Noiz sortua: 2020-06-29 11:31:56

Enpresak

CAFek lortu du Renferen kontratua

37 tren egingo ditu Espainiako trenbide konpainiarentzat, 258 milioi euroren truke. Bombardierrek, berriz, trenen trakzio sistemak eraikiko ditu Trapagaranen, SNFCrentzat

Bombardier etxeko tren bat.
Bombardier etxeko tren bat. SAMUEL DOTHE / EFE Tamaina handiagoan ikusi

Xabier Martin -

2020ko ekainak 29

CAFek irabazi du Renferen aurtengo kontratu handietan lehenengoa. Bide estuko 31 tren egingo dizkio, eta zabalera arrunteko beste sei. Guztira, 258 milioi euro patrikaratuko ditu CAFek, aurten lortutako kontratu mamitsuenean.

Ibilbide estuko trenak Feve zenaren trenbideak baliatzen dituztenak dira. Halakoak dira Bizkaiko mendebaldeko bi linea (Bilbo-Balmaseda eta Bilbo-Karrantza), eta Bizkaiko hiriburua Santanderrekin eta Leonekin (Espainia) lotzen dituztenak.

Tren horietatik, 26 elektrikoak izango dira, eta beste bost, berriz, hibridoak (elektrikoa eta diesela).  Gehienez orduko 100 kilometroko abiadura hartuko dute trenek.

Gainera, Madrilen ibiliko diren aldiriko sei tren eraikiko ditu CAFek bere fabriketan.

Tren horien guztien mantentze lanak partekatuko dituzte CAFek eta Renfek. Zehazki, aldiriko seiak eta ibilbide estuko hamabi zaintzeaz arduratuko da Beasaingo konpainia.

Urteak zeramatzan Renfek bere trenak berritu gabe. 2016 amaierakoa da gaur arte azkena zen kontratua, eta Euskal Herrian lantegi bat duen konpainia batentzat izan zen, Talgorentzat.

Uste zenaren aurka, koronabirusaren krisiak ez du etengo Espainiako trenbide konpainia publikoaren inbertsio programa. Kontraturik handiena 2.756 milioi eurokoa da, aldiriko 211 unitate eraikitzeko eta haiek mantentzeko.

Joan den astean beste hiru kontraturen berri eman zuen, Amsterdam, Napoli eta Stockholm hirietarako.

Bombardierren kontratua

Baina CAF ez da gaur aldi luze baterako lana bermatu duen tren sektoreko euskal lantegi bakarra. SNCFk Bombardier kanadarrari eman dio 27 tren egiteko ardura, eta tren horien propultsio sistema Trapagaranen egingo dute, Bizkaian. 2023. urtearen amaieran entregatu beharko du lehen tren sorta Bombardierrek. 

Eskaeretako bat 2010. urtean egindako kontratuaren zabaltzea da. 860 trenerainoko eskaerak egiteko aukera jaso zuen, eta orain 11 tren (110 bagoi) gehiago eskatu ditu Frantziako Ferrokarrilen Konpainia Nazionalak. Bi solairuko tren sorta horrek 162 milioi euroko balioa dauka. Beste eskaera batean, SNFCk hamasei treneko (160 bagoi) hornidura nahi duela jakinarazi dio Bombardierri; kontratu horrek 245 milioiko balioa dauka.

27 tren berri horien propultsio sistema osoa Trapagaranen egingo du konpainiak. 200 bat langilek jarduten dute Kanadako konpainia horrek Bizkaian duen faktorian, eta eskaera horiek lan karga bermatuko diete luzarorako. Zalantzak uxatzea eskertuko dute Trapagarango beharginek, urte hasieran Frantziako Alstomek Bombardier erosi duela jakinarazi baitzuten enpresa biek. 6.200 milioi euroren truke, Kanadako konpaniaren trengintzaren adarra eskuz aldatzeko prozesua abiarazi zuten.

Alstom Alemaniako Siemensekin uztartzeko saioa egin zuten urtebete lehenago, baina Europako Batzordeak galarazi egin zuen bat egite hori, lehiaren aurkakoa zelakoan. Martxan dagoen operazioa eragotziko ez balu berriro, Bombardier Alstomen esku geldituko litzateke aurten, eta Trapagaran bera Frantziako konpainiaren jabetza izango litzateke.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Udaletako eta Eusko Jaurlaritzako ordezkariak, Zumarragan bilduta. ©/ Ordiziako Udala

Ordiziako fokuan 35 pertsona kutsatu dira oraingoz, eta alkateak «autokonfinatzeko» eskatu du

Irati Urdalleta Lete - Jon Ordoñez Garmendia

Beste hemeretzi positibo daudela jakinarazi du Osasun Sailak, eta dagoeneko mila PCR baino gehiagoren emaitzak jaso dituzte. Alkateak "kutsatze komunitario bat" dagoela esan du.Murgak baztertu egin du konfinamendua ezartzea, baita joan-etorriak mugatzea ere. Itxi zituzten Haka, Miami eta Kebab tabernetako zerbitzariek negatibo eman dute. Biharko azoka bertan behera utzi du Udalak, eta kiroldegia, jolas parkeak eta liburutegia itxi ditu.

Jair Bolsonaro. ©Joedson Alves / EFE

Bolsonarok positibo eman du COVID-19an

Oihane Puertas Ramirez

«Bikain» dagoela adierazi du Brasilgo presidenteak. Hura izan da COVID-19aren eragina ukatu izan duten agintarietako bat, eta horrek ekarri du Brasil herrialde kutsatuenetako bat izatea.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna