MEMORIA

Estatu indarkeriaren biktimak aitortzeko eskatu dute Brouarden eta Muguruzaren omenaldian

36 urte bete dira Santi Brouard hil zutela, eta 31, berriz, Josu Muguruza hil zutela, eta omenaldia egin diete Bilbon. Ane Muguruzak salatu du «konpondu gabeko gatazka politiko baten existentzia ukatzen duen kontakizun bat inposatu» nahi duela alde batek.

Santi Brouarden eta Josu Muguruzaren oroimenezko lore eskaintza, gaur, Bilbon.
Santi Brouarden eta Josu Muguruzaren oroimenezko lore eskaintza, gaur, Bilbon. Marisol Ramirez / FOKU Tamaina handiagoan ikusi

Maddi Ane Txoperena Iribarren -

2020ko azaroak 20

36 eta 31 urte bete dira gaur Santi Brouard eta Josu Muguruza Herri Batasuneko legebiltzarkidea eta diputatua tiroz hil zituztenetik, eta, urtero bezala, omenaldia egin diete Bilbon, Egiari Zor fundazioak deituta. Lore eskaintzaren ondotik, ekitaldia egin dute Errekalde plazan, eta Ane Muguruza Josu Muguruzaren alabak eta Egiari Zor fundazioko kideak estatu indarkeriaren biktimak izan ditu gogoan. Izan ere, Muguruzak salatu du ez zaiela «aitortu» eragindako mina, eta gaitzetsi du «konpondu gabeko gatazka politiko baten existentzia ukatzen duen kontakizun bat inposatu» nahi duela alde batek, «proiektu politiko zehatz bati zilegitasuna kentzeko», zeinarengatik hil baitzituzten Josu Muguruza eta Santi Brouard.

Muguruzak ohartarazi du «sektore politiko eta instituzional batzuek» eskatzen duten «biktimekiko enpatia» dela hain justu estatuaren indarkeriaren biktimek jasotzen ez dutena: «Mingarria eta ulertezina zait gerra zikinarekin zerikusia izateagatik zigortutako kargu publikoak izan dituen alderdi bereko kide izanik, buruzagi batek jendaurrean esatea «GALen biktimek ez dutela behar Felipe Gonzalezek gerra zikinean izan zuen papera argitzeko ikerketa batzorderik». «Mingarria eta ulertezina», era berean, alderdi horrek egin baitzituen torturak, «kare biziz estalitako» desagepenak eta Mikel Zabaltzaren heriotzari buruzko bertsio ofizialak, bertzeak bertze: «Guztiz onartezina da, edozein ikuspuntutatik, gaur egun oraindik aitortu ez izana eragin ziguten kaltea, krimen horien guztien erantzukizun politikoak bere gain hartu ez izana. Zalantzarik gabe, batzuek egiteke dituzten zereginak dira, eta guk zain jarraitzen dugu».

Gaur egun oraindik «heriotza eta sufrimendua» sortzen segitzen duen «indarkeriazko adierazpenak» ere gaitzetsi ditu, hala nola espetxean hildako Igor Gonzalez Solaren kasua. Bestalde, adierazi du «bizikidetza demokratikoa» eraikitzeko  «gatazkaren ondorioak gainditzea» ez ezik, «ezinbestekoa» dela «gatazka sortu zuten arrazoiak ere konpontzea»: «Gatazkaren kausak eta ondorioak politikoak direnez, akordio politiko eta demokratikoa ahalbidetuko duen konponbidea lortzeko lan egiten jarraituko dugu, beste batzuek guk baino lehen egin zuten bezala, determinazio osoz».

Senide eta lagunez gain, Eusko Jaurlaritzako Giza Eskubideen, Bizikidetzaren eta Lankidetzaren idazkari Jose Antonio Rodriguez Ranz izan da ekitaldian, baita Maddalen Iriarte EH Bilduko legebiltzarkidea, Elkarrekin Podemoseko hainbat kide eta ezker abertzaleko hainbat ordezkari.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Ahotsak-en adierazpena

Ahotsak-eko emakumeek «kontakizun inklusiboa» osatzearen alde egin dute

Maddi Ane Txoperena Iribarren

Taldea sortu eta hamabortz urtera, gatazken konponbideetan emakumeek «ezinbesteko parte» izan behar dutela oroitarazi dute Euskal Herriko 78 andrek
Euskal Herriko hainbat alderdi politikotako ordezkari emakumeak izan ziren atzo, Donostiako Kursaalean egindako jardunaldian. ©JUAN CARLOS RUIZ / FOKU

Noren bakea eta norekin?

Maider Galardi F. Agirre

Emakumeek gatazka egoeretan bizi duten indarkeria eta bake prozesuetan duten presentzia aztertu dute nazioarteko lau adituk Ahotsak-ek antolatutako solasaldian.
Ainhoa Aznarez (Ahal Dugu), Ramon Alzorriz (PSN) eta Uxue Barkos (Geroa Bai), parlamentuan, urrian. ©JESUS DIGES / EFE

Nafarroan hamar milioi euroren zuzenketak hitzartu dituzte taldeek

Joxerra Senar

Navarra Suma ez beste alderdiek hitzartu dute euretako bakoitzak aurkeztutako zuzenketak babestea. Barkosek azpimarratu du akordioak «egonkortasun politiko eta ekonomikoa» ekarriko duela
 ©BERRIA

Burgosko Prozesua, 1970etik zuzenean

Berria

1970eko abenduaren 3ko 09:50 zirenean hasi zen Burgosko Prozesua. Euskal Herriko historia, Espainiakoa eta belaunaldi oso baten bizipena markatu zituen epaiketa bat. Zuzenean gertatzen ari balitz bezala kontatzen ari da BERRIA.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna