Noiz sortua: 2020-05-23 09:17:31

Bi bidaiari atera dira bizirik Pakistanen izan den hegazkin istripuan

Pakistan Internacional Airlines konpainiako hegazkin bat Karatxiko auzo batean erori da. Bi pertsona atera dira bizirik.

Lanak, hegazkinak jo zuen etxeetako batean. /
Lanak, hegazkinak jo zuen etxeetako batean. / SHAHZAIB AKBER/EFE Tamaina handiagoan ikusi

Berria -

2020ko maiatzak 23

Bi bidaiari atera dira bizirik atzo Karatxin izan zen hegazkin istriputik. Guztira, 97 dira hildakoak. Hegazkinean 99 pertsona zihoazen, 91 bidaiari eta tripulazioko zortzi kide. Bizirik atera diren bi bidaiariak ospitalean daude, egonkor. Ospitalera iristean horietako batek bizi izandakoa kontatu du: "Hegazkinak lurra jo zuen, eta gero sua besterik ez nuen ikusten. Ez nuen jendea ikusten", esan du ospitaleko ohetik Mohamed Zubairrek Geo Pakistango telebistan. "Oihuak entzuten nituen alde guztietatik. Haurren oihuak, helduenak, adinekoenak", gehitu du. Segurtasun uhala askatu eta argia ikusten zuen lekura joan zela azaldu du. "Argirantz joan nintzen eta asmatu nuen. Hiru bat metroko jauzi bat egin behar izan nuen ateratzeko".

Zubairrek erredurak dauzka gorputzaren heren batean eta ondo dagoela esan du Karatxiko Ospitaleko medikuetako batek. Bizirik atera den beste bidaiaria Zafar Masood da, Punjab Bankuko presidentea. Beste hamabi pertsona ere zauritu dira istripuan, baina horiek lurrean zeuden eta hegazkinaren erorketak eragin dizkie zauriak; emakumeak dira gehienak eta egonkor daude horiek ere. Izan ere, hegazkina Karatxiko auzo batean erori zen. Inguruko etxeetan kalte handiak eragin ditu, gainera.

Zubairrek esan du Karatxiko aireportura gerturatzen ari zirela pilotuak lur hartzera zihoazela jakinarazi ziela bidaiariei, baina gero utzi egin zuela maniobra hori, eta hamar edo hamabost minutu geroago saiatu zela berriro; orduan izan zuen istripua. Hegazkina A320 Airbus bat da, eta PK8303 hegaldia ari zen egiten, Lahore eta Karatxi artean. Bidaiarien artean bederatzi haur zeuden. Lehen datuen arabera, akats tekniko batek eragin du istripua. Lur hartzera zihoanean erori zen. PIAko kontseilari ordezkari Arshad Malik generalak adierazi du pilotuak "horrelako gertaeretarako" prestatuak zeudela. Imran Jan lehen ministroak iragarri du ikerketa bat hasiko dutela zer gertatu zen jakiteko.

Aire kontrolatzaileen arabera, aireratu eta ordu eta erdira galdu zuten pilotuarekiko harremana. Horren aurretik, aparatua indarra galtzen ari zela jakinarazi zuen pilotuak, eta handik minutu gutxira egin zuen laguntza deia. Istripuaren zergatiak ikertzen ari dira segurtasun indarrak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan hamar lagun hil dira COVID-19 gaitzaren eraginez. Zortzi positibo atzeman dituzte PCR probekin, eta bost gaixo ospitaleratu dituzte. Euskal Herrian 29.491 gaixok eman dute positibo guztira, koronabirusa atzemateko probaren bat eginda. Horietatik 2.078 hil dira. Grafikoak, albiste barruan.

Aritxulegiko gaina, Nafarroa eta Gipuzkoa artean. ©

Nafarroako Gobernuak «jarrera zuhurra» du lurraldeen arteko joan-etorriekin

Berria

«Autonomia erkidego guztiek dute lurralde mugakideen artean mugitzeko helburu bera, baina litekeena da erritmoa berbera ez izatea», esan du Javier Remirez gobernuko bozeramaileak. Salvador Illa Espainiako Osasun ministroak atzo esan zuen hirugarren fasea bukatu arte ezingo dela autonomia erkidego batetik bestera bidaiatu. 

Heriotza kopurua asteka, Araban, Bizkaian eta Gipuzkoan. ©INE

Nabarmen goratu da izurriak eragindako heriotzen kurba

Edu Lartzanguren

Espainiako Estatistika Institutuak grafiko bat argitaratu du, erakusteko izurriak nola eragin duen heriotza tasan.

Pedro Sanchez Espainiako presidentea, gaurko lehen agerraldian, Kongresuan. ©J. J. Guillen / EFE

Espainiako Kongresuak larrialdi egoeraren seigarren luzapena onartuko du gaur

Paulo Ostolaza

Ekainaren 21 arte luzatuko dute; printzipioz, azken aldiz. Sanchezek iragarri duenez, «hirugarren fasean sartzen diren autonomia erkidegoetan hango presidenteak erabakiko du nolakoa izango den fase hori».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna