Ertzaintzak indarkeria zantzuak topatu ditu Getxon aurkitutako gorpuzkietan

Gorputz zatiei nahita moztutakoak izan ziren itxura hartu die Ertzaintzak, baina oraindik ez daukate hipotesi argi bat. Igandean hanka zati bat agertu zen Arrigunaga hondartzan, eta, atzo gorpuzki gehiago topatu zituztenez gero, inguruko hondartzetara zabaldu dituzte bilaketa lanak

Ertzaintzak kriminalitate zantzuak topatu ditu Getxon aurkitutako gorpuzkietan.
Ertzaintzak kriminalitate zantzuak topatu ditu Getxon aurkitutako gorpuzkietan. Tamaina handiagoan ikusi

Erredakzioa -

2021eko urtarrilak 12 20:03

Getxoko (Bizkaia) Arrigunaga hondartzan topatutako gorpuzkiek indarkeria zantzuak izan ditzakete Segurtasun Sailekoek adierazi dutenez. Herritar batek eman zuen abisua igandean, 09:30 aldera: pertsona baten hanka zati bat topatu zuela Getxoko hondartzan. Aurkikuntzaren berri eman bezain laster, ingurua miatzeko operazioa jarri zuen martxan Ertzaintzak, Txakur Unitatea eta Zaintza eta Erreskate Unitateak mobilizatuz. Bilaketa lan horietan, gorpuzki gehiago topatu zituzten hondartza inguruetan atzo eguerdian. Horiek ikertzen hasia da Ertzaintza, eta gorputz zati horiei nahita moztutakoak izan diren itxura hartu die. Dena den, esan dutenez, oraindik goizegi da ondoriorik ateratzeko, eta ikerketa ildo denak zabalik dituzte.

Laborategian egingo dituzten proben bidez, aurkitutako gorpu zatien nondik norakoak argitu nahi dituzte: adina, altuera, hil zenetik zenbat denbora igaro den... Era berean, DNA probak ere egingo dizkiete gorpuzkiei, desagertuta dauden pertsonen eta irekiak dituzten kasuen datu baseetako datuekin alderatzeko asmoz. Atzo bertan Eusko Jaurlaritzako Segurtasun Sailak azaldu zuenez, aurkitutako gorpuzkien jatorria ikertzeko hainbat hipotesi zituzten; besteak beste, desagertutako arrantzale bat izatea, edo Euskal Herritik urrun itsasora eroritako norbait izatea. Nahita eragindako hilketaren hipotesia ere mahai gainean daukate oraintxe, azken aurkikuntzak kontuan izanda.

Horrez gain, Ertzaintza Arrigunaga hondartzako inguruak ikertzen dabil oraindik ere. Txakur Unitatearekin batera, hiru edukiontzi aztertzen ari dira; Arrigunagako hondartzan ez ezik, miaka dabiltza Ereagan eta Gorrondoatxan ere. Inguruko kostaldean ere hainbat urpekari eta ontzi ari dira bilaketa lanetan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Jendea Iruñeko Gaztelu plazako terrazetan ©Iñigo Uriz/ Foku

Nafarroako Auzitegi Nagusiak atzera bota du terrazetan erretzeko debekua

Edurne Begiristain

Nafarroako Justizia Auzitegiak ohar batean esan du foru gobernuak emandako justifikazioa ez dela «nahikoa» ostalaritzako terrazetan erretzea debekatzeko. Gainerako neurri murriztaileak berretsi egin ditu.

Pujanaren gorpua topatu, eta ikerketa abiarazi zuen Ertzaintzak. ©GORKA RUBIO / FOKU

Epaileak espetxera bidali ditu Aizarnazabalgo hilketaz akusatutako biak

Maider Galardi F. Agirre

Hilketa leporatutako bi pertsona horiek bikote dira, eta Aintzane Pujanarekin bizi ziren, Aizarnazabalgo landetxeko apartamentu batean. Ikerketaren arabera, urtarrilaren 2an hil zuten, haserrealdi baten ondoren. Baldintzarik gabe dira preso.

Erizain bai Pfizer etxearen txerto batekin ©Marko Djokovic/ Efe

Pfizerrek aldi baterako murriztuko du txertoen banaketa Europan

Berria

Ekoizpen gaitasuna areagotzeko asmoz, entregak murriztuko ditu datorren astetik aurrera.

GuraSOSek deitutako mobilizazioetako bat, Donostian. ©Jon Urbe / Foku

Instituzioen «mespretxua» salatzeko mobilizatzera deitu du GuraSOSek, urtarrilaren 23an

Berria

Giza kate bat egingo dute Donostian, Osasuna, ingurumena, justizia lelopean. 

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna