Noiz sortua: 2020-04-24 12:26:05

Haurren irteerak Hegoaldean

Noraino irten kilometro bateko eremuan

Gaindegiak mapa interaktibo bat prestatu du, bizilekuan klikatu eta kilometro bateko mugak noraino iristen diren erakusteko.

Noraino irten kilometro bateko eremuan
Noraino irten kilometro bateko eremuan Tamaina handiagoan ikusi

Berria -

2020ko apirilak 24

Igande honetatik aitzinera, kalera atera ahal izango dira Hego Euskal Herriko haur eta nerabeak. Aste hasierako nahasmenduaren ostean, pixkanaka ari da Espainiako Gobernua irizpideak argitzen; haurrak egunean behin ateratzen ahalko dira, etxetik kilometro batera urrutienez, eta ordubetez, 09:00etatik 21:00etara. Eta ateraldietan, paseoan edo jolasean ibili ahal izango dira; hori bai, ezingo dira jolas parkeetara sartu, eta jostailuak —baloia edo patinak, erraterako— etxetik eraman beharko dituzte.

Hori horrela, mapa interaktibo bat prestatu du Gaindegiak, jendeak jakin dezan noraino irten ahal izango den. Erabiltzaileak bere udalerria bila dezake bilatzailean, eta etxebizitzaren gainean klikatuta, kilometro bateko eremua bistaratzen du mapak.

 

Igandean kalera atera nahi dutenek, ordea, hobe izango dute goizez ateratzea. Izan ere, Euskalmetek jakinarazi duenez, goizean lainoak eta ostarteak izango dira nagusi, baina arratsaldean euria egingo du, eta tarteka ekaitza ere bota dezake; batez ere, barnealdean. Tenperatura altuenak hogei gradu ingurukoak izango dira.

Etxetik irten gabe sei aste beteko dituzte Hegoaldeko umeek asteburuan —Iparraldean, konfinamendua zertxobait malguagoa da, eta ateratzeko baimena izan dute hasieratik—, eta zazpigarren astetik aitzinera ere mugatuta irtengo dira: haurrak guraso batekin edo anai-arreba nagusi batekin ateratzen ahalko dira, betiere denak elkarrekin bizi badira; gehienez, hiru adingaberekin irtengo da heldu bakoitza. Landa eremuan, berriz, mendi ingurura joateko baimena ere izanen dute, ordubetez. 14 urtetik beherakoei eragingo diete irizpideok; Salvador Illa Osasun ministroak azaldu duenez, 14 eta 18 urte bitartekoak beren kabuz atera daitezke etxetik, adibidez, erosketak egitera, «gurasoek egoki ikusten badute».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Azkeneko 24 orduetan COVID-19 gaitzak ez du inor hil du Euskal Herrian, eta hamasei positibo atzeman dituzte PCR probekin. Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Herritarrak paseoan, konfinamendua arintzeko lehen fasean ©Jon Urbe / Foku

Beste hamalau positibo eta hiru hildako jakinarazi dituzte Hego Euskal Herrian

Irati Urdalleta Lete

Murgak iragarri du neurriak areagotzea pentsatzen ari direla azken egunetan festa giroan ikusi diren jende pilaketak «mantenduz eta orokortuz» gero.

Irungo bizilagun batek grabatutako bideoaren irudi bat. ©

Santano: «Asteartean gertatutakoa salbuespena izan da, eta, zoritxarrez, irudi mediatiko bilakatu da»

Bidasoko Hitza

Ekainaren 30ean Irungo Legia kaleko hiru tabernetan gertatutakoaren gainean aritu berri da Jose Antonio Santano alkatea. Ehunka lagunek bete zuten kalea, inongo distantzia eta maskararik gabe, eta tokian bertan grabatutako bideo batek hautsak harrotu ditu.
Irungo bizilagun batek grabatutako bideoaren irudi bat.

Produktibitatea

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna