Albistea entzun

Gasteiz eta Araba atera egin dira eremu gorritik

Denera, 70 herritan ezarriko dituzte aparteko neurri murriztaileak Araban, Bizkaian eta Gipuzkoan. Zerrenda horretan sartu dira Arrigorriaga, Barakaldo, Galdakao eta Sopela, eta atera, berriz, Andoain, Berango, Eibar eta Mutriku, besteak beste. Nafarroan, itxita daude Alesbes, Arbizu, Cadreita, Etxarri Aranatz, Lakuntza eta Lodosa.

Terraza bat, Gasteizen.
Terraza bat, Gasteizen. Jaizki Fontaneda / Foku Tamaina handiagoan ikusi

Berria -

2021eko maiatzak 3

Eusko Jaurlaritzako Osasun Sailak eguneratu egin du azkeneko hamalau egunetan 100.000 biztanleko 400 kasu baino gehiago dituzten udalerrien zerrenda. Azkenekoz astelehen honetan eguneratu du zerrenda hori Jaurlaritzak, eta biharamunean sartzen da indarrean. Itxialdi perimetralean daude oraindik Bilbo eta Donostia; baita Bizkaia eta Gipuzkoa ere.

5.000 biztanle baino gutxiago dituzten udalerrien artean, 29tik 23ra jaitsi da eremu gorrian daudenen zerrenda joan den astetik.

Labik 400 kasuko intzidentzia tasa gainditzen duten tokietan ezartzen ditu aparteko neurriak. Toki horietatik ezin da atera aparteko baimenik gabe, eta ostatuek barruko jarduera mugatua dute ordu jakin batzuetara: 06:30etik 09:30era eta 13:00etatik 16:00etara bakarrik zabal ditzakete barruko aldeak bezeroentzat. Gainera, toki itxietako kirol jarduerak gehienez lauko taldetan egin ahal izango dira, eta kirol instalazioetako aldagelak eta dutxak itxita egongo dira, igerilekuetan izan ezik.

Aste osoan egon beharko dute horrela, datorren astean berrituko baita zerrenda.

Orain, herri hauek daude eremu gorrian:

5.000 biztanletik gora (47):

Araba: Amurrio eta Laudio.

Bizkaia: Arrigorriaga, Barakaldo, Bilbo, Erandio, Ermua, Derio, Galdakao, Getxo, Leioa, Lekeitio, Mungia, Muskiz, Ondarroa, Portugalete, Santurtzi, Sestao, Sopela eta Trapagaran.

Gipuzkoa: Aretxabaleta, Arrasate, Astigarraga, Azkoitia, Azpeitia, Bergara, Deba, Donostia, Errenteria, Hernani, Hondarribia, Irun, Lasarte-Oria, Lazkao, Legazpi, Lezo, Oiartzun, Oñati, Ordizia, Orio, Pasaia, Tolosa, Urnieta, Urretxu, Usurbil, Villabona, Zarautz, Zumaia eta Zumarraga.

5.000 biztanletik behera (23):

Araba: Artziniega eta Aiara.

Bizkaia: Bakio, Etxebarria, Gamiz-Fika, Loiu, Otxandio, Urduliz, Urduña eta Zierbena.

Gipuzkoa: Aia, Aizarnazabal, Alegia, Anoeta, Antzuola, Asteasu, Ataun, Eskoriatza, Getaria, Ibarra, Zaldibia, Zestoa eta Zizurkil.

Nafarroan

Nafarroako Gobernuak Lakuntza itxi zuen joan den ostiralean, eta maiatzaren 8ra arte egongo da horrela, gutxienez.

Lakuntzan ez ezik, itxiera perimetrala dagoeneko ezarria da herrialdeko beste bost herritan: Alesbesen, Arbizun, Cadreitan, Etxarri Aranatzen eta Lodosan. Horiek maiatzaren 6ra arte izanen dira itxirik, printzipioz.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

CO2 neurgailu bat Iruñeko taberna batean, airearen kalitatea ona dela adierazten. ©JESUS DIGES / EFE

Nafarroako Gobernuak baieztatu egin du ostatu barruak irekiko direla

Maria Ortega Zubiate

Astelehenetik aurrera izango da; gehienez edukieraren %30 erabili ahalko dute. CO2 neurgailuak jartzen badituzte, guztiz bete ahal izango dituzte establezimenduak
 ©MONIKA DEL VALLE /FOKU
Erizain bat emakume bati txertoa jartzen, Iruñean. ©IDOIA ZABALETA / FOKU

Ekainaren erdirako espero dute Nafarroan 40-49 urte artekoen txertaketa hastea

Erredakzioa

16 urtetik gorako herritarren %40k gutxienez dosi bat hartu dute, eta %18k pauta osoa hartu dute. Asteburuan 5.100 dosi eman nahi dituzte

Maskararik gabeko bizitza, gero eta gertuago munduan

Berria

AEBetan, txertatuak izan direnak maskararik gabe ibiltzen ahalko dira espazio itxietan ere, muga batzuekin

Koronabirusa egunez egun

Koronabirusaren krisiari buruzko buletin berezi honek azken 24 orduetan gertatutakoaren gakoak eskainiko dizkizu. Arratsaldero jasoko duzu.