Albistea entzun

EH Bilduk Eusko Jaurlaritzari eskatu dio konponbide bat emateko lehen arretako zentroen egoerari

Eragile politiko, sindikal, ekonomiko eta sozialen arteko elkarlanaren beharra nabarmendu du indar subiranistak.

Maddalen Iriarte prentsaurreko batean, artxiboko irduian.
Maddalen Iriarte prentsaurreko batean, artxiboko irduian. Juan Carlos Ruiz/FOKU Tamaina handiagoan ikusi

Olatz Esteban Ezkati -

2020ko abuztuak 12 07:02

Arabako, Bizkaiko eta Gipuzkoako lehen arretako zentroak langileen erdiekin eta lanez gainezka dabiltzala salatu dute egunotan: osasun sistema "lehertzeko zorian" dagoela ohartarazi dute hainbat langilek. EH Bilduk bat egin du lehen arretako langileen aldarriekin, eta egoeraz kezkaturik dago: "Osasun sistema publikoa gainezka dago, eta egoerak gaindituta. Eta hori ez da gertatzen Osakidetzako osasun langileen profesionaltasun eta arreta faltagatik", adierazi du Maddalen Iriarte EH Bilduko bozeramaileak.

Egoera "muturrekoa" da, indar subiranistaren esanetan, eta egoerari erantzun bat emateko ardura egotzi die agintariei. Iñigo Urkullu Jaurlaritzako lehendakariari eskatu dio bere eskumenak baliatzeko: "Lanari ekiteko garaia da, aitzakiarik gabe". Izan ere, herritarrek pairatzen dituzte egoeraren ondorioak. Halaber, EH Bilduren ustetan, ezinbestekoa da elkarlanean aritzea egoerari aurre egiteko. Horregatik, eragile sozial, ekonomiko eta sozial guztiekin bildu beharra nabarmendu du beste behin ere. "Bakoitzak bere lekutik eta dituen erantzukizunetatik, baina guztiok egin dezakegu ekarpena egoera honetan".

Adierazi du ezegonkortasuna eta segurtasun falta direla nagusi, eta neurri "argiak, zentzuzkoak, eraginkorrak eta koherenteak" eskatu ditu. Pedagogian sakondu beharra dagoela ere aldarrikatu du indar subiranistak: "Pedagogia behar dugu, gizarteak ondo uler dezan zer gertatzen ari den, egoeraren kontzientzia hartu eta egoeraren ardura ere era indibidual eta kolektiboan bereganatzeko".

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Basurtun bihotzeko kirurgia ixtearen kontrako manifestazio bat. ©Marisol Ramirez / Foku

Sindikatuek manifestazioa egingo dute Basurtun bihotzeko kirurgia ixtearen kontra

Gotzon Hermosilla

Satse, ELA, LAB, CCOO eta UGT sindikatuek eskatu diote Osakidetzari helegiterik ez aurkezteko erabakia eteten duen ebazpen judizialari.

Mintzodromo bat, San Telmo museoan, Donostian. ©GORKA RUBIO / FOKU

Aniztasunerako zubigintza

Iraia Vieira Gil

Euskaraz ez dakitenak erakartzeko jardunaldiak antolatu ditu Euskaltzaleen Topaguneak. Euskarak sortzen dituen barne eta kanpo gatazkak izan dituzte hizpide.
Idurre Eskisabel, atzean Euskalgintzaren Kontseiluaren logoa duela. ©EUSKALGINTZAREN KONTSEILUA

Idurre Eskisabel izango da Kontseiluko idazkari nagusia

Julen Aperribai

Paul Bilbaok hamabi urte eman ditu kargu horretan, eta hura ordezkatuko du Eskisabelek gaur zortzi, Durangon. Euskararen auzia «gizartearen lehentasun» bihurtzea eta aliantzak sendotzea jarri ditu helburu

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...