Oporrak Euskal Herrian

Itsasertz ederra Sopelan

Sopela leku ezin hobea da hondartzara joateko, mendi ibilaldiak egiteko, eta surf, bodyboard eta beste hainbat kirol egiteko.

Bi surflari, Meñakoz hondartzan.
Bi surflari, Meñakoz hondartzan. JOSE MIGUEL LLANO

Sopela Bizkaiko kostaldeko ingurune pribilegiatu batean dago. Itsasertz ederraz gozatzeko aukera ematen du, eta inguruko labar harrigarriek eta harrizko formazio bereziek xarma berezia ematen diote. Horrela, zoragarriak dira Sopela eta haren inguruak. Natura ondare zabal hori da udalerriak turismoa erakartzeko duen baliorik handienetakoa.

Halaber, Sopelan, surf eta bodyboard egiteko hondartza zabalak daude. Horrez gain, inguru ezin hobea da abentura kirolak egiteko, parapentea, mendi ibilaldiak, skate, eta abar.

Sopelan hiru hondartza daude. Barinatxa hondartza, Getxorekin muga egiten duena, La Salvaje ere esaten diote, eta itsaslabarrez inguratua dago. Horren gainean, parapentezaleek leku ezin hobea dute hegan egiteko, eta hondartzako gune batean nudismoa ere egin daiteke.

Arrietara-Atxabiribil, berriz, hiriko hondartza da. Sarbide erraza du eta familiek asko estimatzen dute.

Eta, azkenik, Meñakotz hondartza, Barrikarekin muga egiten duena. Hondartzarik ezezagunena da, eta jende gutxi ibiltzen da. Ez du zaintzarik izaten, harrizkoa da eta oso aproposa da maila goreneko surflarientzat.

Azpimarratzekoa da Sopelan zenbait enpresa ofizial daudela surf ikastaroak egiteko. Beraz, leku ezin hobea da surfean lehen aldiz aritzeko eta lehendik izandako ezagutzak hobetzeko.

Kultur ondarea eta gastronomia

Baina, itsasertz ikusgarria izateaz gain, Sopelak bere kultur ondare aberatsa ezagutzeko aukera ere eskaintzen du. Bereziki, Sopelako turismo bulegoa lanean ari da Burdin Hesiaren arrastoen balioa erakusteko, antzinako gotorleku sistema hori oraindik ere ikusgai baitago Areneburu eta Urkomendi mendien magaletan. Munarrikolanda ibilbidearen historiaurreko aztarnak ere hortxe daude, inguruetan.

Sopelako merkataritza ere aipagarria da, gustu guztietarako askotariko eskaintza baitago. Eskaintza gastronomikoa ere bai, Sopelan pintxoak edo eguneko menua dastatzeko taberna eta jatetxe ugari baitaude.

Sopela bisitari guztientzat da aparta, bestelako estiloa du, eta, hori dela eta, euskal kostaldeko tokirik gogokoenetako bat da.

Informazio gehiago nahi izanez gero, turismoa.sopelaudala.org webgunean kontsulta daiteke.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

18 kasatzeman dituzt azken ordueta Zangozan. ©Iñigo Uriz/FOKU

Beste neurri batzuk hartuko dituzte Zangozan

Berria

Azken orduetan, 18 positibo atzeman dituzte han. Hego Euskal Herrian, 234 positibo izan dira.

Kaltzda Zahar eguneko zenroa, Bizkaian. ©Marisol Ramirez/FOKU

Eguneko zentroak irekiko dituzte gaur Araban

Berria

Zahar etxeetako murrizketek abuztuaren 9ra arte jarraituko dute indarrean.

Basurtuko erietxearen kanpo aldean ostiralean hasi ziren PCR probak egiten. ©JAVIER ZORRILLA / EFE

Berriro ere berrehun positibo baino gehiago egun bakarrean: 255

Mikel P. Ansa

Bezperan baino 39 kasu gutxiago detektatu dituzte azkeneko 24 orduetan, baina berrehuneko langatik gora jarraitzen dute eguneko kasu berriek. Nafarroak osasun arreta indartuko du.

Emakume bat Zisjordaniako Bani Naim herrian maskarak saltzen, hil hasierako irudi batean. ©ABED AL HASHLAMOUN / EFE

Palestinako kasuek gora jarraitzen dute, neurriak gogortu arren

Ander Perez Zala

PANek 11.000 positibo baino gehiago baieztatu ditu, eta haren diru sarrerak %80 txikitu dira

Sopelako Udala