Albistea entzun

Olinpiar Jokoak

Jokoak egiteko konpromisoa berretsi du Japoniako Gobernuak

Yoshihide Suga lehen ministroak ukatu egin du The Times egunkariak ateratako informazioa. Bertan esaten zen Japoniako Gobernuak "pribatuan" hartu zuela udan Jokoak ez egiteko erabakia, eta lanean ari zela 2032an antolatzeko.

Jokoak egiteko konpromisoa berretsi du Japoniako Gobernuak
Jokoak egiteko konpromisoa berretsi du Japoniako Gobernuak Tamaina handiagoan ikusi

Ainara Arratibel Gascon -

2021eko urtarrilak 22

Japoniako lehen ministro Yoshihide Suga argi mintzatu da: udan Olinpiar Jokoak egitearen asmoari eusten diote: "Tokioko agintariekin eta Nazioarteko Olinpiar Batzordearekin elkarlanean, ziurrak diren Olinpiar Joko batzuk antolatu nahi ditugu". Hala, gezurtatu egin du The Times egunkariak ateratako informazioa. Bertan esaten zen Japoniako Gobernuak "pribatuan" erabaki zuela Olinpiar Jokoak ez antolatzea, eta lanean ari zela 2032koak antolatzea eskatzeko. Izan ere, 2024koek eta 2028koek badute egoitza: Paris eta Los Angeles, hain zuzen ere.

Sugak jokoak antolatzearen garrantzia nabarmendu du. "Gizateriak COVID-19a mendean hartu duen seinale izango litzateke". Gainera, berretsi du lanean ari direla uztailerako dena prest izateko. Antzera mintzatu da Jokoen antolakuntzari lotutako eskumenak dituen Seiko Hashimoto ministroa. "Argi utzi nahi dut egunkari horrek atera duen informazioa ez dela egia, eta ahalegin guztiak ari garela egiten dena behar bezala joan dadin, beharrezkoak diren neurriak hartzeko eta pandemia kontrolpean izateko".

Nazioarteko Olinpiar Batzordeak ere ohar bat atera du: "Japoniako Gobernuak ateratako oharra argia da, eta ozen esan nahi dugu informazio horiek faltsuak direla. Denak ari gara lanean uztailean egingo diren Olinpiar Jokoak arrakastatsuak izan daitezen. Hori da buruan dugun gauza bakarra. Arreta osoa hor dugu jarria. Beharrezkoak diren neurri guztiak hartzeko ari gara lanean".

NOBek iazko martxoan erabaki zuen Olinpiar Jokoak atzeratzea, pandemiagatik. Hainbat aukera izan zituen, eta egokiena urtebete atzeratzea zela adostu zuen. Inaugurazio ekitaldia noiz izango den ere jakinarazi zuen: aurtengo uztailaren 23an. Sei hilabete eskas falta dira horretarako, eta kirolariek prestatzen eta lehiatzen jarraitzen dute, pandemiak izan dezakeen bilakaeraren zain.

Japoniako Gobernuaren asmoa Jokoak antolatzea bada ere, oso bestelakoa da herritarren iritzia. Izan ere, duela egun batzuk ateratako inkesta baten arabera, hamar japoniarretik zortzi Jokoak bertan behera uztearen edo berriz atzeratzearen aldekoak ziren. Kyodo Japoniako albiste agentzia ofizialak egin zuen inkesta.

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Chris Froome, eskuak altxatzen, Zoncolango helmugan, 2018ko Italiako Giroko 14. etapa irabazi berritan. ©DANIEL DAL ZENNARO / EFE

Azal berdina, mami ezberdina

Eñaut Agirrebengoa

Italiako Giroa maiatzaren 8tik 30era jokatuko da aurten, eta ez du espero zen bezain ibilbide gogorra edukiko, menditsua izan arren. Erlojuaren kontra 38 kilometro egingo dira soilik

Mikel Merino, Asier Illarramendi eta Igor Zubeldia Realeko jokalariak, Manchester Unitedeko Marcus Rashfordi baloia kendu nahian, joanekoan. ©A. DI MARCO / EFE

Grina pizteko modu bila

Jon Ander De la Hoz

Joanekoan galdu ondoren, Reala suspertu beharrean dago gaur Manchesterren jokatzeko. Iluntzeko lehiari heltzeko gakoak xehatu ditu Uxue Otxoa psikologoak.

Old Trafford estadioa. ©Laurence Griffiths / POOL / EFE
Aitor Elizegi Athleticeko presidentea eta Raul Garcia jokalaria, aurrelariaren kontratu berria sinatzeko ekitaldian. ©ATHLETIC

Erronkak, adinaren gainetik

Ainara Arratibel Gascon

Baieztatu da bolo-bolo zebilena: Raul Garciak beste urtebetez luzatu du kontratua Athleticekin. 35 urterekin, taldeari nortasuna eta eskarmentua ematen segitu nahi du, eta, nola ez, golak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.