Futbola

Mendoza, Palacios, Lareo eta Torre, beste urtebete Realean

Laurei ekainaren 30ean amaitzen zitzaien kontratua, eta talde txuri-urdinean segituko dute.

ainara arratibel gascon
2020ko ekainaren 22a
13:14
Entzun

Aurreko astean Marta Cardonak, Claudia Blancok eta Carla Bautistak taldea utziko zutela iragarri eta gero, Realak lau kontratu berritze iragarri ditu: Nuria Mendozarena, Kiana Palaciosena, Manu Lareorena eta Maddi Torrerena. Laurei ekainaren 30ean amaitzen zitzaien kontratua, eta talde txuri-urdinak beste urtebeterako kontratua egin die.

Nuria Mendoza funtsezko jokalaria izan da ailegatu zenetik talde txuri-urdinaren atzealdean. Azken denboraldian nabarmendu da, dena den, batez ere, eta hainbat talderen eskaintza izan duelako zurrumurrua zegoen. Baina Realean segituko du. Maddi Torrek uste baino gutxiago jokatu du azken denboraldian, batez ere azken txanpan.  Baina erdiko atzelari eta euskarri moduan joka dezake, eta horrek aukera desberdinak eman diezazkioke Natalia Arroyo entrenatzaileari.

Manu Lero behetik gora joan ohi den jokalaria da. Denboraldiak ez ditu hasierako hamaikakoan hasten, baina gero beti egiten du bere lekua. Seigarren denboraldia du taldean, eta haren eskarmentua balia dezake Arroyok, ez zelaian soilik, baita hortik kanpo ere. Lan isila egiten du Kiana Palaciosek ere, eta haren indarrak asko laguntzen dio Realari aurrealdean. Nahikari joanez gero, zama handiagoa hartu beharko du golak sartzeko orduan.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.