Albistea entzun

Frantziako Estatuaren «errepresioaren» kontra manifestazioa egin dute Baionan

15:00ean elkartu dira herriko etxe aitzinean, eta handik abiatu da manifestaldia. Askoratiko aldarriak oihukatu dituzte, denak «sistema kapitalistak ekarritako ondorioen» kontrakoak. Segurtasun Orokorreko legearen kontra egin dute.

500 bat lagun elkartu dira manifestazioan, Baionako karriketan.
500 bat lagun elkartu dira manifestazioan, Baionako karriketan. J. IBARGARAI Tamaina handiagoan ikusi

Joana Ibargarai -

2020ko azaroak 21

Jaka Horiek egina zuten deialdi bat, baina beste talde batzuek ere emana zuten hitzordua. «Ez dugu nahi etiketarik, sare ezberdinetatik egin dugu deia. Berdin du nork antolatzen duen, kexu garen pertsonak gara, hemen elkartuak», erran du antolatzaileetako batek, izenik eman gabe. Mikrofonoa hainbat eskutatik pasatu da eta azken hilabeteetan Frantziako Estatuak ezarritako hamaika lege «zapaltzaileen» kontra egin dute hizlariek. «Oinarrizko eskubideak ukatzen dizkigute. Askatasun guziak banaka kentzen. Larrialdi egoerak, salbuespenezko egoerak... Edozein aitzakia baliatzen ari dira horretarako, den-dena kontrolpean atxikitzeko, beti berak zapaltzeko. Pentsatzeko, kritikatzeko eta antolatzeko eskubidea kendu nahi digute», nabarmendu du La Libre Pensee elkarteko kide batek. 500 bat lagun elkartu dira manifestazioan.

Hizlariek azken egunotan anitz aipatu den Segurtasun Orokorreko legeari erreferentzia egin diote behin eta berriz, ez dutela onartuko oihukatuz. Izan ere, legearen 24. artikuluak Frantziako Poliziaren irudiak filmatu eta zabaltzea debekatu nahi du, «polizien integritate fisiko eta moralaren kontra» doan kasuetan. Bestalde, Segurtasun Orokorraren Lege proiektuak aukera emango du Frantziako Poliziak bere jardunean —atxilotzeak, manifestazioak...— erabiltzen dituen bideokameren irudiak polizia etxeetara zuzenean konektatzeko. Teknika horren bidez, zuzeneko irudiak ikusi ahalko lituzkete, beraz. Orain arte, poliziek ez dute irudiak begiratzeko eskubiderik izan: ikerketa baten harira, epaileak soilik eman dezake baimena. Molde berean, droneen irudiak zuzenean ikusteko modua izango lukete.

Legea pasatu gabe ere, mehatxuak

Lanean ari zela Frantziako Poliziaren mehatxuak jasan behar izan zituela salatu zuen Guillaume Fauveau argazkilariak, azaroaren 17an. BERRIAko, Kazeta.eus atariko, Gara-eko eta Mediabask-eko argazkilaria da Fauveau, eta Baionako Alsace-Lorraine karrikan aritu zen lanean, Frantziako Poliziaren kontrol operazio batean. Bi poliziak prentsa agiria galdetu zioten, eta Fauveauk erakutsi zien. Hortik minutu gutxira, beste bi polizia hurbildu zitzaizkion, eta argazkiak hartzeari uzteko eskatu zioten. Gainera, gelditzen ez bazen salaketa jarriko ziotela esan zioten, mehatxatuz. Gertakari horren ondorioz, 60 kazetari baino gehiagok sostengua helarazi diote Fauveauri

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Pablo Iglesias, politikari agur esan zion agerraldian, herenegun, Madilen. ©KIKO HUESCA / EFE

Bipartidismoa amaitu zuena

Igor Susaeta

Unidas Podemoseko liderrak politika utziko duela eta, Iglesiasen alderdikide izandakoek haren ibilia goratu dute, eta nabarmendu «erantzunak ematea» lortu duela

Piztutakoa itzali aurretik, badoa

Iosu Alberdi

Iglesiasek eta bestek 2014an sortu zuten Podemos, M-15 mugimenduaren abaroan. Sei urtean, presidenteorde izatera iritsi da, baina, jada batzen laguntzen ez duelakoan, agur esan dio politika instituzionalari.
EH Bildu Areatzara itzuli zen atzo, hamar urte lehenago legeztatzearen berria jaso zuen lekura. ©ARITZ LOIOLA / FOKU

Aukera «ezkertiar eta subiranista» goretsi du EH Bilduk urteurrenean

Jon O. Urain

Iriartek nabarmendu du beharrezkoa dela botere publikoek herritarrei «ziurtasuna» ematea

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.