Albistea entzun

LGTBI

Saretzeko deia eginen dute aurtengo LGTBI Harrotasun Egunean

Larrialdi egoeran «bizirik irauteko, babesa bilatzeko, elkar aurkitzeko eta bakarrik ez gaudela jakiteko» sostengu sareek izan duten garrantzia nabarmendu du Bizkaiko E28 koordinakundeak. Ekainaren 28an, igandearekin, manifestazioa eginen dute, 18:30ean, Bilboko Moyua plazatik hasita.

E28 Koordinadorak egindako agerraldia, gaur, Bilbon.
E28 Koordinadorak egindako agerraldia, gaur, Bilbon. E28 Koordinadora Tamaina handiagoan ikusi

Maddi Ane Txoperena Iribarren -

2020ko ekainak 19 12:55

Ekainaren 28ko LGTBI Komunitatearen Nazioarteko Egunean protesta egitera deitu du Bizkaiko E28 koordinakundeak. Saretuz borrokak dirau! Perseguides, clandestines, unides [Jazarriak, klandestinoak, batuak] leloa erabiliko dute aurten, eta, hain justu, konfinamenduan saretzeak izan duen garrantzia nabarmenduko dute mobilizazioetan. «Aurreko hilabeteetan bizi izan dugun larrialdi egoera dela eta, sostengu sareek garrantzi handia hartu dute, pertsona askorentzako baliabide bakarra bilakatu baitira instituzioen utzikeriagatik», adierazi dute. Babeserako ez ezik, borrokatzeko ere saretzeko deia egin dute: «Bizirik irauteko, babesa bilatzeko, elkar aurkitzeko eta bakarrik ez gaudela jakiteko sareak aipatu nahi ditugu, baina baita isilduak, ezkutatuak edo hilak nahi gaituztenei aurka egin eta horien kontra borrokatzeko sortutakoak, edota borrokalagun diren beste kolektiboekin sortutakoak ere».

Bilbon eginen dute manifestazioa, ekainaren 28an, igandearekin, 18:30ean, Moyua plazatik abiatuta. Aste osorako prestatu dute egitaraua, ordea. Heldu den ortzegunetik hasita, zinema emanaldiak, solasaldiak eta tailerrak eskainiko dituzte. EHGAMen Urrezko Hirukia eta Trapuzko Espartina sariak ere emanen dituzte ekainaren 27an, Bilboko Bira tabernan.

Ekainaren 28ko manifestaziora maskara jantzita, segurtasun distantzia gordeta, eta «zisheteroaraua suntsituz eta ozen oihukatuz» joateko eskatu dute.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Indarkeria matxistaren kontrako mobilizazioa, Iruñean, iaz azaroaren 25ean. / ©Jagoba Manteroa, Foku

Gizon batek urruntze agindua hautsi eta labanaz eraso die emazte ohiari eta hiru seme-alabei Eguesibarren

Jon Ordoñez Garmendia

Alaba nagusia buruan zauritu du labanarekin. Emakumeak eta beste bi seme-alabek ihes egin ahal izan dute. Gizonak bigarren solairutik behera bota du bere burua. Mugimendu feministak asteazkenean biltzera deitu du, erasoa gaitzesteko.

Milaka herritarrek parte hartu zuten protestan, atzo, Baionan. ©Patxi Beltzaiz

Bigarren etxebizitzen kontrako manifestua aurkeztu dute Baionan

Ekhi Erremundegi Beloki

3.500 pertsonatik gora elkartu dira Herrian Bizi plataformaren mobilizazioan. Abisatu dute heldu den urtetik aitzina ez dute bigarren etxebizitza berririk onartuko

Iruñeko Buztintxuri auzoa, artxiboko argazkian. / ©Aritz Loiola, FOKU

Gizon bat atxilotu dute Iruñean, emakume bat bortxatzea egotzita

Jon Ordoñez Garmendia

Erasoa duela bi aste gertatu zen, Buztintxuri eta Sanduzelai auzoen artean trenbidea zeharkatzeko lur azpian dagoen pasabide batean.

Gabi Arestegi, Herrian Bizi plataformako kidea. ©BERRIA

«Etxe batzuen erabilpenak ez dira gehiago onargarriak»

Iñaki Etxeleku - Ipar Euskal Herriko Hitza

Herrian Bizi plataforman sartua da hastetik Gabi Arestegi. Indar harremana atxiki nahi dute gaiarekin.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.