Noiz sortua: 2020-03-26 12:02:59

Indarkeria matxistako salaketak erdira jaitsi dira konfinamendua hasi zenetik

Emakundek hainbat hipotesi ditu salaketen jaitsiera azaltzeko: erasotzailea biktimarekin ez bizitzea, kontrol soziala handiagoa izatea eta salatzeko zailtasunak eta beldurra. Nabarmendu du oraindik goiz dela «balorazio sakonak» egiteko.

Hilketa matxista baten aurkako kazerolada, Pasaian, konfinamedu egun batean
Hilketa matxista baten aurkako kazerolada, Pasaian, konfinamedu egun batean Andoni canellada / foku Tamaina handiagoan ikusi

Irati Urdalleta Lete -

2020ko martxoak 26

Emakundek jakinarazi du indarkeria matxistako salaketak erdira jaitsi direla Araban, Bizkaian eta Gipuzkoan konfinamendu egunetan, aurreko bi urteetako datuekin alderatuta. Eusko Jaurlaritzako Segurtasun Sailak eman dizkie datuak, biktimentzako zerbitzuetan inplikatutako erakundeen artean atzo egindako bileran. Indarkeria matxistako salaketek gainerako atestatuen antzeko bilakaera izan dute. Gainera, ziurtatu dute oraindik denbora gehiago behar dela «balorazio sendoak» egiteko eta bilakaera ikusteko.

Jaitsiera arrazoitzeko, hainbat hipotesi dauzkate dagoeneko. Batetik, erasotzailearekin bizi diren emakumeen kasuan, salaketa jartzeko zailtasunak eta beldurra daude. Horrekin batera, kontuan hartzekoa da bizilagunak 24 orduan etxean daudela jakitea baliagarria izan daitekeela disuasiorako. Bestetik, emakume askoren kasuan, erasotzailea etxe berean bizi ez den bikotekide ohia da; beraz, bakoitza bere etxean dago konfinatuta.

Gizarte Politiken Sailak, berriz, jakinarazi du mantendu egin dela 24 orduko telefono zerbitzuek jasotzen dituzten deien kopurua. Hala ere, arrazoiak aldatu direla nabaritu dute. Izan ere, igo egin dira berehalako beharrei buruzkoak eta bisiten eta zaintzen ingurukoak ere, eta jaitsi informazioa soilik eskatzekoak.

Izaskun Landaida Emakundeko zuzendariaren hitzetan, «funtsezkoa» da gizarteak emakumeenganako indarkeriaren aurrean duen «zaintza aktiboa» mantentzea. «Sentitu behar dute ez daudela bakarrik, eta laguntzeko prest gaudela seinale txikienaren aurrean». Ziurtatu du Emakunde ere Jaurlaritzako sailekin, aldundiekin eta udalekin koordinatuta ari dela lanean, eta biktimen elkarteekin harremanetan dagoela, «arriskuan egon daitezkeen emakumeei ahalik eta erantzunik onena emateko». «Egun hauetan aparteko premiarik identifikatu ez den arren, prest daude neurri osagarriak, beharrezkoak izanez gero». Landaidak erantsi du, bildutako informazioaren arabera, aldundiek ematen dituzten zerbitzuak eta baliabideak alertaren eskakizunetara egokitu direla, baina oraingoz ez dutela «muturreko egoerarik antzeman, ezta aparteko eskaerarik ere».

Era berean, azpimarratu du konfinamendu garaian indartu egin duela, Eusko Jaurlaritzarekin batera, biktima, senide eta profesionalentzat den eta 24 orduan zerbitzua ematen duen telefonoari buruzko informazioaren hedapena, baita 112 telefono zenbakiari buruzkoa ere, larrialdi kasuetarako. Gogorarazi du azken horrek aplikazio bat ere baduela, entzuteko eta ikusteko zailtasunak dituzten pertsonentzat egokitua, eta geolokalizaziorako modua ematen duena.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Koronabirusaren azken datuak

Koronabirusaren azken datuak

Berria

Euskal Herrian 13.406 gaixok eman dute positibo koronabirusaren proba eginda. 905 hil dira. COVID-19 gaitza izandako 4.972 pertsonari eman diete alta. Grafikoak, albiste barruan.

Diputatuak saioren hasieran, minutu bateko isilunean. / ©Mariscal, EFE

Sanchez: «Ziur naiz, 15 egun barru beste luzapen bat eskatu beharko dut»

Berria

EAJk iragarri du bilera horretan egongo dela. EH Bildu, berriz, ez da joango. Konfinamenduan apirilaren 26ra arte luzatu dute Hegoaldean.

Gasteizko farmazia bat. / ©Endika Portillo, Foku

Egun beltzenetan bigarrena izan da atzokoa, hildako kopuruari dagokionez

Ekhi Erremundegi Beloki - Ane Eslava

Gutxienez 59 pertsona hil dira Euskal Herrian azken 24 orduetan koronabirusak jota. 900 hildakoen langa gainditu da. 462 positibo gehiago atzeman dituzte Hegoaldean.

350 diputatutik 43 joan dira Espainiako Kogresura ©mariscal / EFE

EAJk atea ireki dio Sanchezek proposatutako itunean parte hartzeari; EH Bildu ez da joango

Irati Urdalleta Lete

Apirilaren 26ra arte luzatu dute alarma egoera, eta Sanchezek aurreratu du uste duela hamabost egun barru berriro alarma dekretua luzatu beharko duela

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna