Noiz sortua: 2020-05-19 16:03:25

Jaurlaritzak proposatu du BEC, Ficoba eta halako eraikinak irekitzea selektibitatea egiteko

Arantxa Tapiak ohartarazi du ez duela esan nahi erabiliko dituztenik. Proposatu dute aukera izatea selektibitatea, HABEko azterketaren bat edo oposizioren bat BECen, Ficoban eta antzeko eremuetan egiteko

Ikasleak selektibitate azterketa egiten EHUn, Bilbon
Ikasleak selektibitate azterketa egiten EHUn, Bilbon marisol ramirez / foku Tamaina handiagoan ikusi

Irati Urdalleta Lete -

2020ko maiatzak 20

Gobernu kontseiluaren ondoren, azalpenak eman ditu Arantxa Tapia Eusko Jaurlaritzako Ekonomiaren Garapen eta Azpiegitura sailburuak. Bigarren fasera begira, Espainiako Gobernuarekin «aldebikotasunez» negoziatzen ari diren neurriak azaldu ditu.

Hezkuntzari dagokionez, proposatu dute azokak egiteko erabiltzen diren eraikinak irekitzea, «ez hainbeste orain inongo logikarik ez duten kongresu handiak egiteko», baizik eta zenbait azterketa mota egiteko: esaterako, selektibitatea, HABEkoren bat edo egiteko dagoen oposizioren bat. Tapiaren hitzetan, horrelako eremuetan segurtasuna manten daiteke, pertsonen sarrerak eta irteerak «hobeto» antolatu, eta berme gehiagorekin egin. 

Sailburuak ziurtatu duenez, BEC, Ficoba eta halako erakinak irekitzeko eskatzen dute, baina zehaztu du ez duela esan nahi erabiliko dituztenik, baizik eta «aurreikuspena edukitzea» eskatzen dutela erabili ahal izateko, beharrezkoa izango balitz ere, eta «ez agindu jakin batera jo behar izateko, korrika eta presaka».

Itzulera, «pixkanaka eta mugatuta»

Arabako, Bizkaiko eta Gipuzkoako hainbat ikasle astelehenean dira ikasgeletara itzultzekoak. Kristau Eskolak iragarri du maiatzaren 25ean aurrez aurreko jarduerarako itzulera «pixkanaka eta era mugatuan» egingo dela; «ezinbestekoak» diren mailetan –Batxilergoko bigarren mailan, DBH 4n eta Lanbide Heziketan–; eta «ezinbesteko» jardueretarako: errefortzu jarduerak, ikaskuntza telematikoan zailtasunak izan dituzten ikasleen arreta, Unibertsitatera Sartzeko Ebaluazioa prestatzea, errekuperazioak, aparteko azterketak...

Itzuli baino lehen ikastetxeak garbitu, desinfektatu eta egokituko dituztela azaldu dute, eta ikastetxe bakoitzak bere hezkuntza plana egingo duela.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan bost pertsona hil dira COVID-19 gaitzaren eraginez, hamabi positibo atzeman dituzte PCR probekin, eta hiru gaixo ospitaleratu dituzte. Euskal Herrian 29.287 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Arantzazu (Oñati, Gipuzkoa), larunbatean. ©Marisol Ramirez / Foku

Hego Euskal Herria, azken faserako prestatzen

Berria

EAE datorren astelehenean hirugarren fasera pasatzeko eskatuko dio gaur Iñigo Urkullu Jaurlaritzako lehendakariak Espainiako Gobernuari, eta Nafarroa «normaltasun berrira iristeko neurriak» onartzeko prest dagoela esan du Maria Txibite presidenteak

Iñigo Urkullu eta Nekane Murga, goizeko bileran. ©/ Irekia

Ekainaren 8an hirugarren fasera igarotzeko eskatuko du gaur Jaurlaritzak

Jon O. Urain

Nafarroako Gobernuak «oso balorazio positiboa» egin du erkidegoek konfinamendua leuntzeko hirugarren fasea kudeatzeko aukeraz.

Aitor Esteban eta Salvador Illa, Kongresuan. / ©Ballesteros, EFE

Erkidegoek kudeatuko dute hirugarren fasea

Jon Ordoñez Garmendia

Alarma egoera luzatzeko akordioa egin dute Espainiako Gobernuak eta EAJk, eta, horren truke, Urkulluk eta Txibitek hartu, kendu, moldatu eta ezarriko dituzte alarma egoeratik ateratzeko neurriak hirugarren fasean Hego Euskal Herrian. ERCrekin ere egin du akordioa Madrilek. Ekainaren 8an hirugarren fasean sartzea eskatuko du Jaurlaritzak bihar.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna