Albistea entzun

Luizia Zaldibarren

Ostegunean mobilizazioak egingo dituzte Zaldibarren, «erantzuleak mugi daitezen»

Zaldibar Argitu plataformak hiru orduko lanuzteak egitera deitu du bost herritan eta manifestazio bateratua antolatu. «Normaltasun irudia» haustea dute helburu.

BERRIA Tamaina handiagoan ikusi

Imanol Magro -

2020ko martxoak 5 07:21

«Behingoz erantzuleak mugi daitezen guztia geldituko dugu», horrela laburbildu zituen atzo Zaldibar Argitu plataformak hurrengo ostegunerako, martxoak 12, deituriko mobilizazioak. Verter Recyclingen luizia gertatu eta hilabetera gauza gehiegi argitzeke daudela iritzi diote, eta hori salatzeko hiru orduko lanuzteak egitera deitu dute Eibarren, Ermuan, Zaldibarren, Elgetan eta Mallabian, 12:00etatik 15:00etara. Herri bakoitzean manifestazioa antolatuko dute 12:30ean, eta arratsaldez bateratu bat 19:00etan. Eibar eta Ermu arteko biribilgunean elkartuko dira. Inguruko herritar guztiak parte hartzera deitu dituzte.

Zaldibar Argituk «erakundeak ematen ari diren normaltasun irudiarekin» hautsi nahi du, eta «ezer gertatu izan ez balitz bezala» jokatzea leporatu die. Plataformak garbi du hondamenditik hilabete igaro den honetan gertaturikoa oso larria izaten jarraitzen duela, eta bi langile desagertuta daudela oraindik ere. Emaniko azalpen teknikoak «oso mugatuak» izan direla iritzi diote, eta «kezka nagusiek» ez dutela erantzunik jaso. Erantzukizun politikorik ere ez dela egon salatu dute: «Higiene demokratiko hutsagatik dimisioak mahai gainean egon beharko lirateke», eta auzian egon diren «praktika irregular» guztiak zehatz-mehatz argitzeko eskatu dute. 

Hurrengo osteguneko mobilizazioetan herritarrei egiten diete dei, baina eragile sozial eta sindikal ezberdinek ere parte hartzea nahiko lukete. Zaldibarkoa errepikatu ez dadin neurriak hartu behar direla uste dute, eta egoera aproposa dela eskaeraren inguruan indarrak metatzeko. Heldu den ostegunean, halaber, hamabi puntuko aldarrikapen taula bat aurkeztuko dute, erakundeek aztertu eta bete dezaten.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Osasungintza pubikoaren alde herenegun Gasteizen egin zen mobilizazioa. ©RAUL BOGAJO / FOKU

Lehen arretan 198 langile gehiago behar direla dio Osakidetzak

Julen Aperribai

Langileak falta direla aitortu arren, lehen arretako arduradunak esan du errua ez dela administrazioarena. Positibo kopurua jaitsi egin da Hego Euskal Herrian: 4.488 atzeman dituzte

Propagandisten Elkarte Katolikoak Gasteizko hainbat autobus geltokitan jarritako kartelak. ©ENDIKA PORTILLO / FOKU

Abortuaren aurkako jazarpena, ikusgai

Edurne Begiristain

Elkarte katoliko batek Gasteizko hainbat markesinatan jarritako kartelak erretiratzen hasi da Gasteizko Udala. Polemika piztu du toki publikoetan bazterketa sustatzen duen propaganda agertu izanak.

Txertatze ziurtagiria baitezpadakoa da Ipar Euskal Herriko zenbait egituratan

Txertatze ziurtagiria baitezpadakoa da Ipar Euskal Herriko zenbait egituratan

Oihana Teyseyre Koskarat Ekhi Erremundegi Beloki

Hemendik aitzin, 16 urtetik gorako herritarrek beharrezkoa dute txertatze ziurtagiria erakustea hainbat leku publikotara sartzeko

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.