Noiz sortua: 2020-03-31 17:00:40

ETB

ETB Jaurlaritzaren eta patronalaren alde lerratu dela salatu dute ELAk eta LABek

Sindikatu abertzaleek kritikatu dute telebista publikoaren albistegiak "iritzi korronte bat" sortzen ari direla Hego Euskal Herrian funtsezkoa ez den jarduera ororen itxiera iragarri zenetik.

ETBko albistegietako aurkezleak
ETBko albistegietako aurkezleak EITB Tamaina handiagoan ikusi

Urtzi Urkizu -

2020ko martxoak 31

Egunotan EITBko albistegiak ematen ari diren informazioaz oso kritiko mintzatu dira ELA eta LAB sindikatuak, eta salatu dute Eusko Jaurlaritzaren, EAJren eta patronalaren alde lerratu direla.

EITBko ELAren iritziz, Pedro Sanchez Espainiako Gobernuko presidenteak funtsezkoa ez den jarduera ororen itxiera iragarri zuenetik, batez ere telebista publikoko albistegiek «berebiziko ahalegina» egin dute Eusko Jaurlaritzak eta Confebask patronalak neurri horren aurka agertu duten iritzia herritarrei zabaltzeko. «Aitzitik, neurriaren alde daudenen ahotsa gutxietsi egin dute albistegiek, aurretik ere halako erabaki bat eskatzen ari zirenen ahotsarekin egin den bezala. Horrela, Confebask patronalaren eta Eusko Jaurlaritzaren tesien aldeko iritzi korronte bat sortu nahi izan dute une oro». ELAren arabera, profesional soziosanitarioak eta funtsezko sektoreetan dauden pertsona asko lanean ari diren baldintzei buruz ez hitz egiteko modua egiten ari dira EITBko albistegiak. «Baina ez dago inolako arazorik mezu apokaliptiko bat helarazteko. Enpresa handien erakundeak eta Eusko Jaurlaritza helarazten ari direna bezalako mezua, alegia». ELAren iritziz, EITBk «funtsezko eginkizuna» betetzen du komunikabide publiko gisa, eta herritarrei bizitzea tokatzen ari zaien garai latz honetan «ezinbestekoa» da herritarren informazio beharrei erantzutea, «inpartzialtasunean, egiazkotasunean eta pluraltasunean oinarrituta». ELAren ustez, horiek ez dira errespetatzen ari.

LAB: «ETB Telebatzoki bihurtzen ari da»

EITBko LABek, berriz, salaketa hau egin du azkeneko egunetan ETBko albistegien jardunaren inguruan: «Ez da onargarria denona den edo izan beharko lukeen Euskal Telebista Telebatzoki bihurtzea. Onartezina da EAJ alderdiaren diskurtsoa goitik behera erosi eta saltzea, beste guztiena baztertuz». Irratiak aipatu gabe, ETBko albistegietan erreparatu du LABek: «Gaizki dago komunikabide publiko bat agintean dagoen alderdiaren propaganda bihurtzea, soka bereko protagonistak gonbidatuz, eta oposizioko ahotsak baztertuz. Baina zer esan Teleberri 1-eko aurkezleari buruz. Informazioa eman ordez, bere iritzia zabaldu zuen astelehenean, profesionaltasun falta izugarria erakutsiz».

Astelehenekoa eta egunotakoa ez dela salbuespena salatu du LAB sindikatuak, bide batez. «Informazio inpartziala eman beharrean, ohituta gaude EAJren diskurtsoa etengabe entzun eta ikustera, kontrakoak ezkutatuta. Nahikoa da».

LABen aburuz, ETBko arduradunek baztertu egin dute Eusko Legebiltzarreko gehiengoa. «Ez diete ahotsik eman langileen ordezkariei; sindikatuak ez dira kontuan hartzekoak, haien ustez, eta osasun arloko adituen iritzia ematea baino aproposagoa iruditu zaie Confebaskek duen ikuspegia ematea eta haren interesak zabaltzea eta defendatzea".

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan bost pertsona hil dira COVID-19 gaitzaren eraginez, hamabi positibo atzeman dituzte PCR probekin, eta hiru gaixo ospitaleratu dituzte. Euskal Herrian 29.287 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Arantzazu (Oñati, Gipuzkoa), larunbatean. ©Marisol Ramirez / Foku

Hego Euskal Herria, azken faserako prestatzen

Berria

EAE datorren astelehenean hirugarren fasera pasatzeko eskatuko dio gaur Iñigo Urkullu Jaurlaritzako lehendakariak Espainiako Gobernuari, eta Nafarroa «normaltasun berrira iristeko neurriak» onartzeko prest dagoela esan du Maria Txibite presidenteak.

Iñigo Urkullu eta Nekane Murga, goizeko bileran. ©/ Irekia

Ekainaren 8an hirugarren fasera igarotzeko eskatuko du gaur Jaurlaritzak

Jon O. Urain

Nafarroako Gobernuak «oso balorazio positiboa» egin du erkidegoek konfinamendua leuntzeko hirugarren fasea kudeatzeko aukeraz.

Aitor Esteban eta Salvador Illa, Kongresuan. / ©Ballesteros, EFE

Erkidegoek kudeatuko dute hirugarren fasea

Jon Ordoñez Garmendia

Alarma egoera luzatzeko akordioa egin dute Espainiako Gobernuak eta EAJk, eta, horren truke, Urkulluk eta Txibitek hartu, kendu, moldatu eta ezarriko dituzte alarma egoeratik ateratzeko neurriak hirugarren fasean Hego Euskal Herrian. ERCrekin ere egin du akordioa Madrilek. Ekainaren 8an hirugarren fasean sartzea eskatuko du Jaurlaritzak bihar.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna