Eusko Jaurlaritzak tabakismoaren arriskuez ohartarazi du

COVID-19 kasuetan ere «sintoma larriak» izateko aldagaietako bat dela esan du.

Eusko Jaurlaritzak tabakismoaren arriskuez ohartarazi du
Eusko Jaurlaritzak tabakismoaren arriskuez ohartarazi du Tamaina handiagoan ikusi

Arantxa Iraola -

2020ko maiatzak 28

Eusko Jaurlaritzako Osasun sailburu Nekane Murgak agerraldi bat egin du gaur eguerdian, eta tabakismoaren arriskuez ohartarazi du. Oro har, osasunarentzat ondorio txarrak dakartzala oroitarazi du, eta COVID-19 kasuetan ere erretzaileek arrisku handiagoa izaten dutela «sintoma larriak» izateko, eta, ondorioz, pronostiko korapilatsuagoak. Gaitzaren eboluzio gaitzagoa izateko arriskua ez ezik, erretzaileek kutsatzeko arrisku handiagoa ere izaten dutela azaldu du Murgak: «Ahoa gehiago ukitzen baitute».

Horiek horrela, Osakidetzak erretzeari uzten laguntzeko martxan dituen egitasmoak indartu egingo dituztela esan du Murgak. Programa batek arta profesionala eta sakelakorako aplikazio bat erabiliko ditu pazienteei laguntzeko, eta uztailerako martxan nahi dute. Irailean, berriz, egun aurrez aurreko taldeko topaketen bidez egiten duten egitasmo bat «online» erabiltzen hasteko prest edukitzea espero dute. Baliabide horien osagarri gisara hainbat botika ere erabil daitezkeela gogoratu du Murgak, eta substantzia horiek finantzaketa publikoaren bidez bermatuta daudela urte honen hasieratik.

Baliabide berri horiekin, osasun zentroetara joateko zailtasunak izaten dituzten pazienteengana heldu nahi dute, bereziki, osasun agintariek: «Gazteengana».

Maiatzaren 31 Tabakorik Gabeko Eguna izaten da mundu osoan, eta horren harira hartu du gaia hizpide Jaurlaritzak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Kezka adierazi dute lehen arretako hainbat langilek. Argazkian, Bilboko Areilza anbulatorioa. ©ARITZ LOIOLA / FOKU

«Osasun sistemak eztanda egingo du»

Maialen Arteaga

Lehen arretako zentroen estutasunak azaleratu ditu COVID-19ak, eta aspaldiko aldarriak hauspotu ditu. Pandemiaren «bigarren olatua» iritsi dela aitortu du Eusko Jaurlaritzak, baina osasun etxeetan langileen erdiekin eta «lan gainkargarekin» dabiltzala salatu dute.

Maddalen Iriarte prentsaurreko batean, artxiboko irduian. ©Juan Carlos Ruiz/FOKU

EH Bilduk Eusko Jaurlaritzari eskatu dio lehen arretako zentroen egoerari konponbide bat emateko

Olatz Esteban Ezkati

Eragile politiko, sindikal, ekonomiko eta sozialen arteko elkarlanaren beharra nabarmendu du indar subiranistak.

Donostian eginiko PCR proba bat ©Gorka Rubio, Foku

Alemaniak Hego Euskal Herrira ez bidaiatzea aholkatu du

Berria

Hego Euskal Herritik Alemaniara joaten diren bidaiariek aurrez PCR proba egin beharko dute.

PCR probak egin dizkiete Donostiako Ramuntxo Berri tabernan izandakoei. ©Gorka Rubio / FOKU

505 positibo berri izan dira Hego Euskal Herrian

Berria

COVID-19a zuten zazpi pertsona hil dira azken astean Araban, Bizkaian eta Gipuzkoan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna