Noiz sortua: 2020-04-02 15:39:05

HEZKUNTZA

Ikasturte honetan aurrez aurreko eskoletara ez itzultzeko eskatu du Espainiako Unibertsitate ministroak

Manuel Castellsek erkidegoei esan die ez zaiola egokia iruditzen aurrez aurreko eskolak egitea ikasturte honetan. Eusko Jaurlaritzako Hezkuntza Sailak zalantzan jarri du hori, eta «unibertsitate autonomiaren» alde egin du: jakinarazi du zenbait aukera aztertzen ari dela. Zehaztu duenez, «ikasle bakar batek ere» ez du «galduko» ikasturtea. EHUk oraindik ez du jakinarazi zer eginen duen eta nola.

EHUren Leioako campusa.
EHUren Leioako campusa. Luis Jauregialtzo / Foku Tamaina handiagoan ikusi

Maddi Ane Txoperena Iribarren - Jon O. Urain -

2020ko apirilak 2

Manuel Castells Espainiako Unibertsitate ministroa erkidegoetako hezkuntza arloko arduradunekin batzartu da, argitzeko zer egin datozen hilabeteetan 2019-2020ko ikasturtearen amaierarekin, eta nola ebaluatu ikasleak. Ministerioa txosten bat egiten ari da ondorioak jasotzeko, baina unibertsitateen esku dago erabakia.

Eusko Jaurlaritzako Hezkuntza Sailak jakinarazi duenez, unibertsitateko ikasturtea bukatzearen alde egin du bileran, eta unibertsitateen «autonomia» defendatu du. Hiru arloren inguruan agertu du Jaurlaritzak desadostasuna: aurrez aurreko klaseak bukatzeari buruz, unibertsitateko praktiketan %50eko salbuespena egiteaz eta unibertsitateko ikasturtearen amaiera bateratzeaz. «Proposamen horiek ez dituzte errespetatzen ez Euskadiren eskumenak, ez Euskal Unibertsitate Sistemako unibertsitateen autonomia, ez Unibasq Kalitate Agentziaren independentzia», salatu du Jaurlaritzako Hezkuntza Sailak. Aurrez aurreko klaseak eteteari buruz bi aukera aztertzen ari direla adierazi dute: «Ikasturte honetan aurrez aurreko prestakuntza berreskuratzeko aukera, edo egungo ikasturteari ikasgeletatik kanpo aurre egiteko beharra». Unibertsitateko langileak «bi agertoki horiek lantzen ari dira, eta agertoki baterako eta besterako hainbat jarduera egiten ari dira», azaldu dutenez. Ikasleei lasaitasun mezua helarazi nahi izan die Hezkuntza Sailak: «Ikasle bakar batek ere ez du galduko ikasturtea koronabirusaren eraginez». 

BERRIA harremanetan jarri da EHU Euskal Herriko Unibertsitateko errektoretzarekin, eta unibertsitateak jakinarazi dio aztertzen ari direla zer egin, baina oraindik ez dutela erabakirik hartu. Cristina Uriarte Jaurlaritzako Hezkuntza sailburua bihar batzartuko da EHUko, Mondragon Unibertsitateko eta Deustuko Unibertsitateko buruzagiekin, gaia aztertzeko.

Ebaluazio malgua

Castellsek proposatu du erabat malgu jokatzea ebaluatzeko garaian. Haatik, horretarako modua zentro eta ikasgai bakoitzean erabaki beharko dute. Bileran, bat etorri dira esanez malgutasun horrek ikasleentzako irizpide argiak ere behar dituela, eta irizpide horiek irakasle, sail edo fakultate bakoitzak argitaratu beharko dituela.

Ez dira ados jarri, ordea, ikasturtea amaitzeko egunean. Castellsek oraingoz ez du plazaratu bere iritzia.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan hamar lagun hil dira COVID-19 gaitzaren eraginez. Zortzi positibo atzeman dituzte PCR probekin, eta bost gaixo ospitaleratu dituzte. Euskal Herrian 29.491 gaixok eman dute positibo guztira, koronabirusa atzemateko probaren bat eginda. Horietatik 2.078 hil dira. Grafikoak, albiste barruan.

Aritxulegiko gaina, Nafarroa eta Gipuzkoa artean. ©

Nafarroako Gobernuak «jarrera zuhurra» du lurraldeen arteko joan-etorriekin

Berria

«Autonomia erkidego guztiek dute lurralde mugakideen artean mugitzeko helburu bera, baina litekeena da erritmoa berbera ez izatea», esan du Javier Remirez gobernuko bozeramaileak. Salvador Illa Espainiako Osasun ministroak atzo esan zuen hirugarren fasea bukatu arte ezingo dela autonomia erkidego batetik bestera bidaiatu. 

Heriotza kopurua asteka, Araban, Bizkaian eta Gipuzkoan. ©INE

Nabarmen goratu da izurriak eragindako heriotzen kurba

Edu Lartzanguren

Espainiako Estatistika Institutuak grafiko bat argitaratu du, erakusteko izurriak nola eragin duen heriotza tasan.

Pedro Sanchez Espainiako presidentea, gaurko lehen agerraldian, Kongresuan. ©J. J. Guillen / EFE

Espainiako Kongresuak larrialdi egoeraren seigarren luzapena onartuko du gaur

Paulo Ostolaza

Ekainaren 21 arte luzatuko dute; printzipioz, azken aldiz. Sanchezek iragarri duenez, «hirugarren fasean sartzen diren autonomia erkidegoetan hango presidenteak erabakiko du nolakoa izango den fase hori».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna