Noiz sortua: 2020-05-01 17:46:55

BERRIA TB

Etxeko Leihotik: Ikasleak atzerrian

Euskal Herritik beste herrialde batera ikastera joan ziren Maddi Kazabon, Larrun Pikabea eta Haizea Gomez, eta, orain, itxialdian daude, pandemiaren ondorioz. Zehazki, Kolonbian, Eslovenian eta Lituanian. Batzuk bertan gelditu dira itzultzeko aukerarik ez dutelako izan, eta beste batzuk nahita gelditu dira dagokien herrialdean, itxialdia arinagoa delako. Konfimanedua nola bizi duten, eta Euskal Herriko egoera nola ikusten duten azaldu digute bideoan. Saioaren azken atala da gaurkoa.

Berria -

2020ko maiatzak 8

Astearteetan eta ostiraletan, Etxeko leihotik saioa eskaini du BerriaTBk. Saiootan, Maider Galardi F. Agirre kazetariak erakutsi du zer-nola komunikatzen diren hainbat talde egun hauetan telematika bidez. Etxetik aritu da bera, talde horien bilera horietako batean parte hartuz. Saioak 14:00etan daude ikusgai. Hamabi saio izan dira guzira, eta, itxialdia arintzen ari denez gero, azken saioa izan da ikasleek atzerritik eginikoa.

Konfinamendu agindua eman zenetik, askok baliatzen dituzte Internetek eskaintzen dituen erreminta horiek beren bilerak egiteko. Lanerako edota senitartekoak eta lagunak ikusteko, lantoki eta etxe askotan ohiko bilakatu da pantaila aurrean jartzea solastatzeko.

Etxeko leihotik saioaren lehen atalean, Ur handitan ETB1eko saioko zenbait kiderekin bildu zen Galardi. Aurrez aurreko elkarrizketak egiteagatik eta gaiak sakon lantzeagatik da ezaguna saio hori. Konfinamendu garaiotan, ordea, etxetik ari dira lanean: elkarrizketak sarearen bidez egiten, eta herritarren bideoak jasoz.

Pello Armendariz, Olatz Salvador eta Julen Idigoras Skakeitan musika taldeko kideak izan ziren bigarreneko protagonistak.

Saioaren hirugarren atalean, egunotan nola ari den azaldu dio Joxe Mari Agirretxe Porrotx-ek Galardiri.

Laugarren saioan Formol Laborategiko kideak izan ziren gonbidatuak.

Bosgarrenean, marketin digitalean eta estrategia komunikatiboan aritzen diren TaPuntuko kideak.

Seigarrenean, Fraisoro eskolakoek hartu zuten parte.

Zazpigarrenean, Aratz Estonba, Garbiñe Gomez, Andu Mendia eta Ainhoa Altzuguren AKAB Askatasun Kolektiborako Abokatu Sarea aritu ziren hizlari.

Zortzigarrenean, Miren Oillarburu, Hegoa Baños eta Joana Barbier Euskal Herria Zuzenean jaialdiko antolatzaileak.

Bederatzigarrenean, Etxealditik Euskaraldira ekinaldiarekin bat eginez, pintxo-potea egungo egoerara nola moldatu duten azaldu du Lasarte-Oriako kuadrilla batek.

Hamargarrenean, Espainiako eta Frantziako espetxeetako egoeraz mintzatu ziren Urtzi Errazkin Etxerat-eko bozeramailea, Etzozi Elgezabal Manex Castro euskal presoaren bikotekidea eta Egoitz Urrutikoetxea Josu Urrutikoetxearen semea.

Hamaikagarrenean, BERRIAren webgunean koronabirusari buruzko datuak eta grafikoak kudeatzen ari den taldea aritu zen.

Hamabigarrenean, Bortzirietako bertso eskolako kideek hartu zuten parte. Itxialdiaren aurretik Nafarroako taldekako Bardoen txapelketan ari ziren haietako asko, eta beste batzuek buruan dute jada 2021eko Nafarroako Txapelketa.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan bost pertsona hil dira COVID-19 gaitzaren eraginez, hamabi positibo atzeman dituzte PCR probekin, eta hiru gaixo ospitaleratu dituzte. Euskal Herrian 29.287 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Iñigo Urkullu eta Nekane Murga, goizeko bileran. ©/ Irekia

Ekainaren 8an hirugarren fasera igarotzeko eskatuko du bihar Jaurlaritzak

Jon O. Urain

Nafarroako Gobernuak «oso balorazio positiboa» egin du erkidegoek konfinamendua leuntzeko hirugarren fasea kudeatzeko aukeraz.

Aitor Esteban eta Salvador Illa, Kongresuan. / ©Ballesteros, EFE

Erkidegoek kudeatuko dute hirugarren fasea

Jon Ordoñez Garmendia

Alarma egoera luzatzeko akordioa egin dute Espainiako Gobernuak eta EAJk, eta horren truke Urkulluk eta Txibitek hartu, kendu, moldatu eta ezarriko dituzte alarma egoeratik ateratzeko neurriak hirugarren fasean Hego Euskal Herrian. ERCrekin ere egin du akordioa Madrilek. Jaurlaritzak bihar eskatuko du ekainaren 8an hirugarren fasean sartzea.

 ©BERRIA

Kulturgintza: eutsi ala hautsi

Iñigo Astiz

Koronabirusaren hedapenak ziurgabetasun handia eragin du aurrez ere prekaritateak gogor jotako sektore batean: kulturgintzan. Sorkuntza ere krisi honi aurre egiteko moduan dagoen jakiteko, lau sortzaile elkarteren zuzendaritzako kideak bildu ditu BERRIAk: Eneritz Artetxe (Ehaze), Garbiñe Ubeda (Euskal Idazleen Elkartea), Aitor Bengoetxea (Musika Bulegoa) eta Igor Elortza (Euskal Herriko Bertsozale Elkartea).

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna