Noiz sortua: 2020-03-29 22:59:23

Ertzaintzaren atxiloketa arbitrarioak salatu dituzte Bilboko bizilagun batzuek

San Frantzisko auzoko hainbat bizilagunek grabatu dute bideoetan gertakaria: kale batean ertzainak gazte bat identifikatzen hasi dira, haren ama jo, lurrera bota, eta atxilotuta eraman dituzte biak. Halakoak ugaritzen ari direla salatu du SOS Arrazakeriak.

Berria -

2020ko martxoak 29

Bideoak sare sozialetan zabaldu dira igande iluntzean. Haietan ikusten da nola ertzain batzuek gazte bat gelditzen duten kalean, eta identifikatzen hasten dira. Gazteak zenbait erantzun ematen dizkie ertzainei, eta azkenean horma baten kontra jartzen dute, atxilotzeko edo miatzeko posturan. Borraz jo ere egin dute, postura horretan zegoela. Bilbon gertatu da, igande arratsalde honetan, San Frantzisko auzoan.

Bizilagun asko atera dira leihoetara eta balkoietara, gaztea bakean uzteko eskatzera, eta poliziaren portaera "arrazista" salatu dute. Momentu horretan emakume bat agertu da, poliziei oihuka esan die gazte hori bere semea dela, eta buruko osasun arazoak dituela, bakean uzteko. Baina poliziek ez diote kasurik egin.

Emakumea urduri jarri da, senarrari eskatu dio semearen gaitza egiaztatzen duten agiriak ateratzeko, eta semearengana gerturatu da, baina poliziek apartatu egin dute. Emakumeak behin eta berriro esan die semeak buruko gaitz bat duela eta uzteko. Ertzain batek, azkenean, borra atera, eta jo egin du emakumea. Bertan erori da andrea. Konturik gabe bezala gelditu da.

Parez pare grabatu ditu bizilagun batek gertakariak. Ertzaintzaren dozena erdiren bat auto agertu dira, eta zazpi poliziaren artean atxilotuta eraman dituzte emakumea eta haren semea. Bizilagunek etxeko konfinamendutik buila egin diete polizie, emakumearentzat anbulantzia bat eskatzeko, baina ez dute halakorik egin. Hamar minutu baino lehenago kalea hustu dute poliziek.

"Militarizatutako" kaleak

SOS Arrazakeriak salatu du Espainiako Gobernuak alarma egoera ezarri zuenetik ugaritu egin direla kontrol "arrazistak" eta arbitrarioak. Baita tratu txarrak ere. Erantsi du Bilboko beste auzoetan baino "militarizazio eta Poliziaren presio handiagoa" dagoela San Frantziskon.

Bilbo Zaharra, San Frantzisko eta Zabalako Taldeen Koordinakudeak ere ohar bat kaleratu du, auzo horiek bizi duten "bazterkeria eta pobrezia" egoera salatzeko, zeina okertu egin baita alarma egoera indarrean jarri denetik auzo horietan bizitzen ari diren "polizia gehiegikeriekin".

"Neurriak ezarri direnetik, polizia autonomikoak eta udaltzaingoak militarizatu egin dituzte gure kaleak, beldurra eta tentsioa sortuz", azaldu du taldeen koordinakundeak. Salatu du "abusuak" egiten ari direla poliziak, jendea kalean modu arbitrarioan eta zakar identifikatuz, eta horren kontra egin izan duten auzotar batzuei salaketak jarri dizkietela.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan lau pertsona hil dira COVID-19 gaitzaren eraginez, 22 positibo atzeman dituzte PCR probekin, eta bi gaixo ospitaleratu dituzte. Euskal Herrian 29.107 gaixok eman dute positibo guztira, koronabirusa atzemateko probaren bat eginda. Horietatik 2.056 hil dira. Grafikoak, albiste barruan.

Araban, Bizkaian eta Gipuzkoan Lanbide arduratuko da errenta berria banatzeaz. ©JUAN CARLOS RUIZ / FOKU

Iritsi da bizitzeko gutxieneko diru sarrera, muturreko pobrezia murrizteko

Irune Lasa

Espainiako Gobernuak diru saria onartu du, eta ekainean bertan hasiko da ordaintzen. Hegoaldean, Eusko Jaurlaritzak eta Nafarroako Gobernuak kudeatuko dute

<b>Bisitak.</b> Senideen eta egoiliarren arteko bisitak, atzo, Andoainen. ©BERRIA

Egoiliarrak eta senideak, hormaren alde banatan

Irati Urdalleta Lete

Gipuzkoako zahar etxeetan dauden egoiliarren senideak ezin dira barrura sartu, eta atarian ari dira bisitak egiten, horma batek bereizita. Orain arteko egoera ikusita, gustura daude aurrez aurre egoteko daukaten aukerarekin.

Senideak, Iruñeko Erruki Etxearen kanpoaldean, egoiliarrak bisitatzen. / ©Jesus Diges, EFE

Egoiliarra ardatz duen zaintza eredua bultzatu nahi dute Nafarroan

Joxerra Senar

Zahar etxeetako eta beste gizarte zerbitzuetako egoitzak arautzeko dekretuaren zirriborroa aurkeztu du Nafarroako Gobernuak. Etxe baten antz handiagoa izango duen eredu bat lortu nahi dute aldaketekin

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna