Albistea entzun

Italiako Gobernuak debekatu egin du bi hilabetean langileak kaleratzea

 
Langile batzuk, Milano lantegi batean
Langile batzuk, Milano lantegi batean Matteo Bazzi (Efe) Tamaina handiagoan ikusi

Jokin Sagarzazu -

2020ko martxoak 17

Italiako Lan Ministerioak adierazi duenez, otsailaren 23tik aurrera eta 60 egunez, arrazoi ekonomikoengatik egindako kaleratzeak bertan behera geratuko dira. Hala ere, baimendu egingo dira diziplina arrazoiengatik eginiko kaleratzeak.

Horrez gainera, beste hainbat neurri aurreikusten dira gobernuak onartuko duen dekretuan: lana galdu duten autonomoek 600 euroko hileko bonuak jasoko dituzte, eta ez dute zergarik ordainduko. 12 urte arteko seme-alabak dituzten edo desgaitasun larriak dituzten gurasoek bi asteko guraso baimenak hartu ahal izango dituzte, eta soldataren erdia jasoko dute.

Baimen hori hartzeko, ordea, beste gurasoak lanean egon behar du; ezingo dute halakorik jaso langabetuek edo diru sarrerak bermatzeko beste laguntza publikoren baten onuradunek.

Gobernuak. halaber, 600 euro arteko diru sariak emango ditu haurrak zaintzeko pertsonak kontratatzeko, eta kopuru hori 1.000 eurokoa izango da osasun langileentzat edo polizientzat.

Herritarren errenta deritzona —diru sarrerak bermatzeko errentaren parekoa— jasotzen dutenei ere eragiten die dekretuak. Pertsona horiek laguntza hori jasotzen jarraitu ahal izango dute, eta bi hilabetez lan egiteko berehalako prestasunaren betebeharretik kanpo geratuko dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Glovoko langile batzuk, Zaragozako (Espainia) epaiketa batean. Han ere auzitara jo dute plataformaren aurka. ©TONI GALAN / EFE

Glovoko banatzaileek soldatapeko behar dutela dio justiziak, Bilbon

Xabier Martin

'Rider'-ak autonomo faltsu gisa ari dira, eta enpresak soldatapeko egin behar dituela ebatzi du Bilboko epaitegi batek. Glovok helegitea jar dezake, baina Gorenak ezarria du jurisprudentzia
Zabor edukiontziak, Gipuzkoako herri batean ©Luis Jauregialtzo (Foku)

Gipuzkoako kale garbiketaren lan hitzarmena sinatu dute

Jokin Sagarzazu

KPItik gorako soldata igoerak eta txanda kontratuak adostu dituzte, besteak beste. Sektore bereko beste itun batzuk berritzeko bidea zabal dezake.

Arrantzontzi bat. ©Gorka Rubio / FOKU

Arrantzale frantsesek Jerseyko portu nagusia blokeatu dute zenbait orduz

Irune Lasa

Haserre daude uharte anglo-normandiarrak 'brexit'-aren ostean ezarritako baldintzekin. Erresuma Batuak bi gerraontzi bidali ditu

ITP Castingetik kaleratu nahi zituzten langileek atzo erre egin zituzten enpresak urtarrilean bidali zizkien kaleratze gutunak. ©MONIKA DEL VALLE / FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.