Herriko bozak

Bigarren itzulia prestatzen

Ipar Euskal Herriko 28 herrietako hautagaiek egin beharko dute bigarren itzulia. Egoeraren arabera, ekainean egitea espero du Frantziako Gobernuak.

Lehen itzuliko argazki bat
Lehen itzuliko argazki bat Guillaume Fauveau Tamaina handiagoan ikusi

Oihana Teyseyre Koskarat -

2020ko martxoak 19

Sekula gertatu ez diren egoerak sortu ditu koronabirusak, arlo guztietan. Hala, herriko bozen antolaketan, aurrekaririk gabeko hutsune juridikoa gertatu da. Martxoaren 15ean iragan zen lehen itzulia mantendu zuten, baina igandean egitekoa zen bigarren itzulia, atzeratzea erabaki du Frantziako Gobernuak. Antolaketarako baldintzak finkatzeko marko juridikorik ez denez; egoera sanitarioari lotutako lege proposamen bat egin zuen asteazkenean Edouard Philippe Frantziako lehen ministroak, Ministroen Kontseiluarekin bildu ondoan. Lege proiektua ez dute erabat ezagutarazi, Frantziako Senatuaren eta Asanblearen bozka bat beharko delako baieztatu aitzin. Hala ere, lerro handietan bigarren itzuliari loturiko neurriak eman ditu Philippek.

Lehen itzulitik hautatuak izan diren hautagaiek karguak hartzen ahalko dituzte, eta datorren astera arte daukate herriko kontseilua osatzeko —publiko gabe, segurtasun neurriak direla eta—. Ipar Euskal Herriko 160 herrietarik 132 daude kasu horretan, horiek ez dute beharko, beraz, bigarren itzulirik.
Gainerako 28 herrietan; zalantza gehiago agertu dira. Bigarren itzulia, ekainean izanen dela iragarri du Philippek “baldin eta egoera sanitarioak” ahalbidetzen badu. Maiatz erditsu arteko epea eman du erabakia hartzeko, eta segurtatu du “talde zientifiko eta juridikoek elkarrekin” adostuko dutela. Bigarren itzulira aurkeztuko diren hautagaiek epe bat izango dute zerrendak deklaratzeko, eta hortik aurrera hauteskunde kanpaina hasten ahalko dute: lege proiektuan zehaztuko dituzte nondik norakoak.

Euskal Hirigune Elkargoak pairatuko du bi egoera horien arteko talka: 132 herrietako hautagaiek elkargorako postua lortu dute, beste 28 herrietakoek, ordea, oraindik ez. Horien artean, Jean Rene Etxegarai Baionako auzapeza eta elkargoko orain arteko lehendakaria. Edouard Philippek segurtatu du HELEP gisako egiturentzat ere, lege proiektuak xehetasun gehiago emanen dituela. Jean Rene Etxegaraik ez daki, beraz, zer postu ukanen duen elkargoan bigarren itzulia egin arte, baina “egituraren segida bermatzen ahaleginduko” dela esan du.

Ministroen Kontseiluak proposaturiko lege sortari zuzenketak sartzen ahalko dizkiote Frantziako Asanbleatik eta Senatutik, proiektua berretsi aitzin. Philippek oroitarazi du “salbuespenezko egoera bati aurre egiteko, salbuespenezko neurriak” hartu behar direla. “Neurri horiek bigarren mailakoak direla pentsa dezakete batzuek, baina demokrazia ez da sekula bigarren mailakoa”, gehitu du. Hautagai guztiek ordenantza bidezko errekurtsoak egiteko baliabideak izanen dituztela ere hitzeman du.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Haurrak eta hezitzaile bat Baztango haur eskolan. ©JAGOBA MANTEROLA / FOKU

Haur eskolak talde iraunkorrekin abiatuko dira Nafarroan

Olatz Esteban Ezkati

Lau egoera posible irudikatu ditu Hezkuntza Sailak, eta COVID-19aren bilakaeraren arabera ezarriko da bat edo beste. Jantoki zerbitzua bermatuko dutela esan du gobernuak

Pentsiodunek agerraldia egin zuten, atzo, Justizia jauregiaren aurrean, Bilbon. ©ARITZ LOIOLA / FOKU

Pentsiodunek pandemiako testigantzen txostena aurkeztuko diote fiskaltzari

Maialen Arteaga

Irailaren 7an bilduko dira Arabako, Bizkaiko eta Gipuzkoako fiskalarekin, pandemiako testigantzak biltzen dituen txostena emateko

Langile bat, Garesen, piperra biltzen iaz. ©Jesus Diges / efe

Nafarroan, PCR probak egingo dizkiete sasoikako langileei

Joxerra Senar

Abuztutik urrira bitartean, ardorako mahats bilketan edo bestelako barazki eta fruituen uzta bilketarako Nafarroaz kanpotik etorriko diren langileei probak egingo dizkiete, etan positibo emanez gero, konfinamenduan lagunduko die gobernuak.

Basurtun, PCR probak egiten ©Javier Zorrila / efe

300 positibotik gora Hego Euskal Herrian

Berria

Bizkaian eta Araban gorakada nabarmenak izan dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna