Noiz sortua: 2020-05-22 12:42:45

Inbertsio funtsak direla eta, maizterrak babesik gabe daudela salatu dute

 
Kaleratzeak Stop-en protesa bat, Donostian
Kaleratzeak Stop-en protesa bat, Donostian Gorka Rubio (Foku) Tamaina handiagoan ikusi

Jokin Sagarzazu -

2020ko maiatzak 22

Kaleratzeak Stop plataformak salatu du Azora inbertsio funtsa «arazo ekonomiko larriak» dituztenei ez zaiela barkatzen ari alokairuaren ordainketa, alarma egoeraren harira kaleratutako dekretuek eskatzen duten moduan.

Donostiako Amara auzoan bizi diren bi familiaren kasuak aipatu ditu, seme-alaba adingabeak dituztenak biak ere. Horietako batek duela hilabete egin zuen ordainketa barkatzeko eskaera, eta oraindik ez du erantzunik jaso, nahiz eta horretarako epea zazpi egunekoa izan, Kaleratzeak Stopen arabera. Beste familiari, berriz, inbertsio funtsak jakinarazi dio ordaindu gabeko kuotak prorratan banatuko dizkiola kontratua amaitu arte.

Kaleratzeak Stopek jakinarazi duenez, familia horietako batek 715 euro pagatu behar ditu hilean, eta besteak, 650 euro, baina agirien bidez erakutsi dute ezin dietela aurre egin ordainketa horiei.

Plataformaren arabera, Azorak 320 etxebizitza ditu Donostian, eta salatu du «etekin handiak» lortu arren ez duela «ekarpenik» egin nahi «egungo egoeran» inor laguntzeko.

Espainiako Gobernuaren jarrera ere kritikatu du, haren ustez, ez duelako kaleratu hipoteken atzerapenari buruz eta alokairurako laguntzei buruzko lege zehatz bat, «bankuak, jabetza handiak eta inbertsio funtsak» behartzeko alokairuak barkatzera «egoera ahulean» dauden familiei.

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 1ean eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan ez da inor hil COVID-19 gaitzaren eraginez. Bost positibo atzeman dituzte PCR probekin, eta 11 gaixo ospitaleratu dituzte. Euskal Herrian 29.309 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Gasteizko Andre Maria Zuriaren plazako tabernetako terrazak, jendez beteta. ©JAIZKI FONTANEDA / FOKU

Hirugarren fasearen peskizan

Edurne Begiristain

Datozen egunetan ere datuak onak badira, astelehenean hirugarren fasera pasatuko da Hego Euskal Herria. Erkidegoek kudeatuko dute nolakoa izango den alarma egoeratik ateratzeko azken urratsa

Irakasle batzuk hizketan, Zarauzko Orokieta herri eskolan, atzo. ©ANDONI CANELLADA / FOKU

Ikasleak ez, irakasleak bai

Irati Urdalleta Lete

Sare publikoko irakasleak itzultzen hasi dira Araban, Bizkaian eta Gipuzkoan. Nafarroan, USE prestatzera bueltatu dira ikasleak

Bisitariei tenperatura hartzeko gailuak jarri dituzte hala Bilboko Arte Ederren museoaren sarreran nola Bilboko Guggenheim museoan. ©ARITZ LOIOLA / FOKU

Museoak. Ziurgabetasun ufada batekin

Iñigo Astiz

Euskal Herriko museo gehienek zabaldu dituzte ateak egunotan, atzo hasita. Ezohiko baldintzetan arituko dira, eta ikusteko dago nola eutsiko dioten bisitarien urritzeari

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna