Noiz sortua: 2020-03-24 14:27:44

Koronabirusa

Gasteizko Mercedesek konpentsaziorik gabeko erregulazioa aurkeztu du

 
Auto bat, Gasteizko lantegitik ateratzen, aurreko astelehenean
Auto bat, Gasteizko lantegitik ateratzen, aurreko astelehenean Raul Bogajo (Foku) Tamaina handiagoan ikusi

Jokin Sagarzazu -

2020ko martxoak 24

Mercedes-Benzek Gasteizen duen lantegiko zuzendaritzak lana erregulatzeko dosier bat aurkeztu du, «ezinbesteko arrazoiak» argudiatuta. COVID-19a dela eta, lantegiak ekoizpena gelditu du, eta horrek ia langile guztiei eragin die: 5.000 ingururi. Erregulazioak ez du inolako konpentsaziorik aurreikusten beharginentzat.

Enpresa batzordeak eta zuzendaritzak bilera egin dute astearte honetan, espedientea negoziatzen saiatzeko, eta, sindikatuek jakinarazi dutenez, martxoaren 16tik apirilaren 11ra arte egongo da indarrean.

Langile batzordeko presidente Igor Gebarak (ELA) adierazi du «harrituta eta haserre» daudela zuzendaritzaren jarrerarekin sektoreko beste enpresa batzuetan eta Alemaniako Daimler taldean —horren menpekoa da Mercedes—, esaterako, konpentsazioei buruzko akordioak lortzen ari direlako. Azaldu duenez, enpresak jakinarazi die multinazionalaren zuzendaritzaren baimena behar duela hori negoziatzeko, eta beste bilera baterako deia egin die; oraindik ez dute egunik zehaztu.

Langileen batzordeak azaldu du zuzendaritzari eskatu diola «ahalegin bat» egiteko eta langileei konpentsazioren bat emateko. Enpresarekin biltzeko nahia agertu du, nahiz eta enplegua erregulatzeko espedienteetan ez den derrigorrezkoa sindikatuekin negoziatzea eta akordioa egitea.

Albiste gehiago

Apirilaren 1ean eguneratua, 14:00etan. ©BERRIA

Koronabirusaren azken datuak

Berria

Euskal Herrian 9.358 gaixok eman dute positibo koronabirusaren proba eginda. 501 hil dira. COVID-19 gaitza izandako 2.134 pertsonari eman diete alta. Grafikoak, albiste barruan.

Aceros Olarra enpresako sarrera, Basaurin. / ©Marisol Ramirez, Foku

Inoizko langabezia datu txarrena espero da gaur

Berria

Martxoko datua emango dute gaur. Nafarroako Gobernuak eta Eusko Jaurlaritzak eman dituzten datuen arabera, lana aldi baterako erregulatzeko 26.600 dosier aurkeztu dira azken asteetan, eta horiek 166.000tik gora langilerengan izango dute eragina.

Industrialde bat, erdi hutsik, Bergaran. ©JAGOBA MANTEROLA / FOKU

Espaniako Gobernuaren zirrikituak ateak ireki ditu

Iker Aranburu

Industria askok baliatu dute Espainiako Gobernuak zenbait jarduerari emaniko aukera: berriro ekitea «gutxieneko zerbitzuekin». ESK aztertzen ari da Arantxa Tapiari salaketa bat jartzea

Balkoietan bandera edo oihal moreak jartzera deitu dute, andreek jakin dezaten nori eskatu laguntza. ©MARISOL RAMIREZ / FOKU

Etxea abaro ez denean

Maite Asensio Lozano

Etxean tratu txarrak jasaten dituzten andreak erasotzaileekin itxita geratu izanak kezka eragin du eragileetan eta instituzioetan. Arrisku egoerak areagotu daitezkeela eta, bizilagunak adi egotera deitu dituzte eragileek

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna