Noiz sortua: 2020-06-30 12:07:39

INGURUMENA

Ekologistak Martxan-ek Gaztelugatxeko aparkalekua handitzeko proiektua kritikatu du

Donostiako Santa Klara uhartea gune turistiko bihurtzeko «asmoari» ere eman dio, besteak beste, Bandera Beltza saria

Bizkaiko Bermeo herrian dago Gaztelugatxeko Doniene ermita.
Bizkaiko Bermeo herrian dago Gaztelugatxeko Doniene ermita. Monika Del Valle / Foku Tamaina handiagoan ikusi

Igor Susaeta -

2020ko ekainak 30

Kudeaketa txarra argudiatuta edo kutsaduragatik, Bandera Beltza sariak ematen ditu Ekologistak Martxan-ek. Aurten Gaztelugatxeko Donieneko aparkalekuko proiektuari (Bizkaia) eta Donostiako Santa Klara uhartea gune turistiko bihurtzeko «asmoa» saritu ditu Araban, Bizkaian eta Gipuzkoan.

Talde ekologistaren arabera, Gaztelugatxeko aparkalekua handitzeko proiektua «publizitate kanpaina baten barruan» kokatu behar da, eta Bizkaiko Foru Aldundia eta Eusko Jaurlaritza kritikatu ditu horregatik. Ekologistek gogoratu dute Game of Thrones telesaila filmatu zutela han, eta, orduz geroztik, «paisaia idiliko» horrek «gehiegizko» gorakada eduki duela. Dena den, proiektua etenda dago gaur egun. «Kostaldeko beste proiektu batzuekin gertatu bezala, auzotarren babesik ez du eduki, eta bertan behera uztea erabaki du Eusko Jaurlaritzak». Halere, asmoa bera «salatzeko», ingurumen kudeaketa txarraren Bandera Beltza eman dio talde ekologistak proiektuari —Gaztelugatxe gaur dira berriro irekitzekoak—.

Atal berean saritu dute Santa Klara uharterako «agintari politikoek» azaldu duten asmoa. Ekologistek gogoratu dute babes bereziko eremua dela EAEko Itsasertza Babesteko eta Antolatzeko Lurraldearen Arloko planaren arabera, biodibertsitate gune bat dela batez ere «hegazti faunarentzat». Ekologistek Gipuzkoako Foru Aldundia eta Donostiako Udala kritikatu dituzte, uhartearen goialdean dagoen itsasargiaren bueltan Cristina Iglesiasen eskultura bat jartzekoak direlako, «turismoa erakartzeko elementu berri bat» bihurtuz leku hori. Ekologistak Martxan-ek salatu du ingurumen inpakturako azterketarik ez dutela egin instituzioek, eta nabarmendu du Donostiako Arkitektura Goi Eskola Teknikoak «gauzatu beharko ez litzatekeenaren adibide negatibotzat» jo duela proiektua.

Plentziako pantalana

Gainera, beste bi Bandera Beltz eman ditu Ekologistak Martxan-ek. Kutsaduraren saria eman dio Plentziako (Bizkaia) pantalana handitzeko proiektuari. Iruditzen zaio obrek eta horien ondorengo erabilerak «eragin handia» izango dutela Plentziako itsasadarraren ekosisteman. «Proiektuak egiturazko gabezia asko ditu».

Eta atal berean, Pasai Donibaneko (Gipuzkoa) «saneamendua» kritikatu du talde ekologistak. «Herriaren zati baten eta bere inguruaren saneamendua Pasaiako badiara doaz zuzenean, inolako bilketa tratamendu prozesurik gabe». Ekologistek salatu dute instituzioek «behin eta berriz» agindu dituztela egoera konpontzeko neurriak. «Promesa horiek ez dira bete».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Udaletako eta Eusko Jaurlaritzako ordezkariak, Zumarragan bilduta. ©/ Ordiziako Udala

Ordiziako fokuan 35 pertsona kutsatu dira oraingoz, eta alkateak «autokonfinatzeko» eskatu du

Irati Urdalleta Lete - Jon Ordoñez Garmendia

Beste hemeretzi positibo daudela jakinarazi du Osasun Sailak, eta dagoeneko mila PCR baino gehiagoren emaitzak jaso dituzte. Alkateak "kutsatze komunitario bat" dagoela esan du.Murgak baztertu egin du konfinamendua ezartzea, baita joan-etorriak mugatzea ere. Itxi zituzten Haka, Miami eta Kebab tabernetako zerbitzariek negatibo eman dute. Biharko azoka bertan behera utzi du Udalak, eta kiroldegia, jolas parkeak eta liburutegia itxi ditu.

Jair Bolsonaro. ©Joedson Alves / EFE

Bolsonarok positibo eman du COVID-19an

Oihane Puertas Ramirez

«Bikain» dagoela adierazi du Brasilgo presidenteak. Hura izan da COVID-19aren eragina ukatu izan duten agintarietako bat, eta horrek ekarri du Brasil herrialde kutsatuenetako bat izatea.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna