Albistea entzun

AEB-ak

Lidergo beharra azpimarratu dute demokratek, «eldarniozko» erabakiak direla eta

Biden-Harris hautagaitza bart aurkeztu dute. Gazteen botoa bildu nahi dute Harrisen izendatuta.

Biden presidentegaia, bart eginiko gerraldian.
Biden presidentegaia, bart eginiko gerraldian. USA BIDEN HARRIS HANDOUT Tamaina handiagoan ikusi

Iosu Alberdi -

2020ko abuztuak 13 14:43

AEBetako Alderdi Demokratak bart aurkeztu du ofizialki Etxe Zurira heltzen saiatuko den bikotea, eta herrialdea «berreraiki» beharra azpimarratu du: «Etorkizun hobe bat hautatzeko aukera izango dugu hemendik 83 egunera». Kamala Harris senatari eta presidenteordetzarako hautagaiak bere lehen hitzak egin ditu jendaurrean, Joe Biden presidentegaiak aurkeztu zuenetik: «AEBek lidergoa eskatzen dute».

Wilmingtonen —han bizi da Biden— eginiko agerraldi batean, presidentegaia Harrisen alde mintzatu da. «Pertsona egokia» dela azpimarratu du, badakielako «gobernatzen» eta «erabaki zailak hartzen». Hautagai demokratak senatariaren jatorria azpimarratu du, eta zenbait komunitaterentzat «eredu» dela adierazi. Harrisek aita Jamaikakoa du, eta ama Indiakoa, eta presidenteorde izan daitekeen lehen emakume beltza da. Hala, Barack Obamaren presidenteorde izandakoak uste du gazteak ordezkatuak sentituko direla lehen aldiz, «batez ere euren komunitateetan baztertuak sentitzen diren neska beltz eta beltzaranak».

Harrisek aukera eskertu du, eta bozak irabazi beharra azpimarratu, AEBetako presidente Donald Trump kargutik kentzeko. Hark gogor egin zuen Harrisen aurka, Bidenek hautagaitzaren berri eman laster, eta «iruzurtitzat» jo zuen senataria. Hori ikusirik, Harrisek estatubatuarrei eskatu die ez onartzeko Trumpek eta Mike Pence presidenteordeak osatutako «gobernu huts egina». Bere buruaz herritarrez baino gehiago arduratzea egotzi dio Trumpi, eta «lidergo» beharra azpimarratu du, hautagaitza errepublikanoaren aurrez aurre.

COVID-19ari aurre egin beharra

Hauteskunde kanpainako gai nagusia, oraingoz, koronabirusak eragindako osasun krisia da. Demokratek AEBetako presidenteari erasotzeko baliatu dute. Harrisek salatu du bost milioi kutsatu baino gehiago eta 165.000 hildako egon direla Trumpen «eldarniozko» erabakien eraginez: «Ez zuen hasieratik serio hartu». Adibidetzat jo ditu maskara erabiltzearen edo segurtasun tartea zaintzearen inguruan izan dituen iritzi aldakorrak.

Bidenek azaldu du demokratek badutela koronabirusari aurre egiteko plan bat, gobernu errepublikanoak ez bezala, «zientzian oinarrituta». Proba gehiago egingo lituzketela esan du, beharrezko baliabide publikoak erabilita: «Eskolak eta negozioak irekitzea behar dugu».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Extinction Rebellioneko ekintzaileak, gaur, Varsovian. ©Rafal Guz / EFE

Herrialdeen planak ez dira aski Parisko Hitzarmeneko xedeak betetzeko

Iñaki Petxarroman

Nazio Batuen Erakundeak (NBE) ohartarazi du, oraingoz, mahai gainean dauden planak oso urrun daudela Parisko Hitzarmenak helburu duen bi gradutik beherako berotzea lortzeko.

Anbulantzien ilara bat, Errusiako San Petersburgo hiriko ospitale baten kanpoaldean. ©ANATOLY MALTSEV / EFE

Merkelek esan du txertoa hartu dutenek EBn bidaiatzeko pasaporte bat izango dutela

Julen Aperribai

COVID-19ak jota hildako 6.959 lagun erregistratu ditu OMEk, azaro erdialdetik egun bakarrean izan den gutxien. Merkelek esan du txertoa hartu dutenek EBn bidaiatzeko pasaporte bat izango dutela

Bosnia eta Kroaziaren artean harrapatuta

Legez kanpo itzularazten, Europaren atarian

Iñaki Agirre

Europara heltzeko bidean, 3.000 migratzaile daude harrapatuta Bosnia eta Kroazia arteko eremuan. Hortik, EBko muga gurutzatu, eta, Kroazia eta Eslovenia oinez zeharkatuz, bidaia arriskutsu bat egiten dute Italiara heltzeko. Baina Kroaziako Poliziak atzeman eta legez kanpo itzultzen ditu, askotan indarkeria erabiliz.

Alex Salmond Eskoziako lehen ministro ohia, gaur, parlamentuko ikerketa batzordean. ©EFE

Alex Salmond: «Eskoziako buruzagitzak huts egin du»

Ander Perez Zala

Eskoziako lehen ministro ohiak parlamentuko ikerketa batzordean deklaratu du gobernuak gaizki kudeatu zituela haren aurkako sexu eraso salaketak. Agintari izandakoak baieztatu du kexa agertu zuen emakumeetako baten identitatea jakinarazi ziotela.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna