Bi erizainek gutun bera aurkitu dute. Bizilagunen bizitza «arriskuan» jartzen dutelako idatzi dizkiete gutunak erizainei. Koronabirusaz kutsatuak ez izateko, autoa etxebizitzatik «urrunago» aparkatzeko eskatu diete, baita etxebizitzako leku komunak ez gehiago ukitzeko ere eskuak desinfektatu gabe edo eskularrurik ezarri gabe. Gaineratu dute «idealean» etxebizitzatik ahal bezain «fite» eta «urrun» joan beharko luketela erizainek. «Gure bizitzarentzat beldur gara, eta pertsona hau hemendik baztertu behar dugu», idatzi dute.
Oharrek harrabotsa sortu dute, eta Jean Rene Etxegarai Euskal Elkargoko lehendakari eta Baionako auzapezak berak kritikatu ditu gutunak. "Baionako erietxeko larrialdietako erizain batek mezu hau etxeko atean jasotzen duenean, gure historiako orri ilunenak bizi ditugu berriro", esan du sare sozialetan, eta gaineratu du osasun arloko langileek "errespetu sakona" merezi dutela.
Quand une infirmière des urgences de l’hôpital de #Bayonne découvre ce message sur la porte de son domicile, on revit les pages les plus sombres de notre histoire. Le personnel hospitalier mérite, bien plus que de l’égard, notre profond respect. #Covid_19#solidaritepic.twitter.com/wSjffY261m
— Jean-René Etchegaray (@JreneEtchegaray) March 29, 2020
