Albistea entzun

DONOSTIAKO LISKARRAK

Ertzaintzak Donostiako Parte Zaharra hartu du berriz

Segurtasun Sailaren arabera, botilak jaurti dizkiete agenteei. Auzoko Gazte Asanbladak, ordea, ukatu egin du istilurik egon izana. Hamar lagun identifikatu dituzte. Pasaian, berriz, gazte bat atxilotu dute.

Ertzaintzaren autoak Donostian, atzo.
Ertzaintzaren autoak Donostian, atzo. Gorka Rubio / Foku Tamaina handiagoan ikusi

Berria -

2021eko urtarrilak 24

Ehunka lagun mobilizatu ziren atzo Donostian, Poliziak azken egunetan herritarren aurka izaniko oldarraldiak salatzeko. Egun berean, ordea, berriz ere Parte Zaharrean sartu ziren ertzainak, laugarren aldiz egun gutxian. Ertzaintzaren hamabost auto eta zortzi furgoi bertaratu zirela salatu dute, eta hamar lagun identifikatu zituzten gutxienez. Sare sozialetan zabaldu dutenez, han zeudenen aurka egin zuten.  

Eusko Jaurlaritzaren Segurtasun Sailaren arabera, kale edanean ari ziren gazte taldeak sakabanatzera joan zen Ertzaintza. Adierazi dute agenteak gazteei oldartu zitzaizkienean hainbat botila jaurti zizkietela. Parte Zaharreko Gazte Asanbladak, ordea, ukatu egin du istilurik egon izana, baina salatu du Ertzaintzak hainbat gazte «lurrean atxikita» eduki zituela.

Liskarrak izan dira beste zenbait hiri eta herritan ere, besteak beste Pasaian (Gipuzkoa) eta Santurtzin (Bizkaia). Segurtasun Sailaren arabera, azken herri horretan kale edanean ari zen lagun bat atxilotu dute. Ertzain bat zauritu izana leporatzen diote.

«Jasanezina»

Donostiako Parte Zaharreko Gazte Asanbladaren esanetan, hirian duten egoera «jasanezin» bihurtu da, eta 33 eragileren babesa izan zuen hori salatzeko eginiko mobilizazioak. Asanbladaren ustez, Polizia «osasun neurriak babestera baino gehiago, auzotarrak jipoitzera» joan izan da azken egunetan. Asteazkenean, besteak beste, pilotakada batek masailezurra hautsi zion gazte bati, eta lau lagun atxilotu zituzten. «Jotzeko egingo dugu tiro», adierazi zuen ertzain batek gau hartan, pilotakadak jauritzen hasi aurretik.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Ertzaintzaren kontrol bat Donostia eta Pasaia artean (Gipuzkoa). ©GORKA RUBIO / FOKU

Araba, Bizkai eta Gipuzkoako herrien artean mugitzea baimendu du Labik

Ion Orzaiz - Andoni Imaz

Udalerrien konfinamendu perimetrala bertan behera utziko du Jaurlaritzak asteartean. Intzidentziak behera egin arren, gainerako neurriek indarrean segituko dute, «egoerak hobera egin arte»
Emakume bat COVID-19aren kontrako txertoa hartzen, Zarautzen. ©G. RUBIO / FOKU

Osakidetzak txertaketa guneen kopurua handitu du: 25etik 117ra

Uxue Rey Gorraiz

Osasun Sailak aurreikusi du 57.000 dosi jarriko dituztela astebetean. Nafarroan, asteartean hasiko dira 80 urtetik gorakoak txertatzen
 ©GUILLAUME FAUVEAU

«Txertoa ekintza kolektibo baten gisan ulertu behar dugu»

Oihana Teyseyre Koskarat

Baionako ospitaleko farmaziako eta laborategiko burua da De Cazanove. Txertaketa kanpaina antolatzen aritu da azken hilabeteotan. Hasierako «arazoak» gaindituta, txertoez eta finkatutako estrategiaz mintzatu da.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna