Koronabirusa

Kaleko azokak baimentzeko eskatu dute talde ekologistek

 
Aurreko asteazkenean Ordizian eginiko azoka
Aurreko asteazkenean Ordizian eginiko azoka Jon Urbe (Foku) Tamaina handiagoan ikusi

Jokin Sagarzazu -

2020ko martxoak 24

Naturkon Gipuzkoako talde naturalisten eta ekologisten koordinakundeak Eusko Jaurlaritzako Osasun Sailari, Gipuzkoako Foru Aldundiari eta udalei eskatu die «behar diren neurriak» har ditzatela herritarrei aukera emateko tokiko ekoizleen fruta eta barazkiak modu zuzenean eskuratzeko, herriko azoketan.

Kalean saltzea debekatuta dagoela argudiatuta, Tolosako Udalak aurreko larunbatean han egitekoa zen merkatua bertan behera utzi eta gero kaleratu du oharra Naturkonek. Gogoratu du beste udal batzuek, segurtasun neurri zorrotzak ezarrita, azokak bestela egiteko aukera eman dutela: Arrasaten, Azpeitian, Oñatin eta Ordizian, adibidez —aurreko asteazkenean Ordizian eginiko azokaren kronika—.

«Orain da garaia tokiko, sasoiko eta produktu ekologikoen aldeko hainbeste kanpainatan aldarrikatzen dena betetzeko», adierazi du Naturkonek, eta nabarmendu oraintxe bertan beharrezkoa dela «ekoizpen eta merkaturatze zirkuitu laburren» alde egitea.

«Krisi honek ikasgai asko uzten dizkigu: osasun eta zaintza sistema publiko indartsuen beharra ez ezik, baita globalizazioak ekarritako ekoizpen eta merkataritza ereduaren ondorio lazgarriak ere».

Internet bidezkoak, gora

Eroskik Internet bidezko salmenta ahalmena % 40 handitzea espero du aste honetan, talde horretako iturriek Efe albiste agentziari azaldu diotenez.

Grupo Uvescok ere (BM eta Super Amara supermerkatuak), banaketa enpresa handienetan bigarrenak, lanak areagotu ditu aste honetan, Internet bidezko salmentak handitzeko. Bi enpresek ahalmen logistikoa indartu dute, bai biltegiratze plataformetan, bai dendetan bertan, eta produktuen hornidura bermatuta dagoela diote.

Efe agentziari eginiko adierazpenetan, Mercabilbaok ere ziurtatu du ez duela izango hornidura arazorik, ELA sindikatuak atzo egindako kritikei erantzunez. Mercabilbao Euskal Herriko elikagai freskoen handizkako merkatu nagusia da.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Bi erizain, Galdakaoko ospitalean (Bizkaia) maiatzaren 6an, 55 egun gaixorik zeramatzan gizon bat sendatu zela ospatzen. ©ANDONI LUBAKI / FOKU

Koronabirusaren lehen kolpea Euskal Herrian: 2.152 hildako lau hilabetean

Mikel P. Ansa

Martxoaren 1etik ekainaren 30era, lau hilabete. Neguaren azken hondarra, eta udaberri guztia. Koronabirusaren pandemiak hankaz gora jarri du Euskal Herria, eta bizimoduak astindu ditu. Pandemiaren lehen olatuaren balantzea egin du BERRIAk, hamazazpi grafiko eta hamazazpi galdera hauekin.

Beste 11 positibo zenbatu dituzte Ordiziako agerraldiarekin zerikusia dutenak

Beste 11 positibo zenbatu dituzte Ordiziako agerraldiarekin zerikusia dutenak

Arantxa Iraola

Denera 69 kasu dagozkio positibo multzo horri, eta 31 Tuterakoari.

Gasteizko Mendizorrotza igerilekuak pandemia garaiko udarako prestatzen. Irudian, langile bat belardian markak egiten. ©Raul Bogajo / Foku

Positibo bat Gasteizko gimnasio batean, eta beste bat Baionako erietxe batean

Edu Lartzanguren

Baionako Belharra erietxean kasu bat topatu dute, eta ikerketa zabal bat jarri dute martxan jatorria argitzeko. Zirujau bat kanpoan kutsatu dela uste dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna