Erasotzaile batek sei lagun zauritu ditu Glasgow erdialdeko hotel batean (Eskozia). Poliziak ez du xehetasunik eman gertaturikoaz, baina ohar batean adierazi du «gizonezko susmagarri bat» tiroz hil dutela, eta jada ez dagoela «arriskurik publikoarentzat». Hori bai, zehaztu du «gertakari serioa» izan dela, eta zauritu guztiak ospitalera eraman dituztela, tartean polizia bat; zauri «larriak» dituzte.
Reports police are dealing with a terrorist incident here in Glasgow city centre. pic.twitter.com/F8J8IGQDPd
— Linda Sinclair (@lindajsinclair) June 26, 2020
Nicola Sturgeon Eskoziako lehen ministroak herritarrei eskatu die erasoa gertatu den eremura ez hurbiltzeko. The Guardian-en arabera, erasoa izan den hotela asilo eskatzaileak hartzeko erabili dute berrogeialdiak iraun bitartean.
Hasieran, gutxienez hiru lagun hil dituztela zabaldu dute Erresuma Batuko hedabideek, baina Poliziak ez du informazio hori baieztatu erasoaren ostean egindako adierazpenetan.
