Noiz sortua: 2020-05-21 13:02:39

Futbola

Villacampak beste urtebete segituko du Athletic zuzentzen

Teknikaria pozik dago kontratua beste urtebetez luzatzeagatik, eta adierazi du aspalditik ari zirela negoziatzen.

Villacampak beste urtebete segituko du Athletic zuzentzen
Villacampak beste urtebete segituko du Athletic zuzentzen Tamaina handiagoan ikusi

Ainara Arratibel Gascon -

2020ko maiatzak 21

Athleticek segida emango dio koronabirusaren pandemia dela-eta amaitu berri den proiektuari. Harrobiko hainbat jokalariren kontratua berritu ostean, teknikariarena: Angel Villacamparena. Real Madrilera joango zen zurrumurrua zebilen azken egunetan, eta haren lekua Iraia Iturregik hartuko zuela. Baina entrenatzaileak talde zuri-gorrian segitzearen aldeko apustua egin du, eta bigarren denboraldia egingo du bertan. "Oso pozik nago Athletic bezalako talde garrantzitsu batean segitzeko aukera izateagatik. Aspalditik ari ginen kontratua luzatzeko aukeraren inguruan hizketan, eta garrantzitsuena da segida eman ahal diogula proiektuari".

Hain zuzen, orain urtebete da Txinako selekzioa utzi eta Athleticen sinatu zuela. "Ziurrenik, orduan baino motibazio eta ilusio handiagoa daukagu orain". Teknikariak uste du oraindik erronka garrantzitsuak dituztela aurretik. "Lanean jarraituko dugu horretarako. Talde on bat dugu horretarako, eta baita zutarri garrantzitsu bat ere: klub honek emakumeen futbolaren alde aspalditik egiten ari den lana. Apustu horren araberako erantzuna ematea egokitzen zaigu guri".

Onartu du denboraldi hasiera ez zela erraza izan, eta taldeari kostatu egin zitzaiola martxa hartzea. "Baina jokatzeko era barneratu ahala, emaitzak eta erregulartasuna ailegatzen ari ziren, eta koronabirusaren pandemiak eragindako etena denboraldiko onenean ginenean ailegatu zen. Pena da". Athletic bosgarren zegoen ligan, 35 punturekin, Deportivo laugarrenarengandik bi puntura. Espainiako Kopan, berriz, finalerdietarako zegoen sailkatuta. Logroñoren zelaian zen jokatzekoa kanporaketa hori.

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 27an eguneratua, 18:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, hemeretzi positibo atzeman dituzte PCR probekin, eta bederatzi gaixo ospitaleratu dituzte. Euskal Herrian 28.812 gaixok eman dute positibo guztira, koronabirusa atzemateko probaren bat eginda. Horietatik 2.034 hil dira. Grafikoak, albiste barruan.

Lanbideren Gasteizko bulego bat, itxita ©Luis Jauregialtzo, Foku

Munduko bortz gaztetatik batek lana galdu du pandemia hasi zenetik

Berria

Lanaren Nazioarteko Erakundearen arabera, koronabirusak eragindako krisiak bereziki eragiten die gazteei. Lana duten gazteen %23ri lan orduak murriztuko dizkiete. Erakundearen arabera, emakumeak ari dira bereziki pairatzen krisiaren ondorioak. 

Ursula von der Leyen, artxiboko irudian, ©OLIVIER HOSLET / efe

Bruselak 750.000 milioi euroko funtsa proposatu du

Iker Aranburu

500.000 milioi laguntza zuzenak izango lirateke, eta beste 250.000 milioi, maileguak. Zerga berriekin ordaindu nahi du hartuko duen zorra. Harrera beroa izan du hegoaldean, baina hotza iparraldean.

Manuel Castells Espainiako Unibertsitate ministroa, joan den astean, Diputatuen Kongresuan. ©Kiko Huesca / Efe

Unibertsitate tasak jaitsi beharko dituzte Hego Euskal Herriko administrazioek

Andoni Imaz

Castells Espainiako Unibertsitate ministroak adierazi du unibertsitateek finantziazio gehiago behar dutela, baina hori ezin dela egon «baliabide gutxien dituzten familien eta ikasleen bizkar».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna