Noiz sortua: 2020-06-03 16:27:10

Suediako estrategiaren egileak «gehiago egin» zitekeela onartu du azkenean

Herrialdean ez zuten konfinamendu orokorrik ezarri, eta inguruko estatuetan baino askoz jende gehiago hil da proportzioan.

Anders Tegnell Suediako epidemiologia burua, gaur Stockholmen eginiko agerraldi batean.
Anders Tegnell Suediako epidemiologia burua, gaur Stockholmen eginiko agerraldi batean. ANDERS WIKLUND / EFE Tamaina handiagoan ikusi

Edu Lartzanguren -

2020ko ekainak 3

Suedia mundu osoaren begiradapean egon da azken hilabeteetan, haize kontra joan delako COVID-19 izurritean. Inguruko estatuek ez bezala, hango gobernuak erabaki zuen neurri zorrotzik ez ezartzea. 16 urtetik gorakoen eskolak itxi zituen, eta 50 pertsona baino gehiagoko bilkurak debekatu. Baina ez zien herritarrei agindu ez bidatzeko edo etxean geratzeko, bakarrik adinekoei eta gaixoei eskatu zien —ez agindu—. Suediako herritarren diziplinaz fidatu zen, eta jatetxeak, dendak, tabernak eta gimnasioak zabalik egon dira.

Anders Tegnell epidemiologoa da estrategia horren egilea, eta, gaur, Suediako irrati publikoan, onartu du gobernuak hobeto egin zitzakeela gauzak. «Bistan da egin dugunak baduela zertan hobetu». Tegnellek berak hainbatetan kritikatu ditu azken hilabeteotan herrialde gehienek ezarri dituzten neurri zorrotzak. Baina gaur atzera egin du, hein batean. Suedian jende gehiegi ez ote den hil galdetu diote. «Bai, zalantzarik gabe», erantzun du. Halako heriotza tasa handia «eragozteko moduren bat ote zegoen» aztertu beharko du herrialdeak.

Suedian 4.542 pertsona hil ditu gaitzak, lerrook idazteko orduan, eta 40.000 kasu baieztatu dituzte.

Danimarkan, berriz, 580 lagun hil ditu birusak. Finlandian, 320 hildako zenbatu dituzte, eta Norvegian, 237. Beraz, Suedian 4,8 hil dira milioi biztanleko. Danimarkan, berriz, 0,4 da ratioa; Norvegian, 0,1 baino txikiagoa; eta Finlandian, 0,2. Suediako heriotza tasa Danimarkakoa halako lau da; beraz, Finlandiakoa halako zortzi, eta Norvegiakoa halako bederatzi.

«Gaitz berari berriz aurre egin beharko bagenio, orain dakiguna jakinda, uste dut Suediak eginikoaren eta munduaren gainerako herrialdeek egin dutenaren tarteko zerbait egitea erabakiko genukeela», esan du Tegnellek. Edonola ere, ondoren egunkari bati emaniko elkarrizketan, bere estrategia funtsean «funtzionatu» egin duela adierazi du.

Ikerketa

Stockholmek aste honetan iragarri du batzorde bat eratuko duela hartutako estrategia aztertzeko, oposizioak eskatuta.

Tegnellen aurretik, Annike Linde izan zen Suediako epidemiologia burua, eta, joan den astean esan zuenez, herrialdeak ez zuen «inongo estrategiarik ezarri adinekoentzat». Prestakuntza «penagarria» izan dela gaineratu zuen, eta gauzak bestela egin zitezkeela: konfinamendua ezarri ahalik eta azkarrena, zahar etxeak hobeto babestu, eta test ugari egin.

Suediako lehen ministro Stefan Lofvenek adierazi du estrategia zuzena zela, baina ez zituztela behar bezala babestu zahar etxeak. Adinekoen egoitzetan gertatu dira Suediako heriotzaren erdiak. «Zahar etxeak ez dira gauza izan gaitza kanpoan uzteko», esan du, ordea, Tegnellek.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Osakidetzako langile bat Txagorritxuko laborategi batean lanean. ©Gorka Rubio, Foku

Justizia Auzitegi Nagusiak ebatzi du Osakidetzak arriskuan jarri dituela langileak

Ainhoa Larretxea Agirre - Mikel P. Ansa

Osagileen sindikatuek jarri zuten salaketa, eta ekainaren 16an egin zuten epaiketa. ESK sindikatuak Nekane Murga Osasun sailburuaren eta Osakidetzako zuzendaritzaren dimisioa eskatu du. Osakidetzak, ordea, «positibotzat» jo du ebazpena, epaileak atzera bota dituelako sindikatuen «eskari gehienak».

Jendea paseoan, konfinamendua arintzeko lehen fasean. ©JON URBE/ FOKU

Jaurlaritzak ziurtatu du COVID-19aren agerraldiak «kontrolatuta» daudela

Irati Urdalleta Lete

Beste hamalau positibo eta hiru hildako daude. Jaurlaritzak pentsatu du neurriak areagotuko dituela jende pilaketak «mantenduz eta orokortuz» gero

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna