Liburuak

Euskal Editoreen Elkarteak laguntza eskatu du, eta "presazkoa" dela ohartarazi

Murrizketa fiskalak eta liburu bonu bat abian jartzea eskatu diete erakunde publikoei. "Ezin dira atzeratu, denboran luzatzeak ondorio katastrofikoak izango bailituzke sektorean", adierazi dute.

Donostiako Liburu Azokako irudi bat, iazko ekainean.
Donostiako Liburu Azokako irudi bat, iazko ekainean. Juan Carlos Ruiz / Foku Tamaina handiagoan ikusi

Berria -

2020ko apirilak 8

"Une honetan bizi dugun egoera erabakigarria da, eta, egoera honetatik ateratzen baldin bagara ere, ezingo gara aurreko egoerara itzuli; datorren egoera askoz okerragoa izango da, beldurrez eta penaz diogu, bizirik iraun dezaketenentzat. Herri honen kultura etorkizuna dago jokoan, euskarari dagokionez batez ere". Tonu irmo horrekin eman du Euskal Editoreen Elkarteak sektoreak egunotan bizi duen kezkaren berri. Diotenez, sektorea ez da suspertu 2008ko krisialdiak ekarri zien kolpetik, eta beldur dira COVID-19aren gaitzak ez duen egoera are eta gehiago okertuko.

Koronabirusaren aurrean hartu diren neurriek liburuaren balio kate osoari eragingo diola ohartarazi dute, guztiei galera gehiago ekarrita: egileei, inprentei, argitaletxeei, banatzaileei eta liburu dendei. Lehen kalkuluaren arabera, ikusi dute %25ekoa izan dela “berez depreziatua zegoen" salmenta kopuruaren beherakada. Araba, Bizkai eta Gipuzkoan 32 milioi euro esan nahi du horrek, eta konfinamenduaren luzapenarekin 50 milioitik gorakoa ere izan daiteke kopurua.

Elkartearen esanetan, 2008ko krisialdiaren ondoren laguntza politikak ez ziren areagotu; are, gutxitu egin ziren: “2009. urtean, sail guztiak kontuan hartuta, 4.400.000 euro ingurukoak ziren laguntzak, eta gaur egun, berriz, 1.600.000 euro ingurukoak. Hau da, % 63,36 gutxiago". Ordutik hona, sektoreko langile askotarikoen kopurua eta liburu salmenten fakturazioa jaitsi egin direla azaldu dute. Eta eskatu dute kontuan hartzeko euskarazko argitalpen ildoa "desabantailan" dagoela: “Gutxiengoan, eta, horregatik, jarraikortasun eta garapen egoera larrian”.

Eskakizunak

Araba, Bizkai eta Gipuzkoako ordezkari politikoengana jo dute hainbat neurri aplikatu eta modu koordenatuan ezar daitezen eskatzeko. Lau puntutan bildu dituzte horiek, alerta egoerak irauten duen bitartean aplikatzeko eskakizunarekin: liburugintzaren kate osoko enpresa eta autonomoentzat —liburu saltzaileak, argitaletxeak, banatzaileak— murrizketa fiskalak onartzea; enplegua erregulatzeko espedienteei heltzeko erraztasunak jartzea; 2,5 milioi eurorainoko kreditu lerro bat irekitzea liburuaren sektorerako —Eusko Jaurlaritzaren abalekin, interesik gabe, liburu denda, banatzaile eta argitaletxeentzat—; eta diru publikoz lagundutako ekintzak egin ahal izateko epea luzatzea, eta laguntza horiek ez baliogabetzea.

Horiekin batera, zenbait neurri pizgarri ere proposatu ditu editoreen elkarteak. Horien artean daude literatur argitalpenetarako laguntzak %25 igotzea, alarma egoera bertan behera geratzen denetik aurrera martxan jarriko litzakeen liburu bonu bat sortzea —milioi bat euroko funtsarekin—, eta liburutegi publikoetarako eta e-liburutegirako euskarri fisikoko zein digitaleko lan gehiago erostea. Hezkuntzara zuzendutako erosketa plan bat bultzatzea ere eskatu du elkarteak, baita testuliburuak erostean familiei zergak arintzea eta irakurketaren aldeko publizitatean inbertitzea ere.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Santos Indurain kontseilaria prentaurreko batean, artxiboko irudian. ©Jesus Diges/EFE

324 kasu atzeman dituzte Hego Euskal Herrian

Berria

Kasuen beherakada orokorra izan da herrialde guztietan: Araban 44 kasu detektatu dituzte (-31); Bizkaian, 180 (-31); Gipuzkoan, 35 (-29); eta Nafarroan, 59 (-87). Nafarroako Gobernuak ez du neurri orokorrik ezarriko oraingoz. «Atzokoa ez zen alarma guztiak pizteko modukoa, eta gaurkoa ez da kriskitinak jotzekoa», adierazi du Santos Indurain Osasun kontseilariak.

Zahar etxe bateko egoiliarrak paseoan, artxiboko irudian. ©Marisol Ramirez/FOKU

Donostiako zahar etxe bateko egoiliar batek positibo eman du

Berria

Zahar etxe bereko bi langile ere kutsaturik daude.

Gizon bat PCR proba egiten, Donostian. ©Gorka Rubio / FOKU

Hogei milioi koronabirus kasu baino gehiago detektatu dituzte mundu osoan

Oihane Puertas Ramirez

COVID-19a 188 herrialdetara iritsi da, eta 736.000 lagun baino gehiago hil ditu.

Nafarroako osasun langileak PCR probak egiteko prest, artxiboko irudi batean. ©Jagoba Manterola/FOKU

Agerraldi bat detektatu dute Murillo el Fruto eta Zarrakaztelu inguruan

Berria

30 positibo atzeman dituzte; gehienak, laborarien artean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna