Celta jaun eta jabe izan da gaur Vigon (Galizia) Alavesen aurka jokaturiko partidan. Lehen zatia lau golen aldearekin amaitu du, eta, gainera, Martin jokalaria galdu du Alavesek, epaileek kanporatu egin dutelako.
Galiziako taldeak 388 minutu zeramatzan Ligan golik sartu gabe.
Asier Garitano entrenatzaileak gazteei aukera emateko politikarekin jarraitu du. Gaur, Javi Lopez estreinatu da babazorroekin.
Celtak kornerretik eginiko bi jaurtiketaren bidez sartu ditu lehenengo bi golak. Murillok sartu du lehenengoa, buruz. Eta zazpi minutu geroago, bigarren kornerrean, Fujsareneskuarekin topo egin zuen baloian. Ondorioz, penaltia ebatzi du Cordero Vega epaileak. Aspasek sartu du gola.
Eta, ordutik, Alaves noraezean ibili da. Celtaren erasoaldietako batean, Martin defentsak gogor hartu du Rafinha, eta epaileak txartel gorria erakutsi dio.
Geroztik ez da partidarik egon. Celta jaun eta jabe izan da, nahiz eta bigarren partean abiada apaldu.
Golak: 1-0, 13. minutuan, Murillok. 2-0, 20. minutuan: Aspasek, penaltiz. 3-0,
40. minutuan: Rafinhak. 4-0, 41. minutuan: Rafinhak. 5-0, 78. minutuan: Nolitok. 6-0, 86. minutuan:
Santi Minak.
