Albistea entzun
Emakumeen aurkako indarkeriari ez
Emakumeen aurkako indarkeriari ez

AURRERAPENA

EPPK-k dio «sektore jakin bat» Patxi Ruizen egoeraz baliatu dela ezker abertzaleari «erasotzeko»

Euskal Preso Politikoen Kolektiboak esan du Murtzia II-ko bere kideak saiatu direla gose greban den presoa laguntzen. Zehaztu ez duen talde bati «zenbait informazio ezkutatzea eta asmakizunak hedatzea» leporatu dio. BERRIAk bihar osorik argitaratuko du EPPKren agiria; aurrerapena da hau.

Bilboko Parte Zaharreko ‘herriko tabernan’ pintaketak, hilaren 21ean.
Bilboko Parte Zaharreko ‘herriko tabernan’ pintaketak, hilaren 21ean. Tamaina handiagoan ikusi

Enekoitz Esnaola -

2020ko maiatzak 29

BERRIAra helarazitako agiri batean, EPPK Euskal Preso Politikoen Kolektiboak esan du Murtzia II (Espainia) kartzelan dauden bere kideak saiatu direla Patxi Ruiz euskal presoa laguntzen, eta «konponbidea exijitu» diotela espetxe zuzendaritzari, baina Euskal Herriko «sektore jakin batek» haren egoera baliatu nahi izan duela EPPK-ko kideak, EH Bilduri, Etxerat-i, Sareri eta Sorturi «erasotzeko». «Estualdian eta egoera larrian den preso bati laguntzeko modu eraginkorrak bilatu eta lantzea baino erosoagoa zaie EPPK eta orokorrean ezker abertzalea erasotzea».

«Zenbait informazio ezkutatzea eta asmakizunak hedatzea» egotzi dio zehaztu ez duen taldeari, eta esan du «oso larria» dela haren jokabidea.

Ruiz bere gose grebaren 19. eguna betetzen ari da gaur, Murtzia II-n. AEM Amnistiaren Aldeko eta Errepresioaren Aurkako Mugimenduak Sortuk eta EH Bilduk aferaren inguruan duten jarrera deitoratu izan du.

Ruizen egoera «salbuespenezko espetxe politika ankerraren ondorioa» dela iritzi dio EPPK-k.

Kolektiboak ontzat jo du Jaurlaritzaren proposamena

EPPK-k «aitortu eta eskertu» egin du Euskal Herrian, Espainiako Estatuan eta nazioartean pandemiaren garaian ere «preso politikoon giza eskubideen eta askatasunaren alde» izan diren aldarrikapenak eta adierazpenak, eta haien artean aipatu du Eusko Jaurlaritzaren azkeneko proposamena: euskal preso guztiak Euskal Herriratzekoa. EPPK-k agirian dio «bat egiten» duela eskari horiekin. «Eta espero dugu pandemiaren garapenean eta horren aitzakiaz hartu ez diren neurriak egoera arintzen ari denean hartuak izango direla».

BERRIAk bihar osorik argitaratuko du EPPKren agiria.

 

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

EH Bilduko koordinatzaile nagusi Arnaldo Otegi, atzo egindako agerraldian. ©JAIZKI FONTANEDA / FOKU

EH Bilduk %75era igo nahi du energia autohornikuntza 2045erako

Xabier Martin

Koalizio abertzaleak «Euskal Herriko eraldaketa ekosozialerako» bere energia estrategia plazaratu du. Energia berriztagarrien aldeko apustua berretsi du, munduko «klima kaosaren aurrean»
Lore eskaintza egin zioten Zabalzari Altzan, haren muralean. ©JON URBE / FOKU

Madrilek Mikel Zabalza biktima gisa aitor dezala eskatu diote Denis Itxasori

Joxerra Senar

Heriotzaren 37. urteurrenean, omenaldia egin diote Donostiako Altza auzoan. Gaitzetsi dute Espainiako Gobernuak ez duela aldatu jarrera
EH Baiko zuzendaritza berria, atzo, Baionan egin zuten ekitaldian. ©BOB EDME

EH Baik lurralde elkargo berezi bat nahi du, Euskal Herri burujabea helburu

Ekhi Erremundegi Beloki

Lehen kongresua egin du ezkerreko abertzaleen mugimenduak, Baionan. 2022-2026 aldirako bide orri politikoa onartu dute
EH Baiko zuzendaritza berria, Baionan ©EH Bai

Euskal Herri burujabea helburu, lurralde elkargo berezia aldarrikatuko du EH Baik

Ekhi Erremundegi Beloki

2022-2026 aldirako bide orri politikoa onartu eta ondoko urteetarako zuzendaritza berria hautatu dute ezkerreko mugimendu abertzaleko kideek. «Karrikan eta instituzioetan borrokatzeko» borondatea erakutsi dute, eta EH Bildureko duten hitzarmen estrategikoa «indartu eta berrituko» dutela erran dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.