Noiz sortua: 2020-05-23 09:24:54

Pandemia hasi zenetik lehen aldiz, ez da kasurik agertu Txinan

Baieztatutako kasurik jakinarazi ez badute ere, bi kasu susmagarri ikertzen ari dira: kanpotik joana bata eta bertakoa bestea.

Jendea maskararekin, Pekin hiriburuan. /
Jendea maskararekin, Pekin hiriburuan. / Roman Pilipey/EFE Tamaina handiagoan ikusi

Arantxa Elizegi Egilegor -

2020ko maiatzak 23

Hobera egiten segitzen du Txinak. Hura izan zen iazko abendu bukaeran gaitz berria atzeman zuen herrialdea, eta hura izan da pandemia atzean uzten lehenengoa. Atzo lehen aldiz, ez zuen kasu bakar baten berri eman Asiako potentzia nagusiak; soilik ustezko bi kutsaturi buruz informatu zuen, Shanghain bertan kutsatutakoa bata, eta atzerritik joandakoa bestea.

Aurreko egunean, ostegunean, lau kasu gehiagoren berri eman zuen Pekinek. Guztiak Jilin probintzian, Errusia eta Ipar Korearekiko mugan. Han beste 30 kasu baino gehiago baieztatu dituzte azken asteetan, gehienak Errusiatik Txinara itzultzen diren herritarrenak.

Atzoz geroztik ez da hildakorik izan, eta gaixoekin kontaktua izan zuten 252 pertsonen jarraipena egiteari ere utzi egin diote osasun langileek, kasu susmagarririk ez zegoelako. Baina oraindik 79 gaixo daude herrialdean, eta haietako bederatzi egoera larrian. Gehienak, 41, atzerritik joandako herritarrak dira.

Martxoaz geroztik, nabarmen behera egin dute koronabirus kasuek Asiako potentzian, baina aldi berean, ugaritu egin dira atzerritik itzulitako txinatarren kutsatzeak. Soilik Errusiarekin mugan diren eskualdeetan egin dute gora COVID-19 kasuek, eta horietan mugikortasun mugatzeko neurri zorrotzak hartu ditu gobernuak.

Gaitzaren aurkako txerto bat aurkitzeko lanetan ere buru-belarri ari da herrialdea, eta atzo jakinarazi zutenez arrakasta izan duten gizakiekin egindako lehen probek. Dena den, ikertzaileek ohartarazi dute proba gehiago egin beharra dagoela sendagaia plazaratzeko aukera izan aurretik.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan hamar lagun hil dira COVID-19 gaitzaren eraginez. Zortzi positibo atzeman dituzte PCR probekin, eta bost gaixo ospitaleratu dituzte. Euskal Herrian 29.491 gaixok eman dute positibo guztira, koronabirusa atzemateko probaren bat eginda. Horietatik 2.078 hil dira. Grafikoak, albiste barruan.

Aritxulegiko gaina, Nafarroa eta Gipuzkoa artean. ©

Nafarroako Gobernuak «jarrera zuhurra» du lurraldeen arteko joan-etorriekin

Berria

«Autonomia erkidego guztiek dute lurralde mugakideen artean mugitzeko helburu bera, baina litekeena da erritmoa berbera ez izatea», esan du Javier Remirez gobernuko bozeramaileak. Salvador Illa Espainiako Osasun ministroak atzo esan zuen hirugarren fasea bukatu arte ezingo dela autonomia erkidego batetik bestera bidaiatu. 

Heriotza kopurua asteka, Araban, Bizkaian eta Gipuzkoan. ©INE

Nabarmen goratu da izurriak eragindako heriotzen kurba

Edu Lartzanguren

Espainiako Estatistika Institutuak grafiko bat argitaratu du, erakusteko izurriak nola eragin duen heriotza tasan.

Pedro Sanchez Espainiako presidentea, gaurko lehen agerraldian, Kongresuan. ©J. J. Guillen / EFE

Espainiako Kongresuak larrialdi egoeraren seigarren luzapena onartuko du gaur

Paulo Ostolaza

Ekainaren 21 arte luzatuko dute; printzipioz, azken aldiz. Sanchezek iragarri duenez, «hirugarren fasean sartzen diren autonomia erkidegoetan hango presidenteak erabakiko du nolakoa izango den fase hori».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna