Konfinamendua ekainera arte luza liteke, Kataluniako Generalitatearen arabera

Koronabirusak orain duen bilakaerari eusten badio eta itxialdiaren neurriak eraginkorrak baldin badira, apirilaren 24a gerta liteke kutsatutakoen gailurra.

Igualako ospitalearen ataria, atzo. Hesitutako daude Igualada herria eta inguruak.
Igualako ospitalearen ataria, atzo. Hesitutako daude Igualada herria eta inguruak. SUSANA SAEZ / EFE Tamaina handiagoan ikusi

Mikel P. Ansa -

2020ko martxoak 25 10:51

Kataluniako Generalitateko Osasun Departamentuak landutako agiri bat eskuratu du Vilaweb atariak, eta, lan horren arabera, apirilaren bukaera aldera irits liteke koronabirusak kutsatutako pertsonen kurba gailurrera. Datak zehazten ditu; oraingo bilakaera eta azkeneko datuak aintzat hartuta, apirilaren 24 eta 28 artean gerta liteke hori. Datuak publiko egin eta gero, haiengatik galdetu diote Quim Torra presidenteari, eta hark baieztatu egin ditu.

Gaixotuen kurbak apiril bukaera arte hazten jarraitzeak esan nahiko luke konfinamendua beste hilabete bat inguru luzatu beharko litzatekeela, Osasun Departamentuaren arabera, eta horrek ekarriko luke itxialdiak maiatz bukaera arte behintzat irautea. Izan ere, konfinamendua kolpetik kenduko balitz, berriro jende olde bat kutsatuko litzateke kolpean.

Vilaweb atariak eskuratu duen agiria ez da publikoa, barne mailako eta lanerako dokumentu bat baizik. Tentuz hartu behar dira ondorioak, beraz. Atzoko data du dokumentuak. Horren arabera, konfinamenduaren aurreneko hamabost egunak egin ostean hasiko dira nabaritzen hartutako neurrien ondorioak; alegia, asteburu honetatik aurrera, edo datorren aste hasieran.

Ezarritako itxialdiaren onurak egun horietan sentitzen hasten badira, litekeena da kutsatuen gailurra apirilaren 24an izatea, betiere Generalitatearen agiriaren arabera. Neurri horiek ez badira behar bezain eraginkorrak suertatzen, apirilaren 28ra atzeratuko litzateke.

Gogoan izan behar da lanerako dokumentu bat dela Vilawebek argitaratu duena, eta egungo datuetan oinarritzen dela. Oraindik goiz da kalkulu zehatzak egiteko. Hurrengo egunetan gaitzak izango duen bilakaera erabakigarria izango da hurrengo asteetan egoera zein izan litekeen irudikatzeko.

Kataluniako Generalitateak aspaldi eskatu zuen herrialdea erabat gelditzeko eta hesitzeko, baina Espainiako Gobernuak ez dio eskari horri erantzun. Atzoko datuen arabera, Katalunian 516 pertsona hil dira COVID-19arengatik, eta ia 10.000 pertsona daude kutsatuta. Zainketa intentsiboetako unitateetako oheen %76 beteta dauzkate han; ospitale batzuk gainezka eginda edo gainezka egiteko zorian dauzkate.

Frantziako adituen aholkua: sei aste gehiago

Kataluniako Generalitatearen kalkuluak egokiak diren edo ez baloratzeko, badira beste helduleku batzuk. Frantziako Kontseilu Zientifikoak, atzo, «ezinbestekotzat» jo zuen konfinamendua sei aste gehiagoz luzatzea, gutxienez. Itxialdiaren baldintzak gogortu beharko liratekeela ere zehaztu zuen, neurri zehatzik proposatu gabe. Frantziako Gobernuak kasu egingo balio, maiatzaren 4ko asteraino luzatuko litzateke konfinamendua.

Oraingoz, Frantziak ezarritako itxialdia martxoaren 31n bukatuko da. Hurrengo ordu edo egunetan jakingo da itxialdia luzatuko duten. Espainiako Gobernuak, berriz, apirilaren 12ra luzatuko du konfinamendua gaur. Portugalgo Gobernuak ere eginak ditu bere kalkuluak —koronabirusaren hedapenak astebeteko atzerapena darama han, gutxi gorabehera, Euskal Herriarekin alderatuta—: joan den larunbatean adierazi zuen apirilaren 14an irits litekeela kutsatuen kurba han. Frantziako eta Kataluniako kalkuluena baino baikorragoa litzateke kalkulu hori.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©BERRIA

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan. Gaur, koronabirusaren larritasuna.

Azpikontratatutako langileen elkarretaratzea, gaur, Txagorritxuko ospitalearen atarian ©aritz Loiola / foku

Osakidetzako langile azpikontratatuek euren zerbitzuak publiko egiteko eskatu dute

Irati Urdalleta Lete

ELA, LAB, CCOO, UGT eta ESK sindikatuek deituta, elkarretaratzeak egin dituzte Txagorritxuko, Gurutzetako eta Donostiako ospitaleetan.

PCR probak, Gurutzetako ospitalean. ©Luis Jauregialtzo

Ia ehun kasu gutxiago atzeman dituzte egun bakarrean

Uxue Rey Gorraiz

Azken egunean, 608 kasu detektatu dituzte Hego Euskal Herrian. Positiboek behera egin dute Nafarroan, Bizkaian eta Araban; Gipuzkoan ugaritu egin dira.

Santos Indurain Osasun kontseilariaren agerraldia, artxiboko irudi batean. ©Jesus Diges, EFE

Nafarroako egoera «egonkortzen» ari dela esan gobernuak

Uxue Rey Gorraiz

Azken egunean, 223 positibo atzeman dituzte foru erkidegoan. Kutsatuen kopuruak behera egin du bigarren egunez jarraian.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna