Ertzaintzak ikerketa bat abiatuko du Beasainen segurtasun distantzia hautsi dutenak identifikatzeko

Jaiak bertan behera egon arren, hasiera ekitaldia irudikatu zuten elkarrekin dantzan ehun bat gaztek. Barkamena eskatu dute.

Berria -

2020ko maiatzak 23

Atzo ziren hastekoak Beasainen (Gipuzkoa) Loinatz jaiak. Udalak, ordea, bertan behera utzi zituen alarma egoera dela eta. Hala ere, atzo herriko plaza bateko terrazetan zeuden gazte talde batzuek jaiei hasiera ematen dien Mariren jaitsiera irudikatu zuten farol baten inguruan, segurtasun distantzia mantendu gabe. Minutu pare bat inguru izan zen, tabernak ixtear zirenean, baina hori jasotzen duen bideoak asaldura eragin du sare sozialetan eta hortik kanpo. Ertzaintzak esan du ikerketa bat irekiko duela eta bideoan agertzen direnak identifikatuz gero, isuna jarriko diela alarma egoeraren segurtasun neurriak hausteagatik. Segurtasun sailak jakinarazi du Ertzaintza joan zela gertatutakoaren berri izan ostean, eta gazteak joan egin zirela. Arantxa Tapiak prentsaurrekoa eman du eguerdian, eta, horri buruz galdetuta, zuhurtzia eskatu du, eta pandemian hil direnak gogoan hartzeko.

Aitor Aldasoro alkateak Euskadi Irratian esan du «auz olotsa» sentitu duela irudiak ikustean: «Ez du ez buru eta ez hanka horrela aritzeak. Udalak ezohiko bilkurara deitu du gaur goizean. Gazteetako bat, gainera, Maddi Imaz, EH Bilduko zinegotzia da, eta dimisioa aurkeztu du ohar baten bidez, eta barkamena eskatu. «Atzo gertatutakoaren harira, arduragabekeriaz jokatu nuen, eta hori ez dator bat EH Bilduk orain arte izan duen jardunarekin pandemia honetan». Eskatu du ez leporatzeko EH Bilduri bere jarreraren ardura. EH Bilduk ere atera du ohar bat: «Beasaingo EH Bilduk adierazi nahi du bart gauean gure herrian gertatutakoa ezin daitekeela errepikatu.  Arduraz jokatzea beti da ezinbestekoa, baina are gehiago Covid19a dela-eta bizi dugun egoeran eta, beraz, gure taldeko zinegotzi batek bertan parte hartu izana ez da onargarria. Horregatik ontzat ematen dugu bere dimisioa».

Dantza horretan parte hartu zuten gazteek ere ohar bat atera dute, eta barkamena eskatu dute: «Lehenik eta behin, barkatu. Ezin dugu besterik esan. Atzoko egunean gertatutakoaren ardura guztia gure gain hartzen dugula helarazi nahi dizuegu, bertan parte hartu genuenak damututa aurkitzen garelako». Gazteek diote festa giroan zeudela eta pote batzuk hartu ondoren egoera eskuetatik joan zitzaiela, «COVID-19ak eragindako egoera honen kontzientzia erabat galdu». Azpimarratu dute «beroaldi» bat izan zela, eta eskatu dute ez jartzeko horren ardura euren gurasoengan. «Gure pertsonak epaitu nahi badituzue, eskubide guztia izango duzue, baina gure gurasoek ez dute atzo gertatutakoarekin zerikusirik».

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

COVID-19aren jarraipen batzordea, Iñigo Urkullu lehendakaria buru dela, atzo Gasteizen. ©JON RODRIGUEZ BILBAO / EFE

Pandemia osoan izan den kopururik handiena zenbatu dute Bizkaian: 402

Olatz Esteban Ezkati

Hego Euskal Herrian 651 positibo izan dira. Hamasei egoiliar eta 36 langile kutsaturik daude Bizkaiko zahar etxeetan. Eusko Jaurlaritzak ez du baztertzen osasun larrialdia berrezartzea

Nekane Murga Osasun sailburua, atzoko agerraldian. ©Miguel Toña / EFE

Etxeratze agindua, zalantzazko muga

Irati Urdalleta Lete

Eusko Jaurlaritzak etxeratze agindua izan du hizpide; hau da, herritarrei eskubidea kentzea ordu jakin batetik aurrera kalean ibiltzeko. Adituek ez dute argi horretarako eskumenik ba ote duen.

Emakume bat, elikagaiak kalean saltzen, Quiton, Ekuadorko hiriburuan. ©JOSE JACOME / EFE

Birusari, errenta unibertsala

Cecilia Valdez

Koronabirusaren pandemiak pobrezia hedatu eta desberdinkeria areagotu duela ikusita, Latinoamerikako zenbait herrialdetan oinarrizko errenta unibertsala eta haren gisako neurriak ari dira aztertzen. Errentarentzako dirua nondik bildu, horixe da erronkarik handienetako bat.

Donibane Lohizuneko plaza, konfinamendu denboran ©Bob Edme

Donibane Lohizuneko ostatu bat hetsi dute

Ekaitz Etxamendi

Pirinio Atlantikoetako departamenduko prefeturak erabaki du Donibane Lohizuneko (Lapurdi) Le Miam ostatuaren hestea bost egunez, zigor gisa. Neurria beterik, gaur ireki dute berriro.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna