Energia

Funts bat argindar gehien kontsumitzen duten industrientzat

Espainiako Gobernuak 600 milioi euroko berme funts bat sortu du industria elektrointentsiboari laguntzeko epe luzerako argindar kontratuak sina ditzan, eta aldi berean iturri berriztagarriak sustatzeko. Hego Euskal Herrian 58 industria elektrointentsibo daude.

Bizkaiko Sidenor argindar kontsumitzaile handia da.
Bizkaiko Sidenor argindar kontsumitzaile handia da. Luis Tejido / EFE Tamaina handiagoan ikusi

Irune Lasa -

2020ko ekainak 26

Iturri berriztagarrietako argindarrez hornitzeko kontratuak gutxi dira elektrizitate asko kontsumitzen duen industrian. Argindarraren salneurri txikiagoaren bila, epe luzerako kontratuak aukera bat izaten dira kontsumitzaileentzat; baina hornikuntzarako baldintza eta berme oso handiak behar dituzte industria elektrointentsiboek, eta, orain artean, sortzaile eta merkaturatzaile berriztagarriek zailtasunak izan dituzte horiek eskaintzeko Hego Euskal Herrian eta Espainian. Hegoaldean 58 industria elektrointentsibo daude.

Hain zuzen, epe luzerako kontratu horiek bultzatu eta industriari laguntzeko tresna bat onartu du gaurko Ministroen Kontseiluak. Bermerako erreserba funts bat izango da, 600 milioi euro izango dituena hurrengo hiru urteetan. Berme horiek baliatu ahal izateko, Industriek urtean kontsumitzen duten argindarraren %10ek iturri berriztagarrietakoa izan beharko du, bost urtetik gorakoak izan behar duten kontratuen bitartez.

Iturri berriztagarrien erabilera sustatzeaz harago, funts horren helburu nagusia da argindar kontsumitzaile handi horien energia kostuak murriztea. Eta beste urrats bat izan daiteke Kontsumitzaile Elektrointentsiboaren Estatuturako. Reyes Maroto Espainiako Industria ministroak gaur esan du «datozen asteetan» onartuko dela estatutu hori. Bazidurien joan den otsailean kontua bideratuta zegoela, baina, orain, industriaren ordezkariek zenbait baldintza aldatzeko beharra ikusi dute.

Europako lehiakideen aldean argindarra dezente garestiago ordaintzen duten industrien lehiakortasuna hobetzera etorriko litzatekeen estatutua eta horretarako beste bi tresna ere aurreikusten zituen Industria Ministerioak joan den otsaileko zirriborroan. Laguntza nagusia %85eko hobaria da, haien argindar fakturaren kargu jakin batzuetan, zeinak finantzatzera doazen berriztagarrien kostuak, efizientzia handiko kogenerazioa, eta penintsulaz kanpoko aparteko kostuak.

CO2aren zeharkako kostuak konpentsatzen jarraitzea ere jasotzen zuen zirriborroak. Hor, kontsumitzaileen ordezkariek 275 milioi euroko gehieneko konpentsazioa nahi dutela argitaratu zuen El Periódico de la Energía-k. Industriek nahi lukete, era berean, hornikuntza etenduretarako zerbitzuak jarraitzea 2020an, eta 2.000 megawatten enkantea egitea urtearen bigarren erdirako.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Txagorritxuko erietxean, COVIDaren test serologikoak aztertzen. ©G. RUBIO / FOKU

Eritasunari buruzko lezio berrikusia

Arantxa Iraola

Asko falta da oraino, baina COVID-19aren inguruko ezagutzak egunero ari dira argitzen, osatzen; ondorioz, izurriaren hasieran gaitzaz esan ziren hainbat gauza zahartuta eta atzeratuta geratu dira guztiz. Etengabeko berrikusketa eskatzen du gai honek.

Angeluko hondartza. ©Guillaume Fauveau

Maskara derrigorrezkoa izango da Ipar Euskal Herriko hainbat herritan ere

Olatz Esteban Ezkati

Berrehun positiboren langa gainditu da seigarren egunez jarraian Hego Euskal Herrian: 224 kasu izan dira azken orduetan. Gipuzkoako tabernariak kexu agertu dira Jaurlaritzaren murrizketak direla eta

Emakume bat oinez Donostian, erosketen poltsak eskuetan, joan den apirilean. ©GORKA RUBIO / FOKU

Zaurgarrienak, zaurgarriago

Maddi Ane Txoperena Iribarren

Pandemiak emakume eta gizonen arteko desberdintasunak sakondu dituela ondorioztatu du Emakunderen txosten batek. Egoera hobetzeko gomendioak eman dizkie erakundeei

Jedea Bilboko metrotik irteten, maskara jantzita ©Luis Tejido/EFE

Berrehun positiboren langa gainditu da seigarren egunez jarraian Hego Euskal Herrian

Berria

Azken orduetan 224 kasu atzeman dituzte. Positiboetatik 123 Bizkaian detektatu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna