Noiz sortua: 2020-06-01 12:32:08

Autoa erosteko laguntzak bikoiztu ditu Jaurlaritzak

Aurreko aldietan ez bezala, zero kilometroko autoa erosten dutenek ere jasoko dute dirua.

Auto saltokiak, Bilboko Enekuri auzoan.
Auto saltokiak, Bilboko Enekuri auzoan. Luis Jauregialtzo / Foku Tamaina handiagoan ikusi

Iker Aranburu -

2020ko ekainak 1

Eusko Jaurlaritzak bultzada bat eman nahi dio autogintzari, euskal industriaren motor nagusia baita. Bost milioi euroren plana zuen prest auto berria erosi nahi zutenei laguntzeko, baina, azkenean, hamar milioi jarriko ditu.

Arantxa Tapia Ekonomiaren Garapenerako sailburuarekin bildu dira gaur goizean auto saltzaileen ordezkariak, eta esker ona adierazi diote. Laguntza, neurri handi batean, sinbolikoa izango da: ehunka operazio erraztuko ditu Jaurlaritzaren diruak, baina milaka zenbatzen dira auto berrien salmentak. Iaz, esaterako, Hego Euskal Herri osoan 51.000 auto matrikulatu zituzten.

Jaurlaritzak kopuru handiagoak emango dizkie auto berria erosten dutenei. Horrela, gasolinazko eta gasoliozko auto bat erosten dutenek bi mila euro jaso ahal izango dituzte orain (1.000 euro iazko deialdian). 

Gainera, auto berri-berriak erosten dituztenek ez ezik, zero kilometro deitutakoak erosten dituztenek ere jaso ahal izango dute laguntza. Aldaketa hori bereziki eskertu du Javier Bagues auto saltokien ordezkariak, gogorarazi baitu kontzesionarioek «arrazoi askorengatik» auto berriak automatrikulatu behar dituztela. Zenbagailuan ehun kilometrotik behera duten autoentzat soilik izango da laguntza.

Energiaren Euskal Erakundeak tramitatuko ditu laguntzak, eskaerak jaso ahala. Hau da, lehenik eskatzen dutenek aukera gehiago izango dutela Jaurlaritzaren laguntza jasotzeko, hamar milioi euroak amaitu arte banatuko baitu.

Aurreko deialdian bezala, gutxien kutsatzen duten autoek jasoko dute laguntza gehien. Auto elektriko hutsen erosleek 3.000 euro jaso ahal izango dituzte. eta 2.500 euro hibrido entxufagarria erosten dutenek.

Honakoak dira banatuko dituzten laguntzak:

-Ibilgailu arin elektriko purua: 3.000 euro.

-Ibilgailu arin hibrido entxufagarria edo autonomia zabalduko ibilgailu elektrikoa: 2.500 euro.

-Ibilgailu arin hibrido ez-entxufagarria: 2.250 euro.

-Gas natural bidezko ibilgailu arina: 2.000 euro.

-Hidrogenozko ibilgailu arina: 3.000 euro.

-Gas natural (PGL) bidezko ibilgailu arina: 2.000 euro.

-A energia klaseko gasolinazko edo gasoliozko M1 kategoriako turismoa: 2.000 euro.

-GMB*>2.500 kg-ko eta BEG > 114 gr CO2/km-ko gasolinazko edo gasoliozko furgoneta, N1 ibilgailuak: 2.000 euro.

-GMB*=<2.500 kg-ko eta BEG > 184 gr CO2/km-ko gasolinazko edo gasoliozko furgoneta, N1 ibilgailuak: 2.000 euro.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Osakidetzako langile bat Txagorritxuko laborategi batean lanean. ©Gorka Rubio, Foku

Justizia Auzitegi Nagusiak ebatzi du Osakidetzak arriskuan jarri dituela langileak

Ainhoa Larretxea Agirre - Mikel P. Ansa

Osagileen sindikatuek jarri zuten salaketa, eta ekainaren 16an egin zuten epaiketa. ESK sindikatuak Nekane Murga Osasun sailburuaren eta Osakidetzako zuzendaritzaren dimisioa eskatu du. Osakidetzak, ordea, «positibotzat» jo du ebazpena, epaileak atzera bota dituelako sindikatuen «eskari gehienak».

Jendea paseoan, konfinamendua arintzeko lehen fasean. ©JON URBE/ FOKU

Jaurlaritzak ziurtatu du COVID-19aren agerraldiak «kontrolatuta» daudela

Irati Urdalleta Lete

Beste hamalau positibo eta hiru hildako daude. Jaurlaritzak pentsatu du neurriak areagotuko dituela jende pilaketak «mantenduz eta orokortuz» gero

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna