Albistea entzun

Enpresak

Mondragon taldeko industriak 6.000 milioi euroren salmentak egin ditu 2019an

Korporazioaren TuLankide aldizkariak jakinarazi du lehen aldia dela 6.000 milioi euroko langa igaro dena. 300 enplegu sortu dituzte taldeko industria enpresek azken urtean.

Mondragon taldeko presidente Iñigo Uzin, Arrasateko bere bulegoan.
Mondragon taldeko presidente Iñigo Uzin, Arrasateko bere bulegoan. ENDIKA PORTILLO / FOKU Tamaina handiagoan ikusi

Xabier Martin -

2020ko martxoak 2

Mondragon taldeko alor industrialeko kooperatibek 2018an baino %2,5 gehiago saldu zuten iaz, eta horrek 6.020 milioi euroko fakturazioa eragin du dibisio guztia aintzat hartuta. Salmenta horien bi heren baino gehiago nazioarteko merkatuetan egin dituzte enpresek; Arrasateko kooperatiben nazioartekotze maila garbi uzten duen datua da. Guztira, 4.214 milioi euro munduko merkatuetan egin dituzte, kopurua %2,2 igota.

Mondragon taldeko enpresek 146 ekoizpen zentro dituzte mundu zabalean ez alferrik, eta horietan 14.500 langilek dihardute. Barne merkatua esaten dion esparruak ere —Iberiako penintsula, Portugal salbu— albiste onak ekarri ditu Arrasateko korporazioarentzat, %3,2 handitu baitira salmentak han.

Fakturazioaren eboluzio positibo hori enplegu datuetan islatu da 2019. urtean, arlo industrialean betiere. 298 enplegu sortu dituzte alorreko kooperatibek, eta 39.020 dira guztira taldeko enpresentzat aritzen diren bazklde edo soldatapekoak industriako sektorean. Azken bost urteetan, hazkunde esanguratsua izan du enpleguak: 2014tik 2019ra, 7.000 lanpostu baino gehiago sortu dituzte enpresek, horietatik erdiak baino gehiago (%54) Euskal Herrian eta haren inguruetan. Azken datu bat ere eman du Mondragonek enplegu sortzaile gisa duen garrantzia nabarmentzeko: industria arloan, Araban, Bizkaian eta Gipuzkoan dauden enplegu guztien %9,3 ematen ditu korporazioak gaur egun.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Iberdrolaren Wikinger parke eolikoa, Alemaniako uretan. ©IBERDROLA

INDUSTRIA KRESAL HAIZETAN

Irune Lasa

Energia berriztagarriak behar dira, gero eta gehiago, ahalik eta gehien. Argindar 'garbia' lortzeko itxaropena itsasoko haize errotetan dago neurri handi batean, eta, bereziki, haize errota flotagarrietan. Eta hor dago euskal industria.
 ©ARITZ LOIOLA / FOKU
Bretainiako hainbat arrantzalek sorgailu eolikoen oinarriak jartzen dituen itsasontzia inguratu zuten maiatzean. ©BERRIA
Artxiboko irudian, laneko heriotza bat salatzeko elkarretaratzea Iruñean ©Inigo Uriz / Foku

Behargin bat hil da Bergaran

Irune Lasa

Markinako behargin bat hil da Bergarako Fagor Ederlanen lantokian «lan istripu ez traumatikoan», salatu du LAB sindikatuak. Beharginak 44 urte zituen.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.