Albistea entzun

Gutxieneko errentak

Hegoaldeko 4.741 familiak eskatu dute bizitzeko gutxieneko diru sarrera

Gizarte Segurantzak errenta berriaren lehen ordainketa gaur egin die ofizioz aitortutako jasotzaileei. Batez besteko ordainketa 430 eurokoa izan da.

Lanbideren bulego bat, Gasteizen.
Lanbideren bulego bat, Gasteizen. Raul Bogajo / Foku Tamaina handiagoan ikusi

Irune Lasa -

2020ko ekainak 26

Hamar egunetan, Espainiako Gizarte Segurantzak bizitzeko gutxieneko diru sarrera jasotzeko 4.741 eskaera jaso ditu Hego Euskal Herritik. Horietatik ia erdiak Bizkaitik egin dira (2.291), eta Nafarroan ere milakoa gainditu dute (1.007). Gipuzkoan 801 pertsonak eskatu dute sarrera berria, eta Araban 642 eskaera izan dira. 

Eskaera horiek Gizarte Segurantzak jaso ditu behin-behinean, haien kudeaketa Eusko Jaurlaritzari eta Nafarroako Gobernuari ematen dien mandatua ez dagoelako prest. Mandatu horiek ere behin-behinekoak izango dira, laguntzaren kudeaketaren transferentziak gauzatu artekoak. Dena den, Lanbidek ere jaso ditu bizitzeko errentaren 78 eskaera, eta Gizarte Segurantzara bideratu ditu, eskatzaileei tramiteak aurrezteko. 

Bizitzeko gutxieneko diru sarreraren lehen ordainketa gaur egin du Espainiako Gizarte Segurantzak. Dirua jasoko dutenei ofizioz aitortu zaie laguntza, beren kargu seme-alabak izateagatik laguntza jasotzen zutenei, hain zuzen. Aldaketa hori izan dute 65 jasotzailek Hego Euskal Herrian, eta, beraz, hilabete bukaera honetan jaso dutena jada bizitzeko gutxieneko errenta da. 

Hego Euskal Herrian eta Espainian, Gizarte Segurantzan guztira 74.119 familiari —250.000 pertsona inguru, erdiak adin txikikoak— pagatu die errenta berria. 32 milioi euro izan dira, eta batez besteko ordainketa 430 euro izan da.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Ane Insausti Mubileko zuzendaria, atzo, Tolosan, eta agintarien taldea haren atzetik, Markel Olano eta Iñigo Urkullu buru direla. ©ANDONI CANELLADA / FOKU

Mugikortasunaren arloko enpresek prest dute Mubil, probaleku gisa

Xabier Martin

«Gipuzkoa eta Euskadi mugikortasun berriaren abangoardian» kokatzea du helburu, lurraldeko enpresekin elkarlanean. Hiru urte barru, Donostiako Eskuzaitzetan izango du behin betiko egoitza
Tubacexen aldeko itsasgarri bat, Industria Sailak Bilbon duen egoitzako pareta batean. Atzean, kristalean islatuta, Tubacexeko langile batzuk. ©AIARALDEA.EUS

Ertzaintzaren «jarrera aldaketari» egotzi dizkiote Tubacexeko istiluak

Imanol Magro Eizmendi

Langile batzordeak azaldu du beren protestak baketsuak direla, eta Poliziak jokatu zuela ezberdin herenegun. Jaurlaritzari «benetako inplikazioa» eskatu diote, artekari lan hutsetik haratago
Pedro Sanchez, gaur. ©Emilio Naranjo / Efe

Ostalarientzat laguntzak iragarri ditu Pedro Sanchezek

Iker Aranburu

Espainiako Gobernuak 11.000 milioi euro banatuko ditu «enpresak indartzeko». Ez du argitu zuzeneko laguntzak izango diren ala zerga murrizketak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.