez dira nahikoa izan merkatuak lasaitzeko

Itxaropenak gutxi iraun du burtsetan eta dibisa merkatuetan, eta laster batean itzuli dira zenbaki gorriak. AEBetako Erreserba Federalaren eta Japoniako Bankuaren adierazpenek ordu batzuetako argialdia ekarri arren, OCDEren iragarpenek atzera ilundu egin dute zerua.

Une batez zenbaki berdeak nagusitu dira gaur Sydneyko burtsan.
Une batez zenbaki berdeak nagusitu dira gaur Sydneyko burtsan. JOEL CARRETT / EFE Tamaina handiagoan ikusi

Irune Lasa -

2020ko martxoak 2

Finantza krisiaz geroztik izandako asterik gogorrenaren ostean, burtsek eta dibisa merkatuek itxaropentsu hasi dute aste berria, munduko banku zentral nagusiek zantzuak eman dituztenean prest daudela ekintza bateratuak egiteko, koronabirusak eragindako ziurgabetasunei eta kezkei aurre egin eta ekonomia akuilatzeko xedez. Hala ere, mezu horiek ez dira nahikoa izan merkatuak baretzeko eta ekonomiari buruzko kezkak uxatzeko. OCDEren aurreikuspen ilunek zenbaki gorriak ekarri dituzte atzera.

Banku zentralen esku hartzearen arrastorik indartsuena Japoniako Bankuak utzi du, gaur goizean, ohar batean adierazi baitu prest dagoela «likidezia zabala eskaintzeko eta finantza merkatuen egonkortasuna bermatzeko, merkatu eragiketa egokien eta aktiboen erosketen bidez». Aurretik, AEBetako Erreserba Federalak ostiralean esan zuen erakundea «oso hurbiletik» ari zela gertakizunari erreparatzen, eta «ekonomia laguntzeko behar bezalako» ekintzak eta tresnak aipatu zituen.

Banku zentralek 2007. urtean egin zuten halako ekintza bateratu bat, AEBetako subprime hipoteken krisia ekonomiara hedatzen hasi zenean. Orain, ikusteko dago esku hartze bateratu hori zertan gauzatuko den, baina finantza agentzia eta aholkulari nagusiek jada interes tasen jaitsierak iragartzen dituzte eurogunean, AEBetan, Erresuma Batuan, Indian, Hego Korean...

Banku zentralekin batera, gobernuak ere hasi dira ekonomia akuilatzeko neurriak iragartzen. Txinak berak jada hartuak ditu neurri fiskalak, eta Italiak 3.600 milioi euroko diru injekzio bat egingo du herrialdeko ekonomian.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Iberdrolaren Wikinger parke eolikoa, Alemaniako uretan. ©IBERDROLA

INDUSTRIA KRESAL HAIZETAN

Irune Lasa

Energia berriztagarriak behar dira, gero eta gehiago, ahalik eta gehien. Argindar 'garbia' lortzeko itxaropena itsasoko haize errotetan dago neurri handi batean, eta, bereziki, haize errota flotagarrietan. Eta hor dago euskal industria.
 ©ARITZ LOIOLA / FOKU
Bretainiako hainbat arrantzalek sorgailu eolikoen oinarriak jartzen dituen itsasontzia inguratu zuten maiatzean. ©BERRIA
Artxiboko irudian, laneko heriotza bat salatzeko elkarretaratzea Iruñean ©Inigo Uriz / Foku

Behargin bat hil da Bergaran

Irune Lasa

Markinako behargin bat hil da Bergarako Fagor Ederlanen lantokian «lan istripu ez traumatikoan», salatu du LAB sindikatuak. Beharginak 44 urte zituen.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.